Malakai 4:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Kɨ Ikiavɨra Itir Godɨn Gavgaviba Bar itim ghaze, bizir kabar amuamin dughiamɨn, ia gumazir kurar kaba ia tuzir siribar mɨn me dɨkabɨn me abɨnigham.

Malakai 4:3 ပူးပေါင်းရင်းမြစ်များ

Jopɨn Akɨnafarim 40:12

Nɨ gumazamizir akaba batozibar gan me dɨkabɨn. Egh gumazamizir arazir kurabagh amiba, me itir danganibara, zuamɨra bar me dɨkɨ me mɨrmɨrigh.

Akɨnafarir Pol Romɨn Nguibar Ekiamɨn Itir Sios Bagha Osirizim 16:20

Dughiar bar otevimɨn, Godɨn navir amɨrizim ko dabirabir aghuarim anɨdim, a Satanɨn gavgavim gasɨghasɨghɨva ian amamangatɨghtɨ, ia Satan dɨkaraghtɨma, a ian dagaribar apengan ikiam. En Ekiam Krais Iesusɨn apangkuvim ia ko ikɨ.

Malakai 3:17

Ezɨ Ikiavɨra Itir Godɨn Gavgaviba Bar Itim ghaze, “Gumazamizir kaba, me nan adarazira ikiam. Eghtɨ dughiar kɨ inabazir kam otoghtɨ, gumazamizir kaba guizbangɨra na baghvɨra ikiam. Eghtɨ nan apangkuvim men ikɨ mamaghɨra ikiam, mati borim afeziamɨn ingangarim gamizɨma, afeziam an apangkufi.

Sekaraia 10:5

Me mɨdorozir gumazir gavgavibar mɨn uari inigh, uan apaniba abɨntɨ, mati mɨdorozir gumaziba nguibar ekiamɨn zuir tuavimɨn uan apaniba, nguazir beghneazibar me dɨkabɨri. Kɨ Ikiavɨra Itir God me ko ikiam. Kamaghɨn amizɨ, me bar pamtemɨn mɨsogh mangɨ, hoziabagh apiazir mɨdorozir gumazibav sogh me abɨnigham.

Maika 7:10

Apaniba faragha kamaghɨn e mɨgɨa ghaze, “Ikiavɨra Itir God, ian God managh iti?” Egh me gɨn gantɨ Ikiavɨra Itir God en akuraghtɨ, me bar aghumsigham. E gantɨ Ikiavɨra Itir God me dɨkɨtɨ, mati gumazamiziba tuavimɨn beghneazim dɨti moghɨn, a me dɨkabɨnigham.

Maika 5:8

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, mati laion ruarimɨn itir asɨziba ko, sipsipɨn dɨvazimɨn aven itibar amasa gari. A sipsipbar tongɨn mangɨ, uabɨ fɨ sipsipbav kɨn me givi me aghoram. Eghtɨ gumazir men akurvaghamiba puvatɨgham.

Aisaia 26:6

Nguibar nguazim girezir kaba, gumazir onganaraziba ko gumazamizir gavgaviba puvatɨziba, datɨrɨghɨn iza uan suebar me dɨkabɨra me gisɨn arui.

Akar Mogomem 14:20

Ezɨ me dagɨar mɨner ekiar kamɨn wainɨn ovɨziba nguibar ekiamɨn azenan da mɨrmɨri. Ezɨ ghuzim dagɨar mɨnemɨn azenan iza, aperiamɨn mɨn ghua 300 kilomitan tu. Ezɨ ghuzimɨn konim anaga mitan pumuningɨn boroghɨn tu.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Daniel 7:27

Egh Godɨn Bar Pɨn Itim, a nguazimɨn atriviba bar dar gavgaviba isɨ uan gumazamizibar anɨngam. Eghtɨ me atrivibar ikɨ mamaghɨra ikiam. Eghtɨ kantriba bar Godɨn gumazamizibar apengan ikɨva, egh ingarɨva men akaba baragham.”

Daniel 7:18

Eghtɨ gɨn Godɨn Bar Pɨn Itimɨn gumazamiziba, me gavgavim inighɨva, biziba bar dagh ativagh, ikɨ mamaghɨra ikiam.”

Esekiel 28:18

“Nɨ bizibagh iveza da amaga, arazir kurar avɨribagh amua, nan ziam fer danganibagh amizɨ, da bar mɨze. Kamaghɨn amizɨ, kɨ nɨn nguibar ekiam avim a gatɨzɨ, a isia ghua nguazir kɨnim oto. Ezɨ gumazamizir nɨn gariba, nɨ men damazimɨn averenimɨn oto.

Aisaia 25:10

Eghtɨ Ikiavɨra Itir God bar deravɨra Saionɨn Mɨghsɨamɨn gantɨ, a deraghvɨra ikiam. Egh a Moapian gumazamiziba fofozim me danɨng. Egh apanibar amamangatɨghtɨ, me izɨ me gasɨghasɨgh me abɨnigham, mati bulmakauba uari uan buariba dɨkabɨri, da dadabar aven zui.

Onger Akaba 91:13

Nɨ laionba ko, kuruziba ko, laionɨn igiaba ko, kuruzir kurar ekiaba dɨkabɨnam.

2 Samuel 22:43

Kɨ bar me gasɨghasɨghizɨ, me mati amɨnim nguazir mɨnemeniam giveragha ghu. Kɨ me dɨkabɨra me abɨni, mati kɨ tuavimɨn nguazir beghneaziba dɨka zui.

Jenesis 3:15

Egh kɨ nɨ damightɨ nɨ amizimɨn apanimɨn ikɨtɨ, amizim nɨ apanimɨn ikiam. Eghtɨ kɨ nɨn ovavir boribar amightɨ, me amizimɨn ovavir boribar apanimɨn ikiam. Egh an ovavir borir mam nɨn dapanim dɨkaragham, eghtɨ nɨ an dagarir gɨnkevim giviam.”

2 Samuel 22:39

Kɨ me gasezɨ, me kuabara ira, nan dagarimningɨn apengara ira ua dɨkavasava amuava avenge.

Onger Akaba 49:14

God me amɨsevegha ghaze, me sipsipbar mɨn arɨghirɨ, Gumazamizir Oveaghuezibar Nguibamɨn mangam. Eghtɨ ovevem me geghuv men garir gumazimɨn mɨn ikiam. Me uan dɨpenir aghuiba ateghtɨ, men mɨkarziba bar kurighɨreghtɨ, me Gumazamizir Oveaghuezibar Nguibamɨn ikiam. Eghtɨ amɨmzaraghan, gumazamizir aghuiba gumazamizir kabagh ativagh men ganam.

Onger Akaba 147:6

A gumazamizir uarira uan naviba abɨra itiba, a men dafaribar suigha me fe me dɨkafi. Egha arazir kurabagh amir gumazamiziba, a me dɨkabɨri me nguazim giri.