Matyu 11:21 - Godɨn Eghaghanim: Akar Gavgavir Dɨkɨrɨzir Ghurim ko Igiam

²¹ “Ia Korasinɨn nguibamɨn itir gumazamiziba, Iavzika! Ia kuram iniam. Ia Betsaidan nguibamɨn itir adarasi, Iavzika! Ia bar ikuvigham. Gumazitam Tairɨn nguibam ko Saidonɨn nguibamɨn ghua, mirakelɨn kɨ amiziba men tongɨn dagh amighai, Tair ko Saidonɨn itir darazi ti fomɨra navibagh iragha, egha azir adiariba aghuigha, averenim gapiava a guruava, egha uan arazir kamɨn uari akakagha ghaze, me uan arazir kuraba ataki.

Godɨn Akar Aghuim; Akar Dɨkɨrɨzir Gavgavir Igiam

²¹ “Ia Korasinɨn nguibamɨn itir gumazamiziba, Iavzika! Ia kuram iniam. Ia Betsaidan nguibamɨn itir adarazi, Iavzika! Ia bar ikuvigham. Gumazitam Tairɨn nguibam ko Saidonɨn nguibamɨn ghua, mirakelɨn kɨ amiziba men tongɨn dagh amighai, Tair ko Saidonɨn itir darazi ti fomɨra navibagh iragha, egha azir adiariba aghuigha, averenim gapiava aguruava, egha uan arazir kamɨn uari akakagha ghaze, me uan arazir kuraba ataki.

Matyu 11:21 ပူးပေါင်းရင်းမြစ်များ

Aposel 12:20

Egha Herot adarim Tair ko Saidonian gumazamizibar iti. Me Herot garir nguibar ekiamɨn uan dagheba isi. Kamaghɨn amizɨ, me datɨrɨghɨn uari akuvagha izi an ganasa. Me faragha Blastus ko uariv kemezɨ a me ko navir amɨrizim inis. Blastus, an Atrivim Herot akuir danganimɨn garir gumazim. Egha gɨn, me Herotɨn ganasa zui, Herot men apangkuvigh adarir kam me kom anegɨvagham.

Jon Osirizir Akar Aghuim 12:21

Egha Grighɨn gumazir kaba Filip bagha ize. (Filip a Betsaidan nguibamɨn gumazim, a Galilin Distrighɨn iti.) Egha me kamaghɨn a mɨgei, “Gumazir ekiam, e Iesusɨn ganasa ifonge.”

Luk Osirizir Akar Aghuim 9:10

Ezɨ Iesusɨn aposelba uamategha izegha, bizir me amizibar gun a mɨgei. Ezɨ a me inigha me uarira nguibar mam an ziam Betsaidan ghue.

Mak Osirizir Akar Aghuim 6:45

Gumazamiziba amegha gɨvazɨma, Iesus kamaghɨn uan suren gumazibar ariragha ghaze, Ia botɨn bɨnighɨva faragh Betsaidan nguibamɨn vongɨn mangɨ. Kɨ uabɨra ikɨ gumazamiziba amadaghtɨ me ua uan nguibabar mangam.

Matyu 15:21

Ezɨ Iesus nguibar kam ategha ghua nguibar ekiamning Taia ko Saidonɨn nguazimɨn ghu.

Jopɨn Akɨnafarim 42:6

Kamaghɨn amizɨ, kɨ uan mɨgɨrɨgɨaba ko uabɨra uabɨn aghumsɨki. Egha datɨrɨghɨn nguazir mɨnemeniam ko averenim gaperaghav iti, nan arazir kam kamaghɨn nɨn akagham, kɨ navim giragha gɨfa.”

Jut Osirizir Akɨnafarim 1:11

Me bar ikuvigham! Me Kein aruizɨ moghɨn arui. Me ivezim baghavɨra nɨghnɨsi, egha Balam amizɨ moghɨn ami. Egha me dagɨaba iniasa bar ikufi. Egha me Koran mɨn Godɨn akabar gɨntɨzir puvatɨ, egha arazir kam bangɨn me bar ovegha ikuvigha gɨfa.

Jon Osirizir Akar Aghuim 1:44

(Filip a Betsaidan nguibamɨn gumazir mam. Andru ko Pitan nguibam, Betsaida.)

Luk Osirizir Akar Aghuim 6:17

Egha Iesus uan suren gumaziba ko ghuaghira danganir zarimɨn tu. An gɨn aruir gumazamizir avɨrim iti. Ezɨ maburan avɨrir Jerusalem ko Tair ko Saidonɨn Ongarir dadarim, ko Judian aven itiba bar, Iesus baraghɨva men arɨmariaba ghuamaghasa me ize. Ezɨ gumazamizir duar kuraba asɨghasɨghiziba, ua dera.

Mak Osirizir Akar Aghuim 8:22

Egha me Betsaidan ghuezɨma, gumazir maba gumazir damazir kurar mam inigha, Iesus bagha izi. Me izegha dafarim a darɨghasa Iesus gakaghori.

Mak Osirizir Akar Aghuim 7:31

Egha Iesus dɨkavigha Tairɨn danganim ategha, ghua Saidonɨn danganimɨn otogha ghua, Dekapolisɨn Distrighɨn otogha ghua, Galilin Dɨpar Akaremɨn dadarim giraghu.

Mak Osirizir Akar Aghuim 3:8

Gumazamizir avɨriba Judian Distrik ko, Jerusalemɨn nguibam ko, Idumean Distrik ko, Jordanɨn Fanemɨn vongɨn itir danganiba ko, Tair ko Saidonɨn nguibamningɨn ikegha Iesus bagha ghuaghiri. Gumazamizir avɨrir kaba, me an amizir bizibar akam baregha a bagha ghuaghiri.

Matyu 18:7

“Kɨ ghaze, gumazamizir nguazimɨn ikiava igharaz darazigh amima me arazir kurabagh amiba, mevzika! Me kuram iniam! Arazir kuraba guizbangɨra otifi, ezɨ arazir kurabagh amima da otivir gumazamiziba, kɨ ghaze, Iavzika! Ia kuram iniam!

Matyu 11:22

Ezɨ kɨ ia mɨgei, Godɨn Kotɨn Dughiamɨn, osɨmtɨzir ia iniamim, an osɨmtɨzir Tair ko Saidon iniamim gafiragham.

Aposel 27:3

E amɨmzaraghan Saidonɨn oto. Egha Julius arazir aghuim Pol gamua anetaghizɨ a uan adarazi bagha zuima, me dagheba ko bizibar an akurvasi.

Luk Osirizir Akar Aghuim 4:26

Ezɨ God Israelɨn amizitam bagha Elaija amadazir puvatɨ. A Saidonɨn danganir aven itir nguibar mam, Sarefetɨn itir amuir odiarim baghavɨra anemada.

Mak Osirizir Akar Aghuim 7:24

Egha Iesus Genesaret ategha Tairɨn nguibar ekiamɨn danganimɨn ghu. A gumazamiziba a gɨfoghan an aghuagha, mogomebar ghua dɨpenir mamɨn aven ghugha egha modozir puvatɨ. Me bar fo, a dɨpenimɨn aven iti.

Matyu 26:24

Gumazamizibar Otarim, Godɨn Akɨnafarim mɨkemezɨ moghɨn, an aremegham. Eghtɨ gumazir Gumazamizibar Otarim isava apanibar agharim gatɨzim, gumaka! A bar ikuvigham! Amebam a batezir puvatɨzɨ deraghai!”

Jeremaia 13:27

Kɨ uabɨ gari, nɨ arazir bar kurar kɨ ifongezir puvatɨzibagh ami. Nɨ asebar gɨn mangasa pamtemɨn ingara, mɨghsɨaba ko danganir tuziba itibar dar ziaba fe. Nɨ mati gumazim uan roroamɨn amuim ko dakuasa an gɨriabagh suagha arui, egha mati hoziar apurim pamten hoziar amebamɨn gɨn ghuava aroi. O Jerusalem, nɨn araziba bar mɨze, egh nɨ kamaghɨra ikɨ mangɨ manadɨzoghɨn ua zuegham? Bar puvatɨgham. Noka! Nɨ bar ikuvigham.”

Joel 3:4

“Ia Tair ko, Saidonɨn nguibamningɨn adarazi ko, Filistian kantrin danganiba bar, ia manmaghɨn na damuasa? Ia ti ghaze, Kɨ arazir kuram gamizɨ, ia na ikarvaghasa a? Ia kamaghɨn nɨghnɨghtɨ, kɨ zuamɨra ian arazir kuram ikaragham.

Amos 1:9

“Ia oragh! Ikiavɨra Itir God Akar Gavgavir kam ia ganɨga ghaze, Tairɨn nguibar ekiamɨn gumazamiziba, arazir kurabagh amua ghuavɨra iti. Me ikɨzir mabar gumazamiziba bar me isa Idomɨn kantrin me amadazɨ, Idomia me isa kalabusɨn mɨn me atɨ. Me fomɨra ikɨzir kaba ko deragh dapiasa akam akɨri, ezɨ puvatɨ, me datɨrɨghɨn uan akar dɨkɨrɨzim abɨki. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Akar Mogomem 6:12

Ezɨ Sipsipɨn Nguzim akɨnafarimɨn kendelɨn grisɨn namba 6 adangi, ezɨ kɨ ua garima mɨkɨmkɨzir dafam nguazimɨn oto. Ezɨ aruem isiragha gari puvatɨzɨ, overiam ko nguazim mɨtatangi. Ezɨ iakɨnim bar aghevegha ghuzimɨn mɨn gari.

Akar Mogomem 11:3

Eghtɨ kɨ uan akamɨn gun mɨkɨmamin gumazir pumuning amadagh gavgavim aning danightɨma, aning nan akam inigh mangam. Aning osɨmtɨzir korotiabar aghuighɨva, egh nan akam kun mangɨva, 1,260plan dughiabar tugham.”