Maika 7:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

^5-6 Eghtɨ dughiar kamɨn otariba dɨbovir akabar uan afeziabav kɨmtɨ, guiviba uan amebabar akaba batogham. Eghtɨ paba itir amiziba, uan ivozir amebaba ko akabar uari adogham. Gumazamizibar anababa uari, men apanim ikɨva, men ikuvigham. Kamaghɨn amizɨ, nɨ uan namakam ko roroamɨn akaba, nɨghnɨzir gavgavim dar ikian markɨ. Egh nɨ uaghan uan amuim o uan pam mɨkɨmsɨ deraghvɨra nɨghnɨgh a mɨkɨm.

Maika 7:5 ပူးပေါင်းရင်းမြစ်များ

Jeremaia 9:4

“Ia gumazamiziba kamaghɨn fogh, ian namakaba ko aveghbuaba ifara, mati ia uan inazir afeziam Jekopɨn mɨn ifari. Kamaghɨn amizɨ, ia bar me bagh deraghvɨra gan, nɨghnɨzir gavgavim men akabar ikian markɨ.

Matyu 10:16

Egha Iesus ua kamaghɨn mɨgei, “Ia oragh, kɨ sipsipbar mɨn ia isava afiar atiabar tongɨn ia amadi. Eghtɨ ia kuruzibar araziba iniva deravɨra bizibagh nɨghnigh egh gɨn dar amu. Egh ia kuarazir bunbabar arazibar amu, kamaghɨn ia arazir kuratam damusɨ nɨghnɨghan markɨ.

Onger Akaba 41:9

Nan roroar aghuim, kɨ nɨghnɨzir gavgavim an iti. Gumazir na ko dagheba apim, nan apanimɨn oto.

Onger Akaba 141:3

O Ikiavɨra Itir God, nɨ deragh nan akatorimɨn gan, egh kɨ mɨgeir mɨgɨrɨgɨaba nɨ ifongezɨ moghɨn kɨ me mɨkɨmam.

Gumazir Dapaniba 14:17

Ezɨ an amuim azia kamaghɨra ikia ghua isamɨn 7plan arueba gɨfa. A imobavɨra itima, an oragha ghua amɨragha tagha namba 7 aruemɨn akar isɨn zuimɨn mɨngarimɨn gun a mɨkeme. Ezɨ a ghua uan adaraziv keme.

Onger Akaba 38:14

Guizbangɨra, kɨ gumazir kuarir onganimɨn mɨn ikia, egha men akaba baragha da ikarvazir puvatɨ.

Jeremaia 9:3

Ikiavɨra Itir God na ikaragha ghaze: “Mati gumazim pir baribar asɨva amangasa ami moghɨn, ifavarim nan gumazamizibar akatoribar otiv mangasava ami. Egha men ifavarir arazim, men kantrin bar ekefe. Ezɨ nan gɨn zuir guizɨn arazim a itir puvatɨ. Akar ifavarim bar ekefe. Ezɨ me nɨghnɨzir gavgavim nan itir puvatɨ.”