Matyu 12:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ighurunim gavgaviba puvatɨgha dɨpɨrasava amim, a bar anepɨrighan kogham, egh lamɨn pamtem isir puvatɨzim, a anemungeghan kogham. Egh a kamaghɨra, gavgaviba puvatɨzir gumazamizibar asughasugh deravɨra me damuam. A kamaghɨra damu mangɨ, guizɨn arazim damightɨ, a ikɨ gavgavigham.

Godɨn Akar Aghuim; Akar Dɨkɨrɨzir Gavgavir Igiam

²⁰ Egh ighurunir gavgaviba puvatɨgha dɨpɨrasava amim, a bar dɨpɨrighan kogham, egha lamɨn pamtem isir puvatɨzim, an anemungeghan kogham. Egh kamaghɨra, a gavgaviba puvatɨzir gumazamizibar asughasugh deravɨra me damuam. A kamaghɨra damu mangɨ, arazir aghuiba dar amutɨma da bar azenim giramin dughiam otogham.

Matyu 12:20 ပူးပေါင်းရင်းမြစ်များ

Esekiel 34:16

Eghtɨ nan sipsipɨn taba oveghtɨ, kɨ mangɨ da buri da bativ ua da inigh izam. Egh sipsipɨn tintinibar ghueziba, kɨ ua dar aku izam. Eghtɨ taba ikuvigh duaba ikɨtɨ, kɨ dar duaba akɨr da nogham. Eghtɨ taba arɨmariaba ikɨtɨ, kɨ da akɨrightɨ da ua ghuamaghegham. Egh sipsipɨn mɨkarziba sara itiba ko sipsipɨn gavgaviba, kɨ dagh asɨghasigham. Guizbangɨra, kɨ guizɨn arazim damu, egh sipsipbagh eghuv dar ganam.

Luk Osirizir Akar Aghuim 4:18

“God Akar Aghuim onganarazibagh amir gumazamizibav kɨnasa na mɨsevegha, borem nan dapanim ginge, kamaghɨn amizɨ, Ekiamɨn Duam nan iti. Egha uaghan akam akunasa na amada, eghtɨ kɨ kamaghɨn me mɨkɨm suam, gumazir damazir kuraba ua ganam. Eghtɨ kalabusɨn itir gumazamiziba ko gumazir osɨmtɨzibar apengan itiba, kɨ me bagh kalabusɨn tiar akam kuightɨ, me kalabus ategh fɨrighɨregh mangam. Kɨ kamaghɨn me mɨkɨmam, Ekiam gumazamizibagh ifongezir dughiam, an otogha gɨfa.”

Onger Akaba 147:3

An osɨmtɨziba aterir gumazamizibagh ami me ua dera. Egha men duaba nogha dagh ami da uam agui.

Akar Mogomem 6:2

Ezɨ kɨ ua gara egha hoziar ghurghurir mamɨn garima, gumazim barir pimɨn suiragha a gapera. Me atrivimɨn dapanir asuar mam a ganɨngi, ezɨ a mɨdorozim gamua uan apanim abɨrazɨ moghɨn zui, egha mɨdorozir avɨribagh amua uan apaniba abɨra ghuavɨra iti.

2 Korin 2:7

Kamaghɨn amizɨ, ia arazir igharazitamɨn datɨrɨghɨn a damu. Ia an arazir kuraba gɨn amadaghɨva, an gɨrakɨrangɨn tugh, navir amɨrizim a danɨng. Puvatɨghtɨ, osɨmtɨzir bar ekiam gumazir kam dɨkabɨragham.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Onger Akaba 51:17

O God, nɨ kamaghɨn ifonge, kɨ ofan mɨn bar uabɨ abɨragh bar nɨn apengan ikiam. Gumazamizir uari abɨra navibagh iziba, nɨ akɨrim ragha me gasir puvatɨ.

2 Atriviba 18:21

Kɨ fo, kantri Isip nɨn akuragh mɨsoghasa nɨ a bagha gara mɨzua iti. Egha kɨ nɨ mɨgei, Isip mati abuar mɨsiam dɨpɨriaghirɨgha gɨfa. Egh nɨ a inigh fidizimɨn mɨn an suiragh darutɨ, an ruaghatevim nɨn agharim mɨtɨgham. Isipɨn atrivimɨn arazim, abuar mɨsiar kamɨn mɨrara ghu. Kamaghɨn amizɨ, mɨsoghamin dughiamɨn a izɨ nɨn akuraghan kogham.

Matyu 11:28

Ia, gumazamizir ingangarir ekiabagh amua osɨmtɨzir avɨriba ateriba, ia bar moghɨra na bagh izɨ. Eghtɨ kɨ aghuvsazim ia danɨngam.

Aisaia 40:11

A sipsipbagh eghuvir gumazimɨn mɨn, uan gumazamiziba deragha me geghuva men gari. A zurara uan agharimningɨn sipsipɨn nguziba akumakua, me isa uan evarim garɨgha, me ateragha arui. A sipsipɨn amebar nguzir bar muziariba itiba, a men asughasugha, me isa tuaviba men akakagha, men akua zui.

2 Korin 2:14

Ezɨ God, Krais ko porogha en faragha zuima, e an gɨn ghua kalabuziar gumazamizibar mɨn ghua bar akuegha mɨgɨa ghaze, Krais modorozim gafiragha apaniba dɨkabɨragha gɨfa! Ezɨ arazir kamɨn gumazamiziba bar God gɨfoghamin fofozim ini. A mati mughuriar aghuimɨn mɨn otozɨ, amɨnim a bɨrazɨ a tintinibar ghu. Bizir kam bagha kɨ God mɨnabi.

Matyu 11:7

Ezɨ Jonɨn suren gumaziba anetegha ghuezɨma, Iesus an gun gumazamizibav gei, “Ia gumazamiziba puvatɨzir danganimɨn ghua tizimɨn ganasa ghue? Ia ti ighurunir amɨnim ivaimɨn ganasa ghue? Puvatɨ.

Ofa Gami 10:20

Ezɨ Moses kamaghɨn oregha ghaze, Aronɨn akam a dera. Ezɨ an navim an amɨra.