Matyu 10:28 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁸ Ia gumazir namnar kɨnibav sozibar atiatingan markɨ. Me ian duabav sueghan kogham. Puvatɨ. Ia Godram atiating. A namnam ko duam uaghara aning isɨva helɨn avimɨn aning gasɨghasɨghamin gavgavim iti.

Godɨn Akar Aghuim; Akar Dɨkɨrɨzir Gavgavir Igiam

²⁸ Ia gumazir namnar kɨnibav sozibar atiatingan markɨ. Me ian duabav sueghan kogham. Puvatɨ. Ia Godram atiating. A namnam ko duam uaghara aning isɨva avimɨn aning gasɨghasɨghamin gavgavim iti.

Matyu 10:28 ပူးပေါင်းရင်းမြစ်များ

Akar Mogomem 2:10

Ia kɨran oveghangɨn mɨzazitaba iniam, eghtɨ bizir kam ia damutɨ ia atiatingan markɨ. Ia uari bagh ganigh. God ian nɨghnɨzir gavgavim tuisɨgh egh foghasa, a gavgafi, o puvatɨ. Kamaghɨn amizɨ, Satan ia damutɨ me ian tongɨn tarazi kalabus darɨgham. Eghtɨ ia 10plan dughiabar osɨmtɨziba ko mɨzaziba ateram. Egh ia nɨghnɨzir gavgavir Kraisɨn itimɨn suiragh gavgavigh mamaghɨra ikɨ mangɨ, ia aremeghamin dughiamɨn otoghtɨ, kɨ ikɨrɨmɨrir aghuimɨn ivezir aghuarimɨn mɨn pura ia danɨngam.

Jems 4:12

God uabɨra Moses Osirizir Araziba anɨdi, egha a uabɨra jas. A uabɨra gumazamizibar akurvagham, o me gasɨghasɨgham. Kamaghɨn ia te, ia jasɨn mɨn gumazamizir igharaziba tuisɨsi?

Jeremaia 5:22

Ikiavɨra Itir God kamaghɨn ia mɨgɨa ghaze, Ia manmaghsua nan damazimɨn atiatiava agoir puvatɨ? Kɨ ongarim dɨpɨr izɨ mɨtivasa danganimɨn abaragha gɨfa, ezɨ ongarir dadarim an ongarim dɨpɨr izɨ tuivamin dɨvazimɨn mɨn ikɨ mamaghɨra ikiam. Eghtɨ ongarir ekiam pamten dɨpɨr izɨ, egh dɨvazir kam azovagh mangɨghan kogham.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Fofozir Gumazim 5:7

Nɨ gumazir zurara irebabar garim, o nɨ gumazir pura mɨgeim, arazir kaba uaghan pura biziba. Arazir kabar mɨngariba mongezɨ e dagh fozir puvatɨgha okam nɨghnɨsi. Kamaghɨn, nɨ zurara Godɨn atiating an apengan ikɨ.

1 Pita 3:14

Eghtɨ ia arazir aghuibar amuva da bagh mɨzaziba iniva, egh ia bar akongegham! Eghtɨ me atiatingamin bizitam ia damutɨ, ia men atiatingan markɨ.

Aisaia 66:2

Kɨ uabɨ, uan dafarimningɨn overiam ko nguazim ko biziba bar dar ingarizɨ, da otivigha iti. Nan navim kamaghɨn amir gumazamizibar iti: Gumazamizir uari abɨrava, uan arazir kuraba bagha osemegha, nan akam baregha nan atiatia nɨgha, nan apengan itiba, kɨ men gara bar me gifonge. Kɨ Ikiavɨra Itir God, kɨ mɨkemegha gɨfa.

Onger Akaba 119:120

Kɨ bizir nɨ damuasa e mɨkemezibagh nɨghnɨsi. Egha kamaghɨn, kɨ bar nɨn atiatima, nan mɨkarzim nɨghava agoi.

Matyu 25:46

Eghtɨ gumazamizir kamaghɨn amiziba mangɨ, ivezir kuram iniam, kar mɨzazir gɨvan koghamim. Eghtɨ gumazamizir aghuiba mangɨ, ikɨrɨmɨrir aghuir zurara itim iniam.”

Aisaia 51:7

“Ia arazir aghuim deragha a gɨfogha uan navir averiabar aven nan akamɨn suiragha gavgavizir darasi, ia gumazir ian atarava akar kurabar ia gamua, ia gasɨghasɨzibar atiatingan markɨ.

Hibru 10:31

Kamaghɨn, Godɨn ikia mamaghɨra itim, a tavɨn suiragh ivezir kuram a danɨngam, eghtɨ gumazir kam guizbangɨram atiatingam.

Matyu 10:26

Egha Iesus ua kamaghɨn mɨgei, “Gumazamiziba pazɨ ia damutɨ, ia men atiatingan markɨ. Moegha itir biziba, da azenim giregham. Akar aven itiba, gumazamiziba dagh fogham.

Hibru 11:35

Ezɨ gumazir ariaghirezir maba, me ua dɨkafi, ezɨ men amiziba ua me ini. Ezɨ apaniba gumazir maba kalabus gatɨgha, men mɨkarzibagh asɨghasɨgha ghuav iti, me ariaghire. Men apaniba ghaze, me akɨrim ragh God gasaragham, eghtɨ me me ateghtɨ me mangam. Ezɨ me uan apanibar akaba batoke. Me ghaze, me aremegh, ua mozimɨn dɨkavigh ikɨrɨmɨrir aghuim iniam. Eghtɨ ikɨrɨmɨrir igiar kam bar deragh nguazir kamɨn ikɨrɨmɨrim bar a gafiragham. Kamaghɨn amizɨ, apaniba me mɨsoghezɨ, me ariaghire.

Aposel 21:13

Ezɨ Pol me ikaragha kamaghɨn mɨgei, “Ia tizim bagha aziava nan navim gamima a ikufi? Me na ikɨsɨ, a dera. Kɨ uaghan Ekiam Iesusɨn ziam bagh Jerusalemɨn aven aremegham, a dera.”

Matyu 5:22

Ezɨ kɨ kamaghɨn ia mɨgei, gumazir manam uan aveghbuamɨn atari, a kotiamɨn mangam. Egh gumazitam mɨgɨrɨgɨar kurabar uan aveghbuam mɨkɨm suam, a Kotiar Ekiamɨn otivam. Egh gumazitam gumazir mamɨn atar suam, a gumazir onganim, a helɨn avir ekiamɨn mangam.

Jon Osirizir Akar Aghuim 5:29

Egh me bar moziba ategh azenimɨn izam. Gumazamizir arazir aghuibagh amiziba, me ua dɨkavigh egh zurara angamɨra ikiam. Eghtɨ gumazamizir arazir kurabagh amiziba, me ua dɨkavighɨva kotiamɨn ikiam, eghtɨ kɨ kamaghɨn me mɨkɨmam, me bar helɨn mangɨva ivezir kuram iniam.”

Jopɨn Akɨnafarim 37:24

Kamaghɨn amizɨ, gumazamiziba an atiati. Ezɨ gumazir uarira uari feba ghaze, me fofozir avɨriba iti, God gumazir kaba barazi puvatɨ.”

2 Atriviba 17:39

Puvatɨ. Ia nan ziamra fɨ, kɨ Ikiavɨra Itir God, ian God. Egh ia nan apengara ikɨ. Ia kamaghɨn damutɨ, kɨ ian akuraghtɨ apaniba ia abɨnan kogham.”