Malakai 3:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Eghtɨ dughiar a izamin kam, tinara an kotiamɨn aven guizbangɨra mɨkɨmam? Eghtɨ an azenaram otogh izamin dughiar kam, tinara tugh an ganam? Bar puvatɨgham. Guizbangɨra, a mati, avim bar puvɨra isia golɨn isigha bizir kuraba bar da adangizɨ moghɨn, a izam. Egh mati, sopɨn gavgavir inir mɨzɨrɨzim rutɨ a bar zueghamimɨn mɨn ganam.

Malakai 3:2 ပူးပေါင်းရင်းမြစ်များ

Sekaraia 13:9

Eghtɨ ikɨzir itir kam, a nan damazimɨn zueghsɨ, kɨ a damu ganigham, mati me silvaba ko, golɨn mɨneziba batueghasa, avimɨn da tuema da isi. Eghtɨ me na ko mɨkɨmtɨ, kɨ men mɨgɨrɨgɨaba baragham. Egh kɨ kamaghɨn me mɨkɨm suam, ‘Ia nan gumazamiziba.’ Eghtɨ me kamaghɨn na mɨkɨmam, ‘Nɨ Ikiavɨra Itir God nɨ en God.’ ”

Aisaia 4:4

Ekiam Jerusalemɨn nguibam damightɨ, a ua deragh zueghasa. A uan gavgavir ekiamɨn, avimɨn mɨn izɨ gumazamizibar araziba tuisɨgh, egh Saionɨn amizibar arazir mɨzɨrɨziba bar da ruva da gɨn amadagham. Egh uaghan Jerusalemɨn gumaziba, gumazir igharaziba mɨsozi men ghuziba irezir araziba ruegham. Dughiar kamɨn Jerusalem zuegh gɨvagham.

Akar Mogomem 6:17

E fo, aningɨn anɨngagharimɨn dughiar ekiam datɨrɨghɨn otozɨ aning gumazamizibar arazir kuraba ikarvaghasa. Eghtɨ gumazitam aningɨn anɨngagharim iriagh, angamɨra ikian kogham!”

Luk Osirizir Akar Aghuim 21:36

Ia zurara uari bagh gan Afeziam ko mɨkɨmvɨra ikɨtɨ, a gavgavim ia danɨngtɨma ia bizir otivamin kabagh itavɨragham. Egh ia Gumazamizibar Otarimɨn damazimɨn tuivam.”

Onger Akaba 2:7

Ezɨ atrivim kamaghɨn mɨgei, “Kɨ datɨrɨghɨn Ikiavɨra Itir God na mɨkemezir bizibar gun mɨkɨmam. A ghaze, ‘Nɨ nan otarim, ezɨ datɨrɨghɨn kɨ nɨn afeziamɨn oto.’

Luk Osirizir Akar Aghuim 3:17

Witba mɨsevir savol an dafarimɨn iti, eghtɨ a uan witba mɨsɨva dar daghebar arɨghɨva, witba mɨsevir dɨpenimɨn witɨn mɨseviba aviva, dar mɨseviba avir munger puvatɨzimɨn da akuntɨma, da isiam.”

Luk Osirizir Akar Aghuim 3:9

Sobiam datɨrɨghɨn temer povibar iti, eghtɨ temer dagher ovɨzir aghuiba itir puvatɨziba, God bar da okeghɨva da isɨva avim mɨkɨnam.”

Malakai 4:1

Ikiavɨra Itir Godɨn Gavgaviba Bar Itim ghaze, “Ia deragh oragh. Dughiatam izɨtɨ, gumazamizir akaba batogha uan ziaba fava arazir kurabagh amiba, avir ekiam tuzibar isi moghɨn, otogh bar men isitɨ, me bar gevegham. Eghtɨ temer aguatam, o ter bitam ikian kogham.

Akar Mogomem 2:23

Kɨ uaghan an boribav sueghtɨ me arɨmɨghiregham. Eghtɨ siosba bar kamaghɨn fogham, kɨ bar gumazibar naviba ko nɨghnɨzibagh fogha da tuisɨsi. Egh kɨ ia amir arazibar mɨrara ivezim isɨ vaghvagh ia danɨngam.

Hibru 12:25

Ia deraghvɨra gan, egh ia uan kuaribav kumigh Gumazir Mɨgeimɨn akam baraghan aghuaghan markɨ. Fomɨra nguazir kamɨn God Akar Gavgavim gumazamizibagh anɨngi. Ezɨ me an akam baraghan aghua, egha gɨn me uan arazir kurabar ivezir kuram gitazir puvatɨ. God datɨrɨghɨn uan Nguibamɨn ikia egha akar bar gavgavim e ganɨngi. E akɨrim ragh a gasaragh egh e uan arazir kuramɨn ivezir kuram gitavɨragham, o? Bar puvatɨ.

Jon Osirizir Akar Aghuim 8:55

Ia a gɨfozir puvatɨ. Ezɨ kɨ a gɨfo. Egh kɨ suam, ‘Kɨ a gɨfozir puvatɨ,’ kamaghɨn, kɨ ian mɨn ifavarir gumazimɨn otogham. Kɨ a gɨfogha gɨvagha, egha deravɨra an akamɨn gɨn zui.

Luk Osirizir Akar Aghuim 2:34

Ezɨ Simeon ghaze, God bizir aghuiba ia bagh dar amu, egha Simeon kamaghɨn an amebam Maria mɨgei, “Borir kam God a ginaba, eghtɨ Israelɨn avɨriba God bagh tugh gavgavigham. Eghtɨ avɨriba iregham. Eghtɨ gumazamiziba bizir an amibar ganɨva akar kurabar dav kɨmam.

Jeremaia 2:22

Ian mɨkarziba arazir mɨzɨrɨziba dar puegha gavgafi, Ia ti ghaze, ia osɨmtɨzir kaba rusɨ sopɨn gavgavibagh ivezegh, da rutɨ da gɨvagham. Bar puvatɨ. Ian arazir mɨzɨrɨzir ian mɨkarzibar pogheziba, nan damazimɨn ikiavɨra iti. Kɨ Ikiavɨra Itir God, ian Ekiam.

Aisaia 1:18

“Ia oragh. Kɨ Ikiavɨra Itir God, kɨ ia mɨgɨa ghaze, Ia izɨ, e uari akuvagh deraghvɨra nɨghnɨgh akam akɨrigham. Kɨ garima, ia arazir kurar avɨriba iti, egha ia mati nir ghurghurim, me nguazir aghevim a gasɨghasigha gɨvazɨ moghɨn iti. Eghtɨ kɨ ia zuegh ia damutɨ, ia ua buruvir ovɨzimɨn mɨn bar ghurghurigham. Guizbangɨra, ian arazir kuraba, mati ter ovɨzir aghevir ighiabagh amimɨn mɨn gari. Eghtɨ kɨ ian arazir kuraba gɨn amadaghtɨ, ia arinir ghurghurimɨn mɨn bar ghurghurigham.

Matyu 25:10

Ezɨ guivir nɨghnɨzir aghuiba puvatɨzir kaba ghuezɨma, gumazir amuimɨn ikiamim oto. Ezɨ guivir boreba itiba, a ko isar ekiam bagha dɨpenimɨn aven ghue. Ezɨ gumaziba tiam asara.

Mak Osirizir Akar Aghuim 9:3

An korotiabar angazangarir gavgavir kam guizbangɨra ghurghuri. Ghurghurir kam nguazimɨn gumazitam ruezir bizir ghurghuritam an mɨn garir puvatɨ.

Esekiel 22:14

Dughiar kɨ pazavɨra ia damuamin kamɨn, ia uan navir averiabar aven osɨmtɨzir kam aterɨva puvɨra atiatingam. Kɨ Ikiavɨra Itir God, kɨ mɨkemezɨ moghɨn, kɨ damuam.

Akar Mogomem 19:8

Amizir kam, God korotiar ghurghurir bar aghuim a ganɨngi, korotiar kam bar zuegha an dirim dafogha isi.” (Korotiar ghurghurir kam, a Godɨn gumazamizibar arazir aghuir me Godɨn damazimɨn amiba, dar ababanim gami.)

Akar Mogomem 7:14

Ezɨ kɨ kamaghɨn an akam ikara, “Gumazir ekiam, nɨ uabɨ fo.” Ezɨ a kamagh na mɨgei: “Gumazamizir kaba me uan apanibar dafaribar osɨmtɨziba ko mɨzazir ekiaba ini. Ezɨ osɨmtɨzibar dughiam datɨrɨghɨn gɨfa. Ezɨ me uan korotiaba Sipsipɨn Nguzimɨn ghuzimɨn da ruegha, dagh amizɨ, da ghurghuri.

Luk Osirizir Akar Aghuim 7:23

Gumazir nan ganigha nɨghnɨzir gavgavim nan itiba, men nɨghnɨzir gavgavim ikɨvɨra ikɨ, eghtɨ men navir averiaba deraghtɨ me bar akuegham!”

1 Samuel 6:20

Egha Betsemesɨn itir gumazamiziba kamaghɨn mɨgei, “Ikiavɨra Itir God, a Godɨn bar zuezim, tinara an damazimɨn mɨtɨgham? Bar puvatɨgham. A en atartɨma, en tav bar deragh ikeghan kogham. Kamaghɨn amizɨ, e Godɨn Boksiar kam amadaghtɨ, a igharagh mangam. E managhɨra anemangam?”

Onger Akaba 76:7

O God, nɨ men ataran bighangɨn, tinara nɨn damazimɨn tuivam? Bar puvatɨ. Gumazamiziba bar puvɨra nɨn atiati.

Onger Akaba 130:3

O, Ikiavɨra Itir God, nɨ en arazir kuraba mengegh dar suiragh ikɨtɨ, Ekiam, en tinara nɨn damazimɨn tugh gavgavigham?

Aghuzir Akaba 25:4

Me silva isɨ avimɨn a tuaghtɨ an poghezir dagɨar mɨnezir kuraba asighɨreghtɨ, silvara otogham. Eghtɨ gumazim an itarir aghuimɨn ingarigham.

Aisaia 33:14

Saionɨn itir gumazamizir arazir kurabagh amua Godɨn damazimɨn mɨzeziba, me bar atiatighava agoi. Egha me kamaghɨn mɨgei, “Ikiavɨra Itir Godɨn anɨngagharim, an avir bar gavgavimɨn mɨn isiava, biziba bar da gefi. An ofa gamir dakozimɨn itir avim zurara isia mamaghɨra iti. Ezɨ en tongɨn tinara a ko ikiam?”

Daniel 11:35

Eghtɨ apaniba gumazir dapanir tabav soghtɨ me arɨghiram. Eghtɨ men osɨmtɨzir kam gavgavim gumazamizir mabar anɨngam. Me arazir aghuibar amuva, Godɨn damazimɨn bar zuegham. Eghtɨ arazir kam gɨvaghan kogham. A kamaghɨra ikɨ mangɨ God inabazir dughiar abuananamɨn tugham.

Joel 2:11

Ikiavɨra Itir God uan mɨdorozir gumaziba Akar Gavgavim me ganɨdi, ezɨ an mɨgɨrɨgɨaba mati ararim dagarvasi. An mɨdorozir gumaziba bar avɨraseme, eghtɨ gumazitam me dɨponɨva avegham. Ikiavɨra Itir God Izamin Dughiar Ekiam, gumazamizibar amutɨ, me bar atiatigham. Eghtɨ tinara dughiar kamɨn aven mangɨ ikuvighan kogh, deravɨra ikiam? Ti puvatɨgham.

Nahum 1:6

An anɨngazir dughiam, tina deravɨra ikɨ ikuvighan kogham. Bar puvatɨgham. A gumazamizibar anɨngagha, an damazimning mati avim isiava aghefe, An anɨngagharim, dagɨaba mɨsaragharɨsi.

Jenesis 19:28

Egha a Sodom ko Gomora, ko danganir zarir aning itir kam bagha gari, egha gari avir ekiamɨn mɨgharim nguazimɨn ikegha overiamɨn ghuavanadi.

Jopɨn Akɨnafarim 28:1

“Gumaziba gol ko silva iniasa nguazimɨn aven mozir bar konibagh tui. Egha gol ko silva tuamin danganibar ingari, eghtɨ avim dar mɨnezibar isightɨ da bar zuegham.