Malakai 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ E bar moghɨra afeziar vamɨra iti. Ezɨ Ikiavɨra Itir Godɨn vamɨra an e gamizɨ e otifi. Egha manmaghsuavɨra, e uari uan namakaba ko, dɨkɨrɨzir akaba abɨagharɨsi? Egha manmaghsuavɨra, e Ikiavɨra Itir God, en ovaviba ko Dɨkɨrɨzir Akar Gavgavim an gɨn zuir puvatɨ? Arazir kam, bar ikufi!

Malakai 2:10 ပူးပေါင်းရင်းမြစ်များ

Onger Akaba 100:3

Ia kamaghɨn fogh, Ikiavɨra Itir God a guizbangɨra God. A uabɨ en ingarizɨma e an adarazira. E an gumazamiziba, egha an sipsipbar mɨn iti.

Malakai 2:11

Fomɨra Israelia ko Judaba, me Godɨn akamɨn gɨn mangasa akar mam akɨri. Ezɨ puvatɨ, me anebigha uam arazir bar kurar mam gami. Arazir kurar kam me kantrin aven nguibabar bar a gamua, egha uaghan Jerusalemɨn a gami. Men gumazir maba, asebar ziaba fer adarazir amiziba isa dar iti. Ezɨ men arazir kam, Ikiavɨra Itir Godɨn Dɨpenir a bar ifongezim gamizɨ, a bar an damazimɨn mɨze.

1 Korin 8:6

E Godɨn vamɨra iti, a God Afeziam. A biziba bar dar mɨngarim, ezɨ e an gumazamizibar mɨn iti. Ezɨ Ekiar vamɨra iti, a Krais Iesus. A biziba bar dar ingarigha, e gamima, e angamɨra iti.

Efesus 4:6

Ezɨma Godɨn vamɨra iti. A bar moghɨram en Afeziam. A gumazamiziba bar me gativagha men tongɨn ingara egha men aven iti.

Aisaia 63:16

O Ikiavɨra Itir God, nɨ bar guizbangɨra en Afeziam. En inazir afeziamning, Abraham ko Jekop, aning ua e ko itir puvatɨ, egha e gɨfozir puvatɨ. Ezɨ nɨrara, nɨ fomɨram en Akurvazir Gumazimɨn ikia, e geghuva deragha en gara iza datɨrɨghɨn tu.

Aisaia 64:8

O Ikiavɨra Itir God, nɨ en Afeziam, nɨ mati mɨnebar ingarir gumazim. Ezɨ e mati, gumazim nguazim isa uan dafarimningɨn nguazir mɨnebar ingari. Ezɨ nɨ uan dafarimningɨn en ingari.

Aposel 7:26

Egha amɨmzaraghan Moses garima Israelɨn gumazimningra uaning mɨsosi. Ezɨ aning uaning gifueghasa a navir amɨrizimɨn aning mɨgei, ‘Maning, gua orakigh, gua avetinganing, egha gua tizim bagha kaghɨra uaning mɨsosi?’

Matyu 3:9

Egh ia pura uarigh nɨghnɨgh suam ‘E Abrahamɨn ovaviba.’ Kɨ ia mɨgei, God dagɨar kabara amightɨ da Abrahamɨn ovavibar mɨn otivighamin gavgavim iti.

Jon Osirizir Akar Aghuim 8:41

Ia uan afeziamɨn arazim gami.” Ezɨ me kamaghɨn a mɨgei, “En amebaba pura ikia e batezir pu. Puvatɨ. E afeziar vamɨra iti, a God.”

Matyu 22:16

Egha me uan suren gumazir maba ko Herotɨn gɨn zuir marazi amadazɨ, me Iesus bagha ghua kamaghɨn a mɨgei, “Tisa, e fo nɨ guizbangɨra bizibav geir gumazim. Nɨ Godɨn Arazibar gumazamizibar sure gamua guizbangɨra me mɨgei. Nɨ tavɨn nɨghnɨzimɨn gɨn zuir puvatɨ. Akar vamɨra nɨ gumazamizir ziaba itiba, ko gumazamizir kɨniba uaghara, me mɨgei.

Matyu 10:21

“Aveghbuaba uarira uari isɨ apanibar anɨngtɨ me me mɨsoghtɨ me arɨmɨghiram. Eghtɨ afeziaba uan boriba uaghan kamaghɨra me damuam. Boriba uan ameboghfeziabar akaba batoghɨva ovengamin arazibar me damutɨ, me arɨmɨghiram.

Malakai 2:8

“Kɨ Ikiavɨra Itir Godɨn Gavgaviba Bar Itim, kɨ kamaghɨn ia mɨgɨa ghaze, Ia ofa gamir gumaziba, ia datɨrɨghɨn guizɨn nan tuavim ataki. Ian suren ifavariba gumazamizibagh amizɨ, me iregha arazir kurar mabagh amigha gɨfa. Bar guizbangɨra, ia Livain adarasi, kɨ ia ko amizir Akar Dɨkɨrɨzir Gavgavim, ia anebigha gɨfa.

Malakai 1:6

Egha Ikiavɨra Itir Godɨn Gavgaviba Bar Itim kamaghɨn ofa gamir gumazibav gɨa ghaze, “Boriba uan afeziabar apengan ikia men ziaba fe, ezɨ ingangarir gumaziba uan gumazir dapanibar apengan ikia men akabar gɨn zui. Kamaghɨn amizɨ, ia oragh. Kɨ ian afeziam. Ia manmaghɨn amigha nan apengan itir puvatɨ? Kɨ ian gumazir dapanim. Ia manmaghɨra amigha nan akabar gɨn zuir puvatɨ? Ia nan aghuagha akɨrim ragha na gasi. Egha ia kamaghɨn na mɨgɨa ghaze, ‘E manmaghɨra nɨn aghuagha akɨrim ragha nɨ gasi?’

Esekiel 33:24

O nguazir kamɨn gumazim, Israelɨn nguazimɨn itir danganir ikuvizibar ikiavɨra itir gumazamiziba ghaze, Abraham a gumazir vamɨra, ezɨ nguazir kam bar moghɨra an anam. Ezɨ e bar avɨrasemegha ghaze, ti guizbangɨra, God nguazir kam e ganɨngi.

Aisaia 44:2

Kɨ Ikiavɨra Itir God, kɨ fomɨra ian ingarigha ia gamizɨ, ia ikɨzir vamɨran oto. Ia uan amebabar navir averiabar ikezɨ, me tɨghar ia batamin dughiam, kɨ ian ingarigha deravɨra ian gari. O Jesurun, ia nan gumazamizibar ikiasa kɨ fomɨra ia ginabagha gɨfa. O Jekopɨn anabamɨn gumazamiziba, ia nan ingangarir gumazir aghuibar mɨn iti. Kamaghɨn amizɨ, ia atiatingan markɨ.

Aisaia 43:15

Kɨ Ikiavɨra Itir God, Israelian Godɨn Bar Zuezim. Kɨ ian ingarigha ia gamizɨ, ia gumazamizir ikɨzir vamɨran iti, ezɨ kɨ ian atrivimɨn iti.”

Aisaia 43:7

Ia nan gumazamizibara, kɨ vaghvagha ian ingari. Kɨ uan ziar ekiam ko gavgavir ekiam bagha, ian ikɨzimɨn ingarigha ghaze, Kantrin Igharazibar Gumazamiziba ian ganɨva nan ziam fam.”

Aisaia 43:1

Ia Israelia, ia Jekopɨn anabamɨn adarasi, Ikiavɨra Itir God ian ingarigha ia gamizɨ, ia gumazamizir ikɨzir vamɨran otozɨ, a kamaghɨn ia mɨgei: “Kɨ ian akuragha gɨvagha, ian ziaba ia garɨki, kɨ ua baghavɨra ia amɨsefe. Kamaghɨn amizɨ, ia atiatingan markɨ.

Jopɨn Akɨnafarim 31:15

Guizbangɨra, God na gamizɨ kɨ amebamɨn navimɨn oto, egha anarɨra ingangarir gumaziba ko ingangarir amizibagh amizɨ, me uan amebabar navibar otifi. Godɨn kamra bar e gamizɨ, e an damazimɨn magh gari.

Nehemia 13:29

“O nan God, nɨ ofa gamir gumazir kabagh amizir arazir kurar kam gɨnɨghnɨgh. Me ofa gamir gumazibar adarazigh amizɨ, me nɨn damazimɨn mɨze. Egha me Akar Dɨkɨrɨzir Gavgavir nɨ ofa gamir gumaziba ko Livaibagh amizir kam gasɨghasɨki.”

Josua 24:3

Kɨ ian ovavim Abraham, Yufretisɨn Fanemɨn vongɨn a inigha iza Kenanɨn nguazim bar a garuigha, egha ovavir borir avɨriba a ganɨga, Aisak sarama a ganɨngi.

Ua Me Ini 19:5

Egh ia datɨrɨghɨn nan Akar Dɨkɨrɨzir Gavgavimɨn suiragh gavgavigh, nan akabar gɨn mangɨ, nan gumazamizibar otogham. Nguazir kamɨn danganiba bar, ko gumazamiziba bar, me nan adarazira, eghtɨ kɨ men tongɨn iarara ua bagh ia mɨsevegham, eghtɨ ia nan gumazamizibara ikiam.

Hibru 12:9

Ia bizir kam gɨnɨghnɨgh, en afeziar nguazimɨn itiba, e akɨrmɨzima e men ziaba fe. Kamaghɨn amizɨ, en duabar Afeziam, e bar guizbangɨra an apengan ikɨva egh angamɨra ikɨvɨra ikiam.

1 Tesalonika 4:6

Kamaghɨn ia uan aveghbuaba osɨmtɨziba me darɨgh me gifar arazir kurabar men amuibar amuan markɨ. E fomɨra akar gavgavim ia mɨgɨa ghaze, gumazir arazir kurar kabagh amiba, God gɨn ivezir kuram me danɨngam.

Efesus 4:25

Kamaghɨn ia ifavarir arazim atakigh. E bar moghɨra Kraisɨn inivafɨzimɨn soroghafariba ko an bizibar mɨn iti. Kamaghɨn amizɨma, ia bar moghɨrama guizɨn akabar gumazamizir igharazibav kɨm.

Akɨnafarir Pol Romɨn Nguibar Ekiamɨn Itir Sios Bagha Osirizim 9:10

Kamaghɨra, akar igharazir mam kamaghɨn iti: Rebekan otarir pumuning afeziar vamɨran oto, a en ovavim, Aisak.

Akɨnafarir Pol Romɨn Nguibar Ekiamɨn Itir Sios Bagha Osirizim 4:1

Kamaghɨn amizɨ, e Abraham gɨnɨghnɨgham, an en mɨn nguazir kamɨn gumazir mam, egha en ovavim. Bizir tizim guizɨn a bato?

Aposel 17:25

Godɨn kam a uabɨ ikɨrɨmɨrim ko biziba bar gumazamizibagh anɨngi. Egha a bizitamɨn otevezir puvatɨ. Kamaghɨn, e uan dafaribar an akurvagh bizitam damighan kogham.

Aposel 7:2

Ezɨ Stiven me ikaragha ghaze, “Nan aveghbuaba ko nan afeziaba, ia na baragh! En ovavim Abraham, a tɨghar Haranɨn mangam, a Mesopotemian kantrin ikiavɨra itima angazangarim itir God, a bato.

Jon Osirizir Akar Aghuim 8:56

“Ian afeziam Abraham, a nan dughiar kɨ izamimɨn ganasa, a bar akonge. Ezɨ an an ganigha gɨvagha, egha an navim bar dera.”

Jon Osirizir Akar Aghuim 8:53

Nɨ manmaghɨn nɨghnigha kamaghɨn mɨgei? En ovavim Abraham aremegha gɨfa! Nɨ ti Abraham gafiraz, o? Ezɨ Godɨn akam inigha izir gumaziba uaghan ariaghire. Ezɨ nɨ manmaghɨn uabɨn gun mɨkɨmam, nɨ bar tinara?”

Jon Osirizir Akar Aghuim 8:39

Ezɨ Judaba Iesusɨn akam baregha a ikaragha ghaze, “Abraham, en afeziam.” Ezɨ Iesus kamaghɨn me mɨgɨa ghaze, “Ia guizɨn Abrahamɨn boriba kamaghɨn, ia an mɨrara arazir an amizibar amuam.

Luk Osirizir Akar Aghuim 3:8

Ia navim gɨrazir arazibar amu. Egh ia pura Abrahamɨn ovavibar uari arɨgh mɨkɨman markɨ. Kɨ ia mɨgei, God dagɨar kabar amightɨ da Abrahamɨn ovavibar mɨn otivighamin gavgavim iti.

Luk Osirizir Akar Aghuim 1:73

Akar Gavgavir en ovavim Abraham ganɨngizim.

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

Aposel 17:26

Ezɨ God gumazir vamɨran ingari, egha an ovavir kamɨn a gumazamiziba bar men ingari. Egha me isa nguazimɨn danganiba bar dagh arɨki. Egha a uabɨ me ikiamin ikɨrɨmɨrimɨn dughiaba arɨki. Egha danganir me itiba a me bagha nguazir mɨtaghniaba arɨki.

Ua Me Ini 19:4

Kɨ Isipɨn amizir biziba, ia uari dar ganigha gɨfa. Egha ia nan gari kɨ ia ini, mati kuarazir bagam uan nguzim uan avɨzimɨn a isi moghɨn, kɨ ua bagha ia inigha iza danganir kamɨn izezɨ, ia datɨrɨghɨn na ko iti.

Ua Me Ini 24:3

Ezɨ Moses ghua Ikiavɨra Itir Godɨn mɨgɨrɨgɨaba ko arazir e gɨn mangɨ damuamiba, bar gumazamizibav mɨkeme. Ezɨ me oregha bar kamaghɨn mɨgei, “Bizir Ikiavɨra Itir God damuasa e mɨkemeziba bar, e dar amuam.”

Ua Me Ini 24:7

Egha an akɨnafarir Akar Dɨkɨrɨzir Gavgavim aven itim, inigha gumazamiziba bagha a dɨbori. Ezɨ me a baregha, me bar kamaghɨn mɨgei, “Bizir Ikiavɨra Itir God e mɨkemeziba, e bar dar amuam.”

Jeremaia 31:9

Kɨ men aku izamin dughiamɨn, me uan arazir kurar me amiziba gɨn amangɨsɨ, na ko mɨkɨm azi, na ko tuavimɨn izam. Kɨ me inigh men faragh mangɨ dɨpar aghuim itir danganimɨn otogh, men aku tuavir aghuibar mangɨtɨ, me ireghan kogham. Guizbangɨra, kɨ Israelian afeziamɨn mɨn itima, Efraim nan otarir ivariamɨn mɨn iti.

Aisaia 64:7

Gumazitam nɨn ziam dɨbora nɨ ko mɨgeir puvatɨgha, akurvazim bagha nɨn boroghɨn zuir puvatɨ. E ghaze, en arazir kuraba bangɨn, nɨ bar uan guam en modogha e ataghizɨ, en arazir kuraba e gasɨghasɨghizɨ, e bar ikuvigha iti.