Malakai 2:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ia oragh, ia bangɨn kɨ ian ovavir boriba ivezir kuram me danɨngam. Egh ia ofa gamir asɨzibar buariba isɨ ian guabar aghuigham. Egh ia batueghtɨ, ia mangɨ me asɨzibar buariba akuri naghɨn ikiam.

Malakai 2:3 ပူးပေါင်းရင်းမြစ်များ

Nahum 3:6

Kɨ pazɨ nɨ damuva, bizir mughuriar kuraba zuibar nɨ avaragham. Eghtɨ Kantrin Igharazibar Gumazamiziba nɨn ganɨva bar atiatigham.

Malakai 2:9

Ia nan akabar gɨn zuir puvatɨ. Egha gumazamizibar sure damuasa akar magh garibar men sure gamir puvatɨ. Ia marazi akar isɨngtɨzibar me mɨgɨa egha marazir atari. Kamaghɨn, kɨ Israelia damightɨ me akɨriba ia gasegh ian aghuagham.”

Joel 1:17

Nguazimɨn aven dɨpaba puvatɨ, ezɨ dagher ovɨziba nguazimɨn aven ariaghire, ezɨ dagheba otivir puvatɨ. Kamaghɨn amizɨ, ruar dɨpenir dagheba arɨziba, da pura ikia ikufi.

1 Atriviba 14:10

Bar guizbangɨra! Kɨ nɨn adarazigh asɨghasigham. Egh Jeroboam, Israelian aven nɨn gumaziba gɨn otivtɨ, kɨ bar moghɨra me agɨvagham, gumazir igiaba ko aruaba sara. Kɨ bar me agɨvagham, mati gumazim buariba bar da suegha da makunizɨ tam ua itir puvatɨ.

Ua Me Ini 29:14

Egh bulmakaun tuzim ko inim ko an muriamɨn aven itir buariba inigh mangɨ gumazamiziba puvatɨzɨ naghɨn azenan da tuegh. Eghtɨ bulmakaun kam a ofa gamir gumazibar arazir kuraba gɨn amangamin ofa.

1 Korin 4:13

Me akar bar kurabar e mɨgeima, e akar aghuaribar men akaba ikarvasi. E mati bizir kurar gumazamiziba makuniziba. Gumazamizibar damazibar e mati bizir kurar bar mɨzɨrɨziba. E kamaghɨra ikia iza datɨrɨkɨn.

Luk Osirizir Akar Aghuim 14:35

An obarir nguazim ko bulmakaubar buariba uaghan dar akuraghan kogham. Kamaghɨn amizɨ, me a makuni. Tina kuarimning iti, an oragh.”

Jeremaia 8:2

E fo, Judaba bar aruem ko iakɨnim ko mɨkovezibagh ifonge. Egha me bizir kaba bagha iteviba apɨra dar ziaba fava, da ko mɨgɨa, egha uarir akurvaghasa dar azangsɨsi. Kamaghɨn amizɨ, dughiar gɨn izamim, men apaniba Judabar aghariba inigh tintinibar buarir avɨribar mɨn nguazimɨn ada akunigham. Eghtɨ, aruem, ko iakɨnim, ko mɨkoveziba, men agharibagh isiragham. Eghtɨ men aghariba inigh da oparamin gumaziba puvatɨgham.

Onger Akaba 83:10

Nɨ dughiar kamɨn Endorɨn nguibamɨn aning gasɨghasɨghizɨ, aningɨn kuamning ikia kuri.

Jopɨn Akɨnafarim 20:7

Gumazamizir kaba uan buaribar mɨrara ikuvigham. Egh me bar ovengam. Eghtɨ gumazir fomɨra men gara me gɨfoziba, me kamaghɨn mɨkɨmam, gumazir kaba managh iti?

Ofa Gami 26:16

kamaghɨn kɨ bizitamɨn ia damuam. Kɨ zuamɨra ia damightɨ, ia bar ikuvigh bar atiatigham. Kɨ ia damutɨ, ia arɨmariar bar ekiaba iniva, ian mɨkarziba puv fengtɨ, ian damaziba okavightɨ, ian mɨkarziba nɨmɨra su magɨrɨ mangɨ bar ikuvigham. Ia azenibar dagheba opar, egh ia dar daghebar aman kogham. Apanibara, da ini dar amam.

Godɨn Araziba 28:38

“Ia dagher ovɨzir avɨriba oparam, eghtɨ odeziba da agɨvtɨ ia dar ovɨzir vabara iniam.

Onger Akaba 47:5

God uan Nguibamɨn ghuavanangamin dughiamɨn, gumazamiziba bar akuegha tiariba akari, ezɨ sɨghabagh ivir gumaziba dagh ivi.

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.