Malakai 1:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Eghtɨ Idomia kamaghɨn mɨkɨm suam, “En nguibar ekiaba ikuvigha gɨfa, ezɨ e uam adar ingaram,” eghtɨ Ikiavɨra Itir Godɨn Gavgaviba Bar Itim men akam ikaragh mɨkɨm suam, “Ia uam adar ingartɨ, kɨ da apɨrarightɨ da ua bar ikuvigham. Eghtɨ gumazamizir igharaziba, me Idomia ia mɨkɨm suam, ‘Me gumazamizir kuraba,’ egha ‘Me gumazamizir, Ikiavɨra Itir God zuraram atariba.’ ”

Malakai 1:4 ပူးပေါင်းရင်းမြစ်များ

Esekiel 25:14

Kɨ Idomian arazir kuraba ikarvagham. Kamaghɨn amizɨ, kɨ uan gumazamiziba, Israelia, me amadaghtɨ me mangɨ me mɨsogham. Eghtɨ Idomia nan adarim ko anɨngagharir ekiar kam iniam. Egh Idomia uari nan ikarvaghamin arazim gɨfogham. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Esekiel 35:9

Kɨ nɨn nguazim ko nguibar ekiabar amightɨ, da pura ikɨtɨ, gumazamiziba ko biziba ua dar aven ikian kogh kamaghɨra ikiam. Eghtɨ ia fogh suam, kɨ Ikiavɨra Itir God.

Jeremaia 31:17

Kɨ Ikiavɨra Itir God kɨ kamaghɨn mɨgei: nɨ bizir otivamin kam gɨnɨghnɨgh. Nɨn boriba uamategh uan nguibamɨn izamimɨn dughiam nɨ a mɨzuam.

Aisaia 34:10

Avir kam mungeghan kogham. Puvatɨ. An arueba ko dɨmagaribar isi gavgavigh mamaghɨra ikɨtɨ, an mɨgharim zuraram otivam. Eghtɨ Idomɨn nguazim pura ikɨ mangɨtɨ men ovavir borir gɨn otivamiba, men danganiba inigh mangɨ dughiabar ikɨ mamaghɨra ikiam. Eghtɨ gumazitam ua danganir kamɨn mangan kogham.

Aisaia 34:5

Ikiavɨra Itir God kamaghɨn mɨgei: “Nan anɨngagharim, a mɨdorozir sabamɨn mɨn iti, egh mɨdorozir sabar kam pɨn ikegh, ivezir kuram anɨngamin ingangarim agɨvagh, egh overiam ategh magɨrɨ, Idomia bagh izɨ ivezir kuram me danɨngɨva me mɨsoghtɨ me arɨmɨghiram. Kar kɨ asɨghasɨghasa mɨkemegha gɨvazir darasi.”

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Malakai 1:3

Iso uan ovavir boriba ko, me Idomia me garɨsi, ezɨ kɨ me gifongezir puvatɨ. Kamaghɨn amizɨ, kɨ Ison danganir mɨghsɨam gasɨghasigha gɨfa, egha an nguazim gamizɨma, an afiar atiabar nguibamɨn oto.”

Amos 6:2

Ia mangɨ Kalnen nguibar ekiamɨn ganighɨva, egh gɨn mangɨ Hamatɨn nguibar bar ekiamɨn ganighɨva, egh ua mangɨ Filistian kantrin aven itir nguibam Getɨn ganigh, kar kantrin gavgaviba. Ia men gan nɨghnɨgh, ian gavgaviba men gavgavibagh afirazir puvatɨ. Men nguaziba ti, guan nguazim gafirazir puvatɨ.

Esekiel 11:10

Kɨ ian arazir kuraba ikarvagh ivezir kuram ia danɨngtɨ, apaniba Israelɨn kantrin mɨtaghniamra, mɨdorozir sababar ia mɨsoghtɨ ia arɨmighiram. Eghtɨ arazir kamɨn ia kamaghɨn fogh suam, kɨ Ikiavɨra Itir God.

Aisaia 10:4

Ia bizitam damuva avegham. Bar puvatɨgham. Ian tarazi mɨdorozimɨn arɨmɨghiregham. Me ian tarazir suigh mangɨtɨ, ia kalabuziabar tongɨn bar atiatigh teviba apɨrigh mamaghɨra ikiam. Ia osɨmtɨzir bar kurar kam gitaghan kogham. Ikiavɨra Itir God bizir kabar amutɨ, da ia bativam, eghtɨ bizir kam an anɨngagharim agɨvaghan kogham. Puvatɨ. A tɨghar ivezir kuram isɨ me danɨngvɨra ikiam.

Aghuzir Akaba 21:30

Nɨ nɨghnɨzir aghuim ko fofozir aghuim ko bizibar amuamin fofozim ikɨ, egh nɨ Ikiavɨra Itir Godɨn apanimɨn ikɨtɨ, nɨn fofozir aghuir kam nɨn akuraghan kogham.

Onger Akaba 137:7

O Ikiavɨra Itir God, nɨ dughiar gumaziba Jerusalem gasɨghasɨzi, Idomia e gamizir arazim gɨnɨghnɨgh. Me ivɨvɨgha ghaze, Jerusalemɨn dɨpeniba bar dɨpɨrighiregh nguazim giregh.

Onger Akaba 127:1

Ikiavɨra Itir God uabɨ dɨpenimɨn ingar. Puvatɨghtɨma, dɨpenir kamɨn ingarir gumaziba pura an ingarigham. Ikiavɨra Itir God uabɨ nguibamɨn gan. Puvatɨghtɨma, nguibar kamɨn garir gumaziba pura ingarigham.

Jopɨn Akɨnafarim 34:29

God nɨmɨra ikɨ bizitam damuan koghtɨ, tinara suam God arazir kuram gami? Egh a uan guam modoghtɨ, tina an boroghɨn mangɨ an guamɨn ganam? Bar puvatɨ. God gumazamiziba ko kantribagh ativagha bar dar gari, eghtɨ gumazir kuratam atrivimɨn otoghan kogh, egh gumazamizibagh asɨghasɨghan kogham, mati gumazim asɨzimɨn suighasa azuazimɨn ingari.

Jopɨn Akɨnafarim 12:14

“God bizitam gasɨghasightɨ, gumazitam uam an ingarighan kogham. God gumazitam kalabus datɨghtɨ, gumazitam ua a inighan kogham.

Jopɨn Akɨnafarim 9:4

God nɨghnɨzir aghuim ko fofozim ko gavgavir ekiam iti. Kamaghɨn, tinara a batuegh a gafiragham? Gumaziba puvatɨ.

Matyu 12:30

“Tina nan namakam puvatɨ, a nan apanim. Ezɨ gumazim nan akuragha gumazamiziba akumakuir puvatɨ, gumazir kam men gɨntɨzima me tintinibar zui.

Jeremaia 5:17

Ia ti ghaze, ian nguibaba dɨvazir gavgaviba dar iti, eghtɨ ia deravɨra dar aven ikiam. Bar puvatɨgham. Apanir kaba izɨ ian nguibar kabagh asɨghasigham. Egh ian azenibar itir dagheba ko dɨpenibar itiba sara, dar amɨ da agɨvagham. Egh ian otariba ko guivibav soghɨrarigh, ian sipsipba, bulmakauba, bar a dav soghɨrarightɨ da arɨghiregham. Egh me ian wainɨn ikarɨziba, ko fighɨn temebagh asɨghasigham.

Jeremaia 49:8

Dughiar kɨ arazir kurar ia amiziba bagh ivezir kuramɨn ia ikarvaghamim, kɨ anemɨsevegha gɨfa. Egh kɨ dughiar bar kuram damightɨ, a Idomia bativam. Ia Ison ovavir boriba, ia bar ikuvigham. Kamaghɨn, ia Dedanɨn gumazamiziba, ia nguibam ategh arɨ mangɨ deraghvɨra mongegh.

Jeremaia 49:20

“Kɨ gumazamiziba ko boriba uaghan bar me batuegham, mati laion sipsipba bar me mɨsuegha, egha men kuaba amɨkɨrvagha zui. Eghtɨ Idomɨn kantri uabɨ, kɨ damuamin bizim bagh dɨgavir kuram damigham. Kamaghɨn amizɨ, ia deraghvɨra kuaribar arigh oragh, egh bizir Ikiavɨra Itir God Temanɨn nguibar ekiam ko Idomɨn kantri sara damuasa nɨghnɨziba baragh.

Esekiel 25:13

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Kɨ datɨrɨghɨn uan agharir gavgavim isɨ Idomɨn kantrin amadagh, a gasɨghasɨgham. Egh Temanɨn nguibamɨn ikegh mɨdorozir sabamɨn gumazamiziba ko asɨzibav soghɨrarɨgh mangɨ Dedanɨn nguibamɨn tugham. Eghtɨ Idomɨn kantri pura ikiam.

Esekiel 26:14

Kɨ ian nguibam damightɨ, dagɨar kɨnimra an ikɨvɨra ikiam. Eghtɨ dagɨar kamɨn, osiriba isir gumaziba, uan iveba a gisɨn da onegh da aruem darɨgham. Kɨ Ikiavɨra Itir Godɨn Ekiam, kɨ kamaghɨn mɨkeme, gumazitam ua ian nguibar ekiamɨn ingarighan kogham.

Esekiel 35:4

Kɨ nɨn nguibar ekiabar amightɨ da ikuvightɨ, gumazamiziba ko biziba dar puvatɨghtɨ, da pura ikiam. Eghtɨ ia kamaghɨn fogh suam, kɨ Ikiavɨra Itir God.

Amos 3:15

Egh kɨ dɨpenir aghuir gumaziba dughiar orangtɨziba bagha ingarizibagh asɨghasɨgh, dɨpenir aghuir me aruem garir dughiamɨn avughsɨ ikiamibagh asɨghasigham. Egh dɨpenir me elefanɨn ataribar kurkeziba, kɨ bar da apɨrarightɨ da mɨnezir kɨnibar otivigham. Eghtɨ dɨpenir ekiaba bar moghɨra ikuvigham. Kɨ Ikiavɨra Itir God, kɨ kamaghɨn mɨkemegha gɨfa!”

Amos 5:11

Ia onganarazibagh amir gumazamiziba dɨkabɨra men biziba pura dagh ekuava, men dagheba okei. Ia dagɨar gavgavibar dɨpenir aghuibar ingari, egh ia dɨpenir katamɨn ikeghan kogham. Ia wainɨn azenir aghuiba opari, egh ia azenir kabar wainɨn dɨpatabar ameghan kogham.

Amos 6:11

Ia oragh! Ikiavɨra Itir God mɨkɨmtɨ, dɨpenir ekiaba ko, doziba sara bar dɨpɨrighɨrɨ akuar muziaribar otivigham.

Obadia 1:1

Ikiavɨra Itir Godɨn Ekiam akar kaba isa Obadia ganɨngi, God arazitam Idomia damuamin akaba. Ikiavɨra Itir God akam inigha izir gumazir mam amadazɨma, a kantriba bar adar ghu. Ezɨ e an akam baregha gɨfa. A kamaghɨn mɨgɨa ghaze, “Ia uarira uarir ariragh, egh dɨkavigh e mangɨ Idomia mɨsogham.”

Obadia 1:10

Ikiavɨra Itir God ua kamaghɨn mɨgei: “Ia Idomia, ia uan aveghbuaba, me Jekopɨn ovavir boriba, ia me mɨsoghezɨ me ariaghire. Kamaghɨn amizɨ, kɨ bar ia gasɨghasigh ian ziabar amightɨ, da magɨreghtɨ ia aghumsigham.

Onger Akaba 33:10

Kantrin Igharazibar Gumazamiziba damuasava nɨghnɨzir biziba, Ikiavɨra Itir God dagh amima da ghua puvarɨsi. Ikɨzir igharaziba damuasa akabav sozir mɨgɨrɨgɨaba, an adar tuaviba apɨri.

Jeremaia 49:7

Ikiavɨra Itir Godɨn Gavgaviba Bar Itim, Idomian gumazamiziba akam men iti. A kamaghɨn mɨgei: “Manmaghɨn ami? Temanɨn Distrighɨn gumazamiziba ti nɨghnɨzir aghuiba ko fofoziba puvatɨ, a? Ezɨ fofozir gumaziba ti akar aghuibav geir arazim ataki, a? Men nɨghnɨzir aghuim ko fofozim ovegha gɨfa, a?

Amos 1:11

“Ia oragh! Ikiavɨra Itir God Akar Gavgavir kam ia ganɨga ghaze, Idomɨn kantrin aven itir darasi, arazir kurabagh amua ghuavɨra iti. Me uan adarazira Israelia, men agɨntɨgha, men marazi mɨdorozir sababar me mɨsozi me ariaghɨrima, me tong men apangkuvir pu. Bar puvatɨ. Men anɨngagharir arazir kam men tongɨn ikiavɨra iti. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.