Malakai 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ “Kɨ Ikiavɨra Itir Godɨn Gavgaviba Bar Itim, kɨ ghaze, gumazamizir aruem anadi naghɨn itiba ko, aruem uaghiri naghɨn itir kantriba, me bar moghɨra ziar ekiam na ganɨdi. Nguibaba bar dar gumazamiziba mughuriar aghuim zuir ofaba ko, ofan igharazir guar avɨriba sara na danɨngam. Gumazamizir kaba me bar moghɨra ziar ekiam na ganɨdi.

Malakai 1:11 ပူးပေါင်းရင်းမြစ်များ

Aisaia 54:5

“Gumazir nɨn ingarizim, a nɨn pamɨn mɨn iti. An ziam kara, Ikiavɨra Itir Godɨn Gavgaviba Bar Itim, a Israelian Godɨn Bar Zuezim, a nɨn Akurvazir Gumazim, a nguaziba bar dagh ativagha dar garir God.

Aisaia 45:6

Kɨ kamaghsua, nguazir kamɨn gumazamiziba, me aruem anadir naghɨn ikia ghua aruem ghuaghiri naghɨn tu, me bar moghɨra fogh suam, kɨrara kɨ Ikiavɨra Itir God, ezɨ ua godɨn tam itir puvatɨ. Kamaghɨn amizɨ, kɨ bizir kabagh ami.

Akar Mogomem 5:8

An akɨnafarir kam inigha gɨvazɨma, 4plan bizir angamɨra itir kaba ko 24plan gumazir dapanir kaba Sipsipɨn Nguzimɨn boroghɨn uan teviba apɨri. Gumazir dapaniba vaghvagha gitan mɨn garir biziba ko golɨn itaribar suiki. Itarir kaba, pauran mɨgharir mughuriar aghuim zuim, bar dagh izɨfa. Bizir kam kamakɨn, Godɨn gumazamiziba God ko mɨgeir arazim.

Matyu 28:19

Kamaghɨn amizɨ, ia nguazimɨn itir nguibaba bar dar mangɨ, ikɨziba bar dar gumazamiziba, me damutɨ, me nan suren gumazamizibar otiv. Eghtɨ ia Afeziamɨn ziam ko, Otarimɨn ziam, ko Godɨn Duamɨn ziamɨn me ru.

Sekaraia 8:7

Egha Ikiavɨra Itir Godɨn Gavgaviba Bar Itim ghaze, “Kɨ uan gumazamizir kantrin aruem anadi naghɨn itiba ko, kantrin aruem uaghiri naghɨn itiba, kɨ men akurvaghasava ami. Kɨ me inigh ua Jerusalemɨn izɨtɨ me an ikiam. Eghtɨ me nan gumazamizibar ikɨtɨ, kɨ men Godɨn ikiam, egh guizɨn araziba ko arazir aghuibar me damuam.”

Onger Akaba 50:1

Godɨn Bar Gavgaviba Itim, a en Ikiavɨra Itir God. An aruem anadi naghɨn ikegha ghua aruem uaghiri naghɨn itir gumazamiziba bar men dei.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Onger Akaba 141:2

Kɨ guaratɨzibar ofa gami, nɨ mɨgharir mughuriar aghuim zuim barazi moghɨn, kɨ nɨ ko mɨgeir mɨgɨrɨgɨaba, nɨ da baragh da iniasa kɨ ifonge.

Onger Akaba 67:2

Eghtɨ nguazimɨn gumazamiziba ganigh nɨn arazibagh fogham. Me kamaghɨn fogham, nɨ gavgavir bar ekiam ikia men akurvasi.

Akar Mogomem 15:4

Ekiam nɨ uabɨra guizbangɨra God. Eghtɨ gumazamiziba bar nɨn atiating ziar ekiam nɨ danɨng. Nɨn arazir aghuiba bar azenim girɨgha gɨfa, kamaghɨn amizɨ, kantriba bar dar gumazamiziba bar izɨ nɨ bagh teviba apɨr nɨn ziam fam.”

1 Timoti 2:8

Kɨ kamaghɨn ifonge, nguazir kamɨn gumaziba bar dafariba fɨva God ko mɨkɨm. Kɨ kamaghsua, me bar uari isɨva God danɨngɨva, zuegh ikɨva, anɨngagharir arazim ko adoghodozir arazim atakigh. Me arazir kam damuva, God ko mɨkɨm.

Filipai 4:18

Ezɨ akɨnafarir kamɨn aven, kɨ ia na gamizir biziba bagha ia mɨnabi. Ia na bagha biziba inigha Epafroditusɨn dafarim gatɨzɨ a da inigha izezɨ kɨ da ini. Egha datɨrɨghɨn kɨ bizitam otevezir puvatɨ, kɨ mong bar izɨfa. Ia na ganɨngizir biziba, da mati mughuriar aghuim zuir ofa ia God ganɨdi. God ofan kamɨn gara a gifuegha bar akonge.

Akɨnafarir Pol Romɨn Nguibar Ekiamɨn Itir Sios Bagha Osirizim 12:1

Kamaghɨn amizɨ, nan adarasi, kɨ Godɨn apangkuvir ekiam gɨnɨghnɨgha, kamaghɨn ia gakaghori: Ia uari uan inivafɨziba isɨ angamɨra itir ofan mɨn God danɨngvɨra ikɨ. Egh a baghvɨra ikɨva an ingangarim damu. Egh ia God damutɨ, a bizir kam bagh bar akuegham. Ia uari isɨ God danɨngamin arazir kam, kar guizɨn arazir Godɨn ziam fem.

Luk Osirizir Akar Aghuim 1:10

Ezɨ mɨgharir mughuriar aghuim zuim dapongamin dughiam otozɨma, gumazamizir Godɨn ziam feba, Godɨn Dɨpenimɨn mɨriamɨn uari akuvagha God ko mɨgei.

Malakai 1:14

Ian tina, na ko ofa damuasa akam akɨrigha inabazir asɨzir mɨkarziba sara itir aghuiba ategha, asɨzir kurar mɨzɨrɨziba inigha Ikiavɨra Itir God, bagha izi. Ia ifavarir arazir kam bangɨn ia ivezir kuram iniam. Kɨ Ikiavɨra Itir Godɨn Gavgaviba Bar Itim. Kɨ atrivibar Ekiam, ezɨ kantribar gumazamiziba bar nan atiatia nan ziamra fe. Kamaghɨn amizɨ, kɨ bizir kam bagh ia gasɨghasigham.”

Sefanaia 3:9

“Dughiar kamɨn, kɨ kantriba bar dar gumazamiziba mɨgeir mɨgɨrɨgɨabagh iraghtɨ, da ua igiabar otivigham. Eghtɨ me mɨgeir mɨgɨrɨgɨaba bar zuegh bar deragham. Egh me ua aseba ko, mɨkɨman kogham, me narara mɨkɨmam. Egh me navir vamɨra ikɨ, nan ingangarim damuam.

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Maika 5:4

Eghtɨ gumazir dapanir kam otogh, uabɨ uan gumazamiziba Ikiavɨra Itir Godɨn gavgavimɨn men ganam, mati sipsipbagh eghuvir gumazim deravɨra uan sipsipbagh eghufi. Guizbangɨra, a Ikiavɨra Itir God, an God, an an ziar ekiamɨn me gativagham. Eghtɨ gumazamizir kantrin igharazibar itiba an gavgavim gɨfogham. Eghtɨ an gumazamiziba deragh ikiam.

Amos 9:12

Eghtɨ Israelia Idomɨn kantrin nguazir ikiavɨra itiba bar ada inigh, egh kantrin igharazir kɨ ua bagha inabaziba uaghan da iniam. Kar Ikiavɨra Itir God, bizir kabar amutɨ da otivasa mɨgei.”

Aisaia 59:19

Ikiavɨra Itir God puv ingara, mati amɨnim iza dɨpam giverazɨ, dɨpam bar puvɨra ivemari moghɨn, Ikiavɨra Itir God izam. Eghtɨ nguazir kamɨn ruaghateviba bar dar itir gumazamiziba, aruem anadi naghɨn tugha ghua aruem uaghiri naghɨn, me Ikiavɨra Itir Godɨn ziar ekiam ko gavgavim gɨfogh, an ziamɨn atiating an apengan ikiam.

Onger Akaba 113:3

E Godɨn gumazamizir aruem anadi naghɨn ikegh ghua aruem uaghiri naghɨn itiba, e bar moghɨra Ikiavɨra Itir Godɨn ziam fam.

Matyu 8:11

“Kɨ ia mɨgei, gumazamizir avɨriba uan nguibar aruem anadi naghɨn itiba ko aruem ghuaghiri naghɨn itiba ategh izɨ, Abraham ko Aisak ko Jekop dukuagh, God Bizibagh Ativamin Dughiamɨn aven dakozimɨn daperagh damam.

2 Tesalonika 1:12

Ezɨ arazir kamɨn ia Ekiam Iesusɨn ziam fɨtɨma a uaghan ian ziaba fam. En God ko Ekiam Krais Iesus ian apangkuvigh egh bizir kabar amutɨ da guizbangɨn otivam.

Onger Akaba 45:17

Kɨ nɨn ziar ekiamɨn gun mɨkɨmtɨ, gumazamizir gɨn otivamiba nɨ gɨnɨghnɨghvɨra ikiam. Eghtɨ dughiar gɨn izamiba, gumazamiziba zurara nɨn ziam fɨ mamaghɨra ikiam.

Onger Akaba 48:10

Nguazir kamɨn gumazamiziba bar fo, nɨ ziar ekiam iti. Egha me bar nɨn ziam pɨrafi. Nɨ arazir aghuim gamua gumazamiziba me gativagha men gari.

Onger Akaba 111:9

A ua uan gumazamizibagh ivezegha ua me ini. Egha Akar Gavgavim me koma anekɨra ghaze, Akar Dɨkɨrɨzir Gavgavir kam zurara ikɨ mamaghɨra ikiam. Ikiavɨra Itir God, an arazir aghuibaram amua bar derazir God, ezɨ gumazamiziba an ziar ekiam gɨnɨghnɨgha ghaze, a bar pɨn kozɨ, me an atiatia an apengan iti.

Aisaia 12:4

Dughiar kamɨn ia kamagh mɨkɨmam: “E Ikiavɨra Itir God, an ziam dɨpon, egh a mɨnabɨva, uarir akurvaghsɨ an dɨmam. Egh ingangarir ekiar an amizibar gun kantribar gumazamiziba bar moghɨra me mɨkɨmɨva, an ziar ekiamɨn gun mɨkɨm.

Aisaia 12:5

Ia Ikiavɨra Itir Godɨn ingangarir bar ekiar an amiziba bangɨn, a bagh onger akabar amu an ziam fam! Ia nguazir kamɨn gumazamiziba bar me mɨkɨm suam, God ingangarir ekiabagh ami.”

Aisaia 66:18

Ikiavɨra Itir God ghaze, “Kɨ gumazamizibar nɨghnɨziba ko arazibar ganigha fo, kar dughiar kɨ gumazamiziba bar me akuvamim. Kantriba bar dar itir gumazamiziba ko akar igharazibav mɨgeir gumazamiziba, me bar moghɨra izam. Me izɨ uari akuvaghamin dughiamɨn, me nan angazangarir ekiam ko gavgavimɨn ganam.

Jeremaia 10:6

Ikiavɨra Itir God gavgavir bar ekiam iti, ezɨ ua godɨn tam nɨn mɨn itir puvatɨ. Nɨn ziam gavgavir ekiam iti. Egha nɨ bizir igharagha garibagh amima da nɨn gavgavim aka.

Jeremaia 10:7

Nɨ kantriba bar dar gumazamiziba bar me gativagha men gari, ezɨ me bar nɨn atiating nɨn apengan ikɨ nɨn ziamra fam. Ezɨ nguazir kamɨn fofozir aghuiba itir gumaziba ko atriviba, men tav nɨn mɨn amir puvatɨ.

Daniel 2:45

Nɨ dagɨamɨn gari, a uabɨ mɨghsɨamɨn pura kuiaghirɨ, gumazitam a poghezir puvatɨ. Dagɨar kam ira, marvir guar me ain ko bras ko nguazim ko silva ko golɨn ingarizim a mɨsoghezɨ, a bar mɨsaraghire. Dagɨar kam, a God gumazamizibagh ativaghamin dughiamɨn ababanim. “Godɨn ziar ekiam itim, a bizir gɨn otivamiba nɨn aka. Guizbangɨra, bizir nɨ irebamɨn ganiziba, da kɨ nɨ mɨkemezɨ moghɨram otivam.”

1 Eghaghaniba 16:25

Ikiavɨra Itir God a bar faraghavɨra ikia bar gavgafi. Ezɨ e an ziam fɨ mangɨvɨra ikiam. Aseba bar, me Ikiavɨra Itir Godɨn mɨn itir puvatɨ. E an apengara ikɨva an atiatingam.

Onger Akaba 48:11

Saionɨn nguibamɨn aven itir gumazamiziba bar akongegh. Nɨ arazir aghuimra gɨn ghua gumaziba bar men araziba tuisɨsi. Kamaghɨn Judan aven itir nguibabar gumaziba, me bar akongegh.

Onger Akaba 65:9

Nɨ nguazim damutɨ a deravɨra ikiasa, nɨ amozim amadima a izi. Nɨ nguazim gamima a deravɨra itima, dagheba a gisɨn deraghavɨram aghui. God, nɨn Fanem dɨpaba bar a gizɨvazɨ, a ivemara ghua danganibar ghuaghira datir puvatɨ. Arazir kamɨn, dagher avɨriba nguazir kamɨn otifi.

Onger Akaba 86:9

O Ekiam, ikɨzibar gumazamizir nɨ ingariziba bar izɨ, nɨn ziar ekiam bagh teviba apɨrigh, nɨn ziam fam.

Onger Akaba 96:8

Ikiavɨra Itir God, a bar faraghavɨra itima, ia an ziar ekiam fɨ. Ia ofaba inigh an Dɨpenimɨn mangɨ.

Onger Akaba 138:5

Me nɨn ziar ekiam ko gavgavim gɨnɨghnɨgh, nɨ amizir biziba bagh ighiabar amuam.

Aisaia 19:21

Eghtɨ Ikiavɨra Itir God uabɨ isɨ Isipian akaghtɨ, me a gɨfogh suam, a uabɨ Ikiavɨra Itir God. A kamaghɨn damightɨ, Isipia bar deragh a gɨfogh, an ziam fɨ, uan asɨziba tuer ofaba ko witɨn ovɨziba tuamin ofaba, da inigh a bagh mangam. Egh me akar dɨkɨrɨzibar a damuva, egh me damuasa mɨkemezir bizibar amuam.

Aisaia 30:27

Ia gan! Ikiavɨra Itir God nguibar saghon itimɨn ikia dɨkavigha uan gavgavir ekiam sara izi. A bar puvɨrama atarima, avim ko avir mɨturim an anɨngagharim akakasi. A mɨgeir dughiamɨn, avir biziba bar da isiamim an akatorimɨn otifi.

Jeremaia 4:2

Egh ia gavgavim uan akabar anɨngsɨ, kamaghɨn mɨkɨm suam, E Ikiavɨra Itir Godɨn zurara itimɨn ziamɨn, e guizbangɨra mɨgei. Egh dughiar kamɨn ia guizɨn akam ko, arazir aghuim ko, arazir voroghɨra zuimɨn gɨn mangɨ akar kam damuam. Egh ia kamaghɨn damutɨ, Kantrin Igharazibar Gumazamiziba deragh uari damusɨ nan azangtɨ, kɨ deragh me damuam, mati kɨ deravɨra ia gami mokɨn. Eghtɨ me ziar ekiam na danɨngam.”

Malakai 3:3

Avim golɨn isima a golrama otivi moghɨn, a gumazamizibar araziba tuisɨgham. Kamaghɨra Ikiavɨra Itir Godɨn ingangarir gumazim, Livain adarazir arazir kuraba batuegh, egh Ikiavɨra Itir God bagh ofan aghuiba inigh izam.