Maika 7:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ E datɨrɨghɨn Ikiavɨra Itir Godɨn damazimɨn arazir kuram gami. Eghtɨ Ikiavɨra Itir God bar dughiar otevimra uan anɨngagharim akagh, e gasɨghasɨgham. Egh a gɨn ua en akuragh guizɨn arazimɨn gɨn mangɨva, pazavɨra e gamir darazir arazir kuraba ikarvagham. Egh a mɨtatemɨn e inigh angazangarimɨn e atɨghtɨ, e angamɨra ikɨ an gantɨ, an en apanibar dafaribar uam e iniam.

Maika 7:9 ပူးပေါင်းရင်းမြစ်များ

1 Korin 4:5

Kotiamɨn Dughiam tɨghar otivam. Kamaghɨn, ia gumazamizir igharazibar araziba tuisɨghan markɨ. Ia Ekiam izamin dughiam mɨzuam. A bizir mɨtarmemɨn mueghav itiba inigh angazangarimɨn dar atɨgham. Egh a gumazamiziba bar men navir averiabar itir nɨghnɨziba, azenim darɨgham. Eghtɨ dughiar kamɨn, God bar vaghvagh e mɨkɨm suam, en ingangarim deraz, o ikufi.

Onger Akaba 37:6

A nɨn arazir aghuim damightɨ, nɨn arazir aghuir kam, aruem aruer arɨzimɨn isiragha gavgavizɨ moghɨn isiragham.

1 Samuel 24:15

Kamaghɨn, Ikiavɨra Itir God uabɨ ga tuisɨgh mɨkɨm suam, gan tinara osɨmtɨzim gami. A uan kotɨn aven nan akuragh na bagh akam akɨrightɨ, nɨ na gasɨghasɨghan kogham.”

2 Timoti 4:8

Ezɨ ivezir aghuim na mɨzuai iti, mati ivemarir gumazim an ivezir aghuim a mɨzuai. Ezɨ ivezir aghuir kam a kamakɨn, God na mɨkɨm suam, nɨ nan damazimɨn dera. Ekiam arazir aghuimra gɨn mangɨva gumazamizibar araziba tuisɨgham. Egh Dughiar Krais Otoghamim, a ivezir aghuir kam na danɨngam. Egh a narara danɨngan kogham. Puvatɨ. A ivezir aghuir kam isɨ, gumazamizir a mɨzua a uamategh izamin dughiam gifongeziba, a bar me danɨngam.

Malakai 3:18

Eghtɨ dughiar kamɨn, ia gumazamizir arazir aghuibagh amiba ko arazir kurabagh amiba, kɨ me gamir arazim, ia an ganam. Arazir aghuibagh amir gumazim, a nan akamɨn gɨn zui. Ezɨ arazir kurabagh amir gumazim, a nan akam batosi.”

Akar Mogomem 18:20

Ia Godɨn Nguibamɨn itir darasi, ia bar akongegh! Eghtɨ ia Godɨn gumazamiziba ko aposelba ko Godɨn akam inigha izir gumazamiziba, ia bar akongegh! Arazir kurar nguibar kam ia gamizim baghava, God a tuisɨgha gɨvagha, uam an arazir kuram ikarvasi. Kamaghɨn amizɨ, ia datɨrɨghɨn nguibar kam batozir bizim bagh bar akongegh.’ ”

Aisaia 46:13

Bar puvatɨ. Nan akurvazim, a bar roghɨra izegha gɨfa. Eghtɨ kɨ ua mɨzuaman kogham. Israelia, kɨ zuamɨra izɨ ian akurvagh apanir ia abɨriba, kɨ bar puv me damightɨ, ia ua deravɨra ikiam. Egh kɨ uaghan Saionɨn nguibar ekiamɨn akurvaghtɨ, a deravɨra ikiam. Kɨ uan ziar ekiam ko gavgavim damightɨ, aning Israelia ian tongɨn azenim girɨgham.”

Onger Akaba 43:1

O God, gumazamizir akɨrim ragha nɨ gasiba na abɨnasa. Nɨ nan akuragh gavgavim isɨ nan akabar anɨng, egh na bagh mɨkɨmtɨ me kamaghɨn fogham, kɨ arazir kuratam gamizir puvatɨ. Nɨ gumazir ifara arazir kurabagh amibar dafaribar nan akuragh ua na inigh.

Onger Akaba 7:6

O Ikiavɨra Itir God, nɨ anɨngaghegh dɨkavighasa kɨ ifonge. Apaniba bar anɨngaghegha na mɨsosi, nɨ izɨ nan akuragh. O nan God, nɨ gumazibar araziba tuisɨghamin dughiam amɨsefe, kamaghɨn nɨ dɨkavigh izɨ nan akuragh.

Jopɨn Akɨnafarim 23:10

Ezɨ God nan daroriba bar dagh fo. Egh a bizitam na damigh fogham, kɨ golɨn mɨn bar dera.

2 Samuel 24:17

Ezɨ Devit enselɨn kamɨn ganigha kamaghɨn Ikiavɨra Itir God mɨgei, “Kɨrara kɨ arazir kuram gami, egha osɨmtɨzir ekiam iti. Ezɨ gumazamizir kaba, me sipsipɨn mɨrara iti, mevzika, me osɨmtɨzir manam gami? Bar puvatɨ. Kɨ uan ikɨzim ko erara, nɨ e gasɨghasɨgh.”

1 Samuel 26:10

Egha Devit ua kamaghɨn mɨgei, “Ikiavɨra Itir Godɨn zurara itimɨn ziamɨn, kɨ kamaghɨn nɨ mɨgei, Ikiavɨra Itir God, uabɨ Solɨn mɨsuegham, o Sol uabɨ uan dughiamɨn aremegham, o an apaniba mɨdorozir tamɨn a mɨsueghtɨ an aremegham.

1 Samuel 25:39

Ezɨ Devit Nabalɨn ovever akam baregha kamaghɨn mɨgei, “Kɨ Ikiavɨra Itir God mɨnaba. A uabɨ Nabal na gamizir arazir kurar kam ginɨrɨgha, an arazim tuisɨgha, a ikara. Nabal uabɨ arazir kuram gamizɨ, Ikiavɨra Itir God mɨzazim a gase. Ikiavɨra Itir God uabɨ nan tuavim apɨrizɨma, kɨ arazir kuratam gamizir puvatɨ.” Ezɨ Devit gɨn Abigelɨn ikiasa uan ingangarir gumaziba amadazɨma, me an azangsɨghasa ghue.

1 Samuel 3:18

Kamaghɨn amizɨ, Samuel Ikiavɨra Itir Godɨn akaba bar dar gun a mɨkeme, egha bizitam an ghuarazir pu. Bar puvatɨ. Ezɨ Eli oregha kamaghɨn mɨgei, “A uabɨ Ikiavɨra Itir God, a bizir tizim damuasa ifonge ana damu.”

Ofa Gami 26:41

Guizbangɨra, ia akɨrim ragha na gasarazɨ, kɨ osɨmtɨzim ia ganigha, ian apanibar nguazimɨn ia amada. Eghtɨ ian adarazi uan arazir akaba batozim ateghɨva, uari abɨnigh, egh uan arazir kurabar ivezir kuram inigh gɨvaghtɨ,

Onger Akaba 94:15

Gɨn, gumazamiziba kotɨn dughiamɨn guizbangɨra mɨkɨmam. Eghtɨ gumazamizir Godɨn damazimɨn deraziba, me kotiamɨn mɨgɨrɨgɨar aghuibar gɨn mangam.

Onger Akaba 119:154

Nɨ faragha na ko akam akɨrizɨ moghɨn, nɨ nan akuragh ua na inigh ikɨrɨmɨrir aghuim na danɨng.

Aisaia 42:7

Nɨ ingangarir kam damuam: Nɨ damazir okavɨrɨzibar amutɨ, me ua ganam. Egh kalabusɨn itir gumazamizir danganir mɨtarmemɨn apiaghav itiba, nɨ me damightɨ me fɨrighɨregham.

Aisaia 42:16

Kɨ uan gumazamiziba inigh tuavir me fomɨrama aruizir puvatɨzimɨn me atɨghtɨ, me an mangam. Me datɨrɨghɨn mati damaziba okavigha amɨnirbɨrimɨn iti. Eghtɨ kɨ amɨnirbɨrim me dam anedegh, angazangarim me danɨngam. Tuavir fɨghtɨzir kurar me fomɨram aruiziba, kɨ da akozeghtɨ, me tuavir voroghɨra ireghav itibar aruam. Kɨ guizbangɨra, me gɨn amadaghan kogham. Bizir kɨ damuasa mɨkemezir kaba, kɨ tam ateghan kogham. Kɨ guizɨn dar amightɨ, da otivam.

Aisaia 56:1

Ikiavɨra Itir God kamaghɨn mɨgɨa ghaze: “Ia nan gumazamiziba, kɨ ian akurvaghamin dughiam, a bar roghɨra ize. Gumazamiziba gantɨ, kɨ ua ia iniam. Kamaghɨn amizɨ, nan gumazamiziba, ia nan guizɨn arazibar gɨn mangɨ arazir aghuibar amu.

Jeremaia 10:19

Eghtɨ Jerusalemia kamaghɨn mɨkɨmam: “Maia, e ikuvigha gɨfa. Osɨmtɨzir ekiam e batogha duamɨn mɨn bar ekevegha mɨsɨngizir puvatɨ. Ezɨ markɨ, osɨmtɨzir kam e batogha gɨvazɨ e aneteram.”

Jeremaia 51:10

Ikiavɨra Itir God Babilon gasɨghasɨki, ezɨ arazir kamɨn a en gumazamizibar arazir aghuiba azenim gatɨ. Aria, e Saionɨn mangɨva, Ikiavɨra Itir God, en God amizir bizibar gun mɨkɨmam.”

Jopɨn Akɨnafarim 35:14

Jop, nɨ kamaghɨn mɨgɨa ghaze, Nɨ Godɨn garir puvatɨ. Nɨ uaghan ghaze, nɨ dughiar bar ruarimɨn a mɨzuaima, a kotɨn aven nɨn azangsɨzim akɨrizir puvatɨ. Kamaghɨn amizɨ Jop, God ti nɨn dɨmdiam bareghan kogham.

Aisaia 51:22

Ezɨ Ikiavɨra Itir God, nɨn God, a nɨn Ekiam, a gumazir kotɨn aven nɨn akurvazima nɨ uan apaniba dɨkabɨrim, a kamaghɨn mɨgei, “Nɨ ganigh! Nan anɨngagharimɨn aven itir itarir nɨn agharimɨn itir kam, kɨ anedangi, kar itarir nɨ an apava onganigha pura tintinibar ingarizim. Eghtɨ nɨ gɨn ua kavɨn kamɨn wainɨn dɨpam aman kogham.

Jeremaia 14:7

Ezɨ nan gumazamiziba kamaghɨn na ko mɨgɨa dɨa ghaze, “Bar guizbangɨra, e akɨrim ragha nɨ gasaragha gɨvagha, arazir kurar avɨrim gami. Ezɨ en arazir kurar kaba e isa kotiam gatɨ. Ezɨ Ikiavɨra Itir God, nɨ uan ziar ekiam gɨnɨghnɨgh, en apangkufigh.