Malakai 3:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egha Ikiavɨra Itir God ua ghaze, “Kɨrara kɨ Ikiavɨra Itir God, kɨ uan nɨghnɨzim giraghan kogham. Kamaghɨn amizɨ, ia Jekopɨn ovavir boriba bar gɨvazir puvatɨ.

Malakai 3:6 ပူးပေါင်းရင်းမြစ်များ

Dɨboboniba 23:19

God a gumazamizibar mɨn ikia ifarir puvatɨ. Egha gumazamizibar mɨn ikia uan nɨghnɨzim gɨghavkɨrir puvatɨ. A bizir manam damuasa akar dɨkɨrɨzim gami, an a damuam. A mɨgeir biziba otivaghiri.

Hibru 13:8

Krais Iesusɨn arazim, a fomɨra kamaghɨra ikia datɨrɨghɨn ikia, egh a gɨn zurara kamaghɨra ikiam.

Jems 1:17

Bizir bar aghuir e isiba, ko bizir ikuvir puvatɨziba, da bar Godɨn Nguibamɨn pɨn izaghiri. God Afeziam a biziba bar overiam dar ingari, a bizir aghuir kaba e bagha da amadi da izaghiri. Ezɨ Afeziar kam a uan araziba raghɨrazir puvatɨ. A bizitamɨn nedazimɨn mɨn aruem a gisirazɨ an otevegha ruarazir puvatɨ. A kamaghɨra iti.

Jeremaia 32:27

“Nɨ gan! Kɨ uabɨ kɨ Ikiavɨra Itir God, kɨ nguazir kamɨn gumazamiziba bar moghɨra men God. Kɨ bizitam damuan iburaghan kogham.

1 Samuel 15:29

Bar guizbangɨra, Ikiavɨra Itir God, a Israelian God, a nguazir kamɨn gumazim puvatɨ. Kamaghɨn amizɨ, a ifarir puvatɨgha uan nɨghnɨziba otavkɨrir puvatɨ. Bar puvatɨ. Kamaghɨn, e fo, God uan akam uam a giraghan kogham. Bar puvatɨ.”

Hibru 6:18

Egha datɨrɨghɨn akar pumuning iti, kar Godɨn akar dɨkɨrɨzim, ko Godɨn arazir uan ziam dɨborim, aning otevkɨnighan kogham. God uabɨ ifarir puvatɨ. Kamaghɨn amizɨ, e gumazamizir ara ghua Godɨn boroghɨn mongeziba, e Godɨn akar dɨkɨrɨzim gɨnɨghnɨgh egh e uan naviba gavgavim dar anɨng, egh bizir aghuir e fogha iniamiba mɨzuamvɨra ikiam.

Akar Mogomem 1:8

Ekiam, a Godɨn Gavgaviba Bar Itim, a kamaghɨn mɨgei, “Kɨrara kɨ faraghavɨra ikia, egh abuan ikɨvɨra ikiam.” Kar Godɨn kamnangra, a datɨrɨghɨn ikia, fomɨra ikia, egh gɨn uamategh izam.

Akar Mogomem 22:13

Kɨrara kɨ bar faraghavɨra ikia egh abuan ikɨvɨra ikiam. Egha kɨ biziba bar dar mɨngarim, egha ingangarir kɨ amiba kɨ uaghan bar a da gefi.

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Onger Akaba 103:17

Ezɨ gumazamizir Ikiavɨra Itir Godɨn apengan ikia an atiatiba, a zurazurara men apangkufi. Egh men ovavir borir gɨn otivamiba, a uaghan deragh me damuvɨra ikiam.

Onger Akaba 102:26

Overiam ko nguazim bar ikuvigh gɨvagham, eghtɨ nɨ zurara ikiam. Guizbangɨra, aning bar ikuvigham, mati inim ghurigha bar bɨaghire. Nɨ aning damightɨ aning gɨvagham, mati gumazim korotiar ghurim suegha a makuni. Eghtɨ aning bar gɨvagh ua ikian kogham.

Filipai 1:6

Ezɨ kɨ kamaghɨn fo, God uabɨ ingangarir kam ia ganɨga, ian navir averiabar aven ingar mangɨ, Krais Iesus Ua Izamin Dughiamɨn ingangarir kam agɨvagham.

Aisaia 41:13

Kɨ Ikiavɨra Itir God, ian God, kɨ ian boroghɨra ikia, gavgavim isa ian agharir guvim ganɨga kamaghɨn ia mɨgɨa ghaze, Ia atiatingan markɨ. Kɨrara, kɨ ian akurvagham.

Hosea 11:9

Nan anɨngagharim ian ti. Eghtɨ kɨ pazɨ ia damuan kogham. Egh kɨ ua ia gasɨghasɨghan kogham. Nan araziba gumazamizibar arazibar mɨn zuir puvatɨ. Kɨ Godɨn Bar Zuezim, ezɨ nan araziba bar deragha bar zue, egha kɨ ia ko iti. Kɨ atar izɨ bar ia gasɨghasɨghan kogham.

Onger Akaba 78:57

Men inazir afeziaba faragha amizɨ moghɨn, me an akaba batogha nɨghnɨzir gavgavim dar itir puvatɨ. Me mati barir pim ikɨrazɨ, gumazim asi bariba ikɨzɨrɨgha zui.

Onger Akaba 78:38

Ezɨ a men apangkuvighavɨra ikia, men arazir kuraba gɨn amadagha, me gasɨghasɨzir puvatɨ. A dughiar avɨribar uan adarim amɨnivagha men akazir puvatɨ.

Jenesis 15:7

Egha ana mɨgɨa ghaze, “Kɨrara kɨ Ikiavɨra Itir God. Nɨ Kaldian danganimɨn itir nguibam Urɨn itima, kɨ nɨn diagha nɨ inigha iza nguazir kam nɨ ganɨngi, eghtɨ nɨ an afeziamɨn ikegham.”

Akɨnafarir Pol Romɨn Nguibar Ekiamɨn Itir Sios Bagha Osirizim 5:10

E faragha Godɨn apaniba, ezɨ an Otarimɨn ovevemɨn an e gamizɨ e an namakaba. Datɨrɨghɨn e an namakaba, ezɨ Iesus angamɨra ikiava, kamaghɨn bar guizbangɨra a en akurvagham.

Jenesis 22:16

“Kɨ Ikiavɨra Itir God, guizbangɨra uabɨ uan ziam dɨbora ghaze, nɨ bar borir kamra ikia, egha an anogoroghezir puvatɨ.

Jenesis 15:18

Ezɨ dughiar kamra Ikiavɨra Itir God Akar Dɨkɨrɨzir Gavgavim Abram koma a gamua ghaze, “Kɨ nguazir kaba isɨ nɨn ovavir boribar anɨngam. Eghtɨ men nguazimɨn mɨtaghniam Isipɨn kantrin dɨpar mɨriamɨn ikegh mangɨ Yufretisɨn Faner ekiamɨn tugham.

Onger Akaba 102:27

Ezɨ nɨ ikia kamaghɨra iti, egha gevir puvatɨ. Eghtɨ nɨn azeniba gɨvaghan kogham.

Daniel 6:26

Kɨ kamaghɨn ia mɨgei, ia nan kantrin gumazamizir kɨ ativaziba, ia ziar ekiam Danielɨn God danɨng, egh Godɨn kamɨn atiating an apengan ikɨ. “Kar Godɨn Ikia Mamaghɨra Itim, egh an atrivimɨn ikɨ mamaghɨra ikiam. An Dughiar an Atrivimɨn Ikiamim ko an gavgavim gɨvaghan kogham.

Habakuk 1:12

O Ikiavɨra Itir God, nɨ fomɨra ikia iza datɨrɨghɨn, nɨ ikiavɨra iti. Nan God, nɨ nan Godɨn Bar Zuezim. Nɨ zurara ikɨ mangɨ aremeghan kogham. O Ikiavɨra Itir God, nɨ mati dagɨar bar gavgavim, ezɨ e nɨn gɨrakɨrangɨn uari modi. E fo, nɨ en arazir kuraba ikarvagh, puv e damuasa, Nɨ Babilonia amɨsevegha gavgavim me ganɨngi.

Onger Akaba 102:28

E nɨn ingangarir gumazamiziba. Nɨ deraghvɨra en boribar gantɨ, me deraghvɨra ikiam. Egh nɨ men ovavir borir gɨn otivamibar akuraghtɨ, me deraghvɨra ikiam.

Aisaia 46:4

Kɨ ian God, kɨ ian ganvɨra ikɨ mangɨ, ia bar ghurigh dapanir arɨzir ghurghuriba otivighamin dughiam otogham. Kɨ fomɨra uabɨ ian ingara ia gamizɨ, ia gumazamizir ikɨzir vamɨran oto, egh kɨ zurara ia aterɨva, ian gan ian akurvagham.