Malakai 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia nan akabar gɨn zuir puvatɨ. Egha gumazamizibar sure damuasa akar magh garibar men sure gamir puvatɨ. Ia marazi akar isɨngtɨzibar me mɨgɨa egha marazir atari. Kamaghɨn, kɨ Israelia damightɨ me akɨriba ia gasegh ian aghuagham.”

Malakai 2:9 ပူးပေါင်းရင်းမြစ်များ

1 Samuel 2:30

“Kɨ Ikiavɨra Itir God, Israelian God, kɨ akar kam aghurigha ia mɨgei: Kɨ fomɨra ian inazir afeziam Aron uan adarazi ko kɨ me mɨkeme, me zurara nan ofa gamir gumazibar mɨn ingaram. Ezɨ datɨrɨghɨn kɨ mɨgɨrɨgɨar kam giragham. Kɨ kamaghɨn mɨkɨmam, gumazir nan ziam fem, kɨ ziar ekiam a danɨngam. Eghtɨ gumazir na barazir puvatɨzim, kɨ bar anebɨragham.

Godɨn Araziba 1:17

Kɨ kamaghɨn me mɨkeme: Gumazim a ziam iti o ziam puvatɨ, ia arazir vamɨran gɨn mangɨ bar men araziba tuisɨgh. God uabɨ kotɨn dughiamɨn nɨghnɨziba ia danɨngam, eghtɨ ia gumazitamɨn atiatingan markɨ. Eghtɨ osɨmtɨzim bar ekeveghtɨ, ia anekɨran iburaghɨva, a inigh na bagh izɨtɨ, kɨ a baragham.’

Galesia 2:6

Ezɨ Jerusalemɨn itir gumazir dapaniba, me akar otevir igharazitam nan mɨgɨrɨgɨam isafurazir puvatɨ. Gumazir kaba me gumazir dapaniba, a dera. God gumazir ziaba itibar garir puvatɨ. Kamaghɨn, tina ziam iti, o tina ziam pu, nan nɨghnɨzim, ziar ekiam pura bizim. Kɨ mɨgeima gumazir dapaniba oraghava kamaghɨn mɨgeir puvatɨ, “Nɨ paza bizir mabav gei.” Egha me bar akar otevir igharazitam nan mɨgɨrɨgɨam isafurazir puvatɨ.

Luk Osirizir Akar Aghuim 11:42

“Ia Farisiba, ia ghaze, ia isɨngtɨzim daghebagh anɨdir zuravarir 10plan pozibar da arɨgha, egha pozir vamɨra God ganɨdi. Egha ia Godɨn guizɨn arazim ko a gifongezir arazim ataghɨrasi. Ia faragh arazir ekiar kabar gɨn mangɨ dar amu, egh uaghan arazir dozir ia amiba sara, uaghan dar amu. Kamaghɨn amizɨ, iavzika, ia bar ikuvigham!

Luk Osirizir Akar Aghuim 10:29

Ezɨ a gumazamizibar damazimɨn deraghasa, kamaghɨn a Iesusɨn azara, “Ezɨ tina nan namakaba?”

Malakai 2:8

“Kɨ Ikiavɨra Itir Godɨn Gavgaviba Bar Itim, kɨ kamaghɨn ia mɨgɨa ghaze, Ia ofa gamir gumaziba, ia datɨrɨghɨn guizɨn nan tuavim ataki. Ian suren ifavariba gumazamizibagh amizɨ, me iregha arazir kurar mabagh amigha gɨfa. Bar guizbangɨra, ia Livain adarasi, kɨ ia ko amizir Akar Dɨkɨrɨzir Gavgavim, ia anebigha gɨfa.

Esekiel 13:21

Egh kɨ uaghan akavsiabar amuamin inir ia gumazamizibar dapaniba aveziba adegham, eghtɨ nan gumazamiziba fɨrighɨregh ua ian apengan ikian kogham. Eghtɨ ia kamaghɨn mɨkɨm suam, kɨrara, kɨ Ikiavɨra Itir God.

1 Atriviba 22:28

Ezɨ Mikaia ghaze, “Ia gumazamiziba bar deravɨra nan akar kam baragh!” Egha kamaghɨn Ahap mɨgɨa ghaze, “Nɨ osɨmtɨzitam inighan kogh ua deraghvɨra nguibamɨn izegh, egh nɨ kamaghɨn fogh suam, Akar kɨ mɨgeir kam, a Ikiavɨra Itir Godɨn izezir puvatɨ.”

Malakai 2:3

Ia oragh, ia bangɨn kɨ ian ovavir boriba ivezir kuram me danɨngam. Egh ia ofa gamir asɨzibar buariba isɨ ian guabar aghuigham. Egh ia batueghtɨ, ia mangɨ me asɨzibar buariba akuri naghɨn ikiam.

Aghuzir Akaba 10:7

Gumazir aghuitam aremegham, gumazamiziba a gɨnɨghnɨgh egh bar akuegham. Ezɨ gumazir kuraba ariaghiri, gumazamiziba zuamɨram me bakɨnɨghnɨsi.

Esekiel 7:26

Eghtɨ osɨmtɨzir ekiaba uari tɨvaghtɨvagh me bagh izam, eghtɨ bizir kurar otivir avɨribar akaba uari tɨvaghtɨvagh me bagh izɨtɨ, me da baragham. Egh bar atiatingɨva nan nɨghnɨzibagh fofoghsɨ, akam inigha izir gumazibar azangsɨghtɨ, kɨ akaba me danɨngan kogham. Eghtɨ ofa gamir gumaziba men sure damuamin akaba puvatɨghtɨ, men gumazir dapaniba me danɨngamin nɨghnɨzir aghuiba puvatɨgham.

Maika 3:11

Ezɨ Jerusalemɨn gumazir dapaniba kotɨn dughiamɨn, gumazamizibar amamangatɨzɨ, me modogha dagɨaba me givezegha me gakaghorima, me paza kotiaba tuisɨsi. Ezɨ ofa gamir gumaziba, gumazibar amamangatɨghtɨ me dagɨaba me danɨngtɨ, me Godɨn Akar Gavgavibar mɨngariba abɨgh me mɨkɨmam. Ezɨ akam inigha izir gumaziba uaghan ghaze, me dagɨaba inighɨva, akar mogomebar mɨngariba deragh da abɨgham. Jerusalemɨn gumazir ekiar kaba bar, me kamaghɨn amua ghaze, “Ikiavɨra Itir God e ko iti. Ezɨ bizitam e gasɨghasighan kogham.”

Nahum 3:6

Kɨ pazɨ nɨ damuva, bizir mughuriar kuraba zuibar nɨ avaragham. Eghtɨ Kantrin Igharazibar Gumazamiziba nɨn ganɨva bar atiatigham.

Jopɨn Akɨnafarim 32:21

Kɨ tavɨn gɨn mangan kogham. Nan navimɨn itir bizim, kɨ guizbangɨra bighɨvɨra aneghurigh a mɨkɨmam. Kɨ gumazitam apezeper akar isɨngtɨzir tam a mɨkemeghan kogham.

Aghuzir Akaba 12:8

Gumazim nɨghnɨzir aghuim ikiam, eghtɨ gumazamiziba an ziam fam. Eghtɨ gumazimɨn nɨghnɨzim ikuvigham, eghtɨ me an ziam dɨkabɨragham.