Maika 7:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ kɨ uabɨ, nɨghnɨzir gavgavim Ikiavɨra Itir Godɨn ikɨ a mɨzuamam. Eghtɨ a kɨ a ko mɨgeir azir akaba baregh, izɨ nan akuragh na inightɨ, kɨ deraghvɨra ikiam.

Maika 7:7 ပူးပေါင်းရင်းမြစ်များ

Onger Akaba 37:7

Nɨ Ikiavɨra Itir Godɨn damazimɨn uabɨn asugh a mɨzuamtɨ, a nɨn akuragham. Gumazamizir taba uan nɨghnɨzibar gɨn mangɨ bizir aghuir avɨriba initɨ, nɨ men gan navim dɨkavan markɨ. Eghtɨ gumazamiziba arazir kurabar amutɨ, nɨ dagh nɨghnɨgh osɨman markɨ.

Aisaia 45:22

“Ia nguazir kamɨn saghon itir danganibar gumazamiziba, ia bar na bagh izɨ. Kɨrara kɨ God, ezɨ godɨn tam ua itir puvatɨ. Kamaghɨn amizɨ, ia na bagh izɨtɨ, kɨ ian akurvaghtɨ, ia deravɨra ikiam.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Onger Akaba 25:5

Nɨ nan God, nɨ nan akuragha ua na ini. Kamaghɨn, nɨ uan guizɨn akamɨn gɨn mangamin arazibar nan sure damutɨ, kɨ dughiabar zurara nɨghnɨzir gavgavim nɨn ikiam.

Onger Akaba 130:5

Kɨ uabɨn akurvaghasa ifongegha, Ikiavɨra Itir God, a mɨzua iti. Egha nɨghnɨzir gavgavim an akamɨn iti.

Onger Akaba 109:4

Kɨ me gifuegha me bagha God ko mɨgei. Ezɨ me nan atara akaba na gasi.

Aisaia 12:2

“Ia oragh! God nan akuragha ua na ini. Eghtɨ kɨ nɨghnɨzir gavgavim an ikɨva atiatingan kogham. Ikiavɨra Itir God, a Godra, a na gamima, kɨ gavgavigha iti. Guizbangɨra, a nan Akurvazir Gumazim, ezɨ kɨ an ziam fava onger akam gami.”

Onger Akaba 65:2

Nɨ guizbangɨra en mɨgɨrɨgɨaba barasi. Kamaghɨn, e gumazamiziba bar moghɨra nɨ bagh mangam.

Jenesis 49:18

“O Ikiavɨra Itir God, nɨ nan akurvaghasa kɨ nɨ mɨzuai iti.

Onger Akaba 38:15

O Ikiavɨra Itir God, kɨ nɨghnɨzir gavgavim nɨn ikia nɨ mɨzuai. O Ekiam, nɨ nan God, nɨrara uabɨ nan mɨgɨrɨgɨaba ikarvagham.

Aisaia 8:17

Egh kɨ datɨrɨghɨn, Ikiavɨra Itir God damuasa mɨkemezir biziba, kɨ puram a mɨzuam da bagh gan ikiam. Kɨ fo, an akɨrim ragha Israelian gumazamizibagh asagha gɨfa, egh a ua ragh men ganan kogham. Eghtɨ kɨ nɨghnɨzir gavgavim an ikɨvɨra ikiam.

Onger Akaba 50:15

Osɨmtɨzim ia bativamin dughiamɨn, ia nan dɨmtɨ kɨ ian akuragham. Eghtɨ ia nan ziam fam.”

Aisaia 17:7

Dughiar kamɨn, gumazamiziba navibagh iragh, Israelɨn Godɨn ziam fɨ nɨghnɨzir gavgavim an ikiam, a Godɨn men ingarizim, a Israelian Godɨn Bar Zuezim.

Daniel 3:17

E guizɨn Godɨn ziam fe. Nɨ mɨkemezɨ moghɨn e damigh, eghtɨ en Godɨn gavgavim itim, an en akuraghtɨ, nɨn gavgavim ko danganir ekiar avir bar pamten isim, e a gitagham. God en akuragham.

Hosea 12:6

Kamaghɨn amizɨ, ia nɨghnɨzir gavgavim uan Godɨn ikɨva uam a bagh izɨ. Egh ia apangkuvir arazim ko guizɨn arazimɨn gɨn mangɨ. Egh a ian akurvaghsɨ ia a mɨzuam.

Joel 1:19

Temeba ko graziba bar mɨsɨngi, mati avivzariam dar isi. Kamaghɨn amizɨ, O Ikiavɨra Itir God, kɨ pamten nɨ ko mɨgɨa nɨn dei.

Habakuk 2:1

Kɨ uan osɨmtɨzimɨn gun Ikiavɨra Itir God mɨkemegha gɨfa, egha a na danɨngamin mɨgɨrɨgɨam mɨzua iti, eghtɨ kɨ uam an mɨgɨrɨgɨam ikarvagham. Mati mɨdorozir gumaziba nguibam avɨnizir dɨvazir mɨtiar gavgavimɨn pɨn ghuavanega, tuivigha apaniba bagha gara iti moghɨn, kɨ a bagha gara mɨzua iti.

Dɨboboniba 5:28

Eghtɨ amizir kam, guizbangɨra arazir kuram damighan koghɨva, a Godɨn damazim deraghvɨra ikɨvɨra ikɨtɨ, dɨpar mɨsozir kam a gasɨghasɨghan koghtɨ, bizir kurar kam a batoghan kogham. Eghtɨ a boriba batamin gavgavim ikɨvɨra ikiam.

Onger Akaba 85:5

Manmaghɨn ami, nɨ en atar kamaghɨra ikɨtɨ, nɨn adarim gɨvaghan kogham o?

Habakuk 2:3

Bizir kam otivamim dughiam, a tɨghar maghɨn izɨ guizɨn otivam. Kamaghɨn amizɨ, bizir kɨ nɨn akaghamin kaba, nɨ da osirightɨ da ikɨ. Bizir kɨ nɨn akakaghamiba, da bar guizbangɨra kɨran oveghangɨn otivigham. Nɨ ti ghaze, da zuamɨra otoghan kogham, puvatɨ, nɨ pura mɨzuam ikɨ, bizir kam bar aghumra izɨva otogham.