Matyu 10:36 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁶ Gumazamizibar anababa uari, men apanimɨn ikɨva, men ikuvigham.

Godɨn Akar Aghuim; Akar Dɨkɨrɨzir Gavgavir Igiam

³⁶ Gumazimɨn anababa uari, an apanim ikɨva, an ikuvigham.

Matyu 10:36 ပူးပေါင်းရင်းမြစ်များ

Jeremaia 12:6

Ezɨ nɨn aveghbuaba ko nɨn adarazi akɨrim nɨ gasaragha, osɨmtɨzim nɨ darɨgh pazɨ nɨ damuasa akam mɨsoke. Egha uari akuvagha nɨ ekɨarugha gɨvagha, bar nɨn suighasa roghɨra izi. Kamaghɨn amizɨ, me izɨ akar aghuibar nɨ mɨkɨmtɨ, me baraghan markɨ.”

Onger Akaba 41:9

Nan roroar aghuim, kɨ nɨghnɨzir gavgavim an iti. Gumazir na ko dagheba apim, nan apanimɨn oto.

Onger Akaba 55:13

Ezɨ nɨrara, nɨ bar nan namakamra. Nɨrara, nɨ nan roroamra, egha bar nan boroghɨra iti. Egha nɨrara nɨ arazir kurar kabar na gami.

2 Samuel 16:11

Egha Devit kamaghɨn Abisai ko uan ingangarir gumazir dapanir igharazibav gɨa ghaze, “Nan otarir nan otozimra na mɨsueghtɨ kɨ aremeghasa, ezɨ ia tizim bagha Benjaminɨn anabamɨn gumazir kamɨn adaribar dɨgavir kuram gami? Guizbangɨra, Ikiavɨra Itir God a mɨkemezɨma, a bizir kam gami. Kamaghɨn amizɨ, ia aneteghtɨ an akar kabar amu.

Jeremaia 20:10

Kɨ orazi, gumazamiziba bar nɨmɨra uarira uariv gɨa ghaze, Jeremaia, a ghaze, bizir kurar kam bar danganibar iti, an e damutɨ e atiatingam. Kamaghɨn e a isɨ kotiam datɨka. E datɨrɨghɨrama a isɨ gumazir ekiabar damazimɨn kotiam darɨgham. Nan namakaba kamaghsua ifonge, bizir kurar na bativir kaba na dɨkabɨragham. Me ghaze, “E ti a gifaragh a dɨkabɨraghɨva, an arazir kuram ikarvagham.”

1 Samuel 17:28

Ezɨ Devitɨn avebam Eliap orazima, Devit gumaziba ko mɨgei. Ezɨ an navim ikuvizɨma a kamaghɨn a mɨgei, “Nɨ tizim bagha kagh ize? Tinara nɨn sipsipɨn muziariba gumazamiziba puvatɨzir danganimɨn dar gara dagh eghufi? Kɨ fo, nɨ ifari, nɨ orazi puvatɨgha puvɨra ifaghatir gumazim. Nɨ pura daru mɨdorozimɨn ganasa ize, biziba puvatɨ.”

Jenesis 3:15

Egh kɨ nɨ damightɨ nɨ amizimɨn apanimɨn ikɨtɨ, amizim nɨ apanimɨn ikiam. Eghtɨ kɨ nɨn ovavir boribar amightɨ, me amizimɨn ovavir boribar apanimɨn ikiam. Egh an ovavir borir mam nɨn dapanim dɨkaragham, eghtɨ nɨ an dagarir gɨnkevim giviam.”

Jon Osirizir Akar Aghuim 13:8

Ezɨ Pita a mɨgɨa ghaze, “Nɨ nan dagariba ruan markɨ. Bar markɨ!” Ezɨ Iesus kamaghɨn an akam ikaragha ghaze, “Kɨ nɨn dagariba rueghan koghtɨ, nɨ na ko ikian kogham.”

Aisaia 19:2

Egha Ikiavɨra Itir God kamaghɨn mɨgei, “Kɨ Isipian navibagh inivtɨ, me uarira uariv sogham. Aveghbuaba uarira uariv soghtɨma, namakaba uarira uariv sogham. Isipian nguibar ekiaba uarira uariv soghtɨma, provinsba uaghan uarira uariv sogham.

Matyu 10:21

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.