Maika 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ gumazir igharaziba ghaze me deragha arazir aghuibagh ami, ezɨ God men gari, me ikuvigha mati grazir ataghatariba ko, benir dɨkoniba itiba. Dughiam otogha gɨfa, ezɨ God uan gumazamizibagh asɨghasɨghasa, mati an akam inigha izir gumazim mɨkemezɨ mokɨn. God kamaghɨn damutɨ, an gumazamiziba okam nɨghnɨgh onganigh tintinibar nɨghnɨgham.

Maika 7:4 ပူးပေါင်းရင်းမြစ်များ

Aisaia 22:5

Ikiavɨra Itir Godɨn Gavgaviba Bar Itim, nan Ekiam, an osɨmtɨzir guar avɨriba ia bativamin dughiam amɨsevegha gɨfa. Osɨmtɨzir kaba, Irebamɨn mɨn Garir Bizibar Garir Danganir Zarimɨn ia bativam. Dughiar kamɨn, apanir bar avɨrim izɨva pamtemɨn dɨmɨva ivemar mangɨ izegh damutɨ, ia dɨgavir kuram damigh onganigham. Egh me nguibar ekiamɨn dɨvazir gavgavim akartɨ, ia atiatingtɨ, ian dɨmdiam bar saghon mangɨ mɨghsɨabar tugham.

Esekiel 2:6

“Ezɨ nguazir kamɨn gumazim, nɨ men mɨgɨrɨgɨar me nɨ gamibar atiatingan markɨ. Me nɨn akaba dɨkabɨragh nɨ abɨnam, mati nɨ benir ataghataribar torimɨn iti moghɨn ikiam. Egh uaghan mati nɨ tuighakabagh isɨn aperaghav iti. Eghtɨ nɨ gavgafigh. Me akaba batozir adarasi. Kamaghɨn amizɨ, nɨ men akabar atiatingan markɨ.

Aisaia 10:3

God ian arazir kurar ia amir kaba ikarvagh, ia gasɨghasightɨ, ia manmaghɨn damuam? Dughiar kam, a kantrin saghon itimɨn gumaziba inigh izɨtɨ, me amɨnir gavgavimɨn mɨn izɨ ian bizibagh asɨghasɨghtɨ, ia manmaghɨn damuam? Ia ti ivegh mangɨ tina dama akurvazim iniam? Ian ziar ekiam ko bizir avɨrir ia iniziba, ia ti managh dar arɨghtɨ, da deraghvɨra ikiam? Bar puvatɨgham!

Hibru 6:8

Eghtɨ benir ataghatariba ko benir kuraba an ikɨtɨ, kamaghɨn nguazim ikuvigham. A dughiar ruarim ikeghan kogham, eghtɨ God suam, nɨ ikufi, nɨ bar isigham.

Luk Osirizir Akar Aghuim 21:25

Egha Iesus ua kamaghɨn mɨgei, “Eghtɨ arazaraziba aruem ko iakɨnim ko mɨkoveziba bativam. Eghtɨ ongarim dɨpɨr tɨngaghɨvɨra ikɨtɨma, nguazimɨn gumazamiziba bar atiatigh okam nɨghnɨgham.

Nahum 1:10

Ia mati gumazim dɨpar onganim amegha bar ongani, eghtɨ a bar ia agɨvagham, mati avim benir dɨkoniba ko, grazir bar mɨsɨngizibar isi.

Amos 8:2

Egha a nan azara, “Amos, nɨ bizir tizimɨn gari?” Ezɨ kɨ a ikaragha ghaze, “Kɨ dagher aghuir anigha gɨvazir abuananabar gari, da akɨrar mam gizɨvagha iti.” Ezɨ Ikiavɨra Itir God, ua kamaghɨn na mɨgei: “Dughiar abuananam otogha gɨfa, kar dughiar kɨ ivezir kuram isɨ uan gumazamiziba Israelia danɨngamim, mati gumazamiziba dagher aghuir anigha gɨvazir abuananaba asiamin dughiam otogha gɨfa. Egh kɨ ua uan nɨghnɨzim giraghan kogham. Kɨ bar me gasɨghasigham.

Jeremaia 10:15

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ me bar ikuvigham.

Jeremaia 8:12

“Me ti arazir kurar me amizibar aghumsɨghama? Bar puvatɨ. Me tong aghumsɨzir puvatɨ. Kamaghɨn, kɨ men igharaz darazigh asɨghasɨghizɨ moghɨn, kɨ gumazamizir kaba mɨzazim me danɨng, me gasɨghasɨgham. Kɨ Ikiavɨra Itir God, kɨ mɨkemegha gɨfa.

Aisaia 55:13

Temer kurar dɨkoniba itir danganim, datɨrɨghɨn temer painba a bativ an aghungam. Eghtɨ temer muziarir bar aghuiba datɨrɨghɨn benir ataghatariba ikezɨ naghɨn ikiam. Egh temer aghuir kaba zurara danganir kamɨn otivam, eghtɨ bizir kam ababanimɨn mɨn ikiam. Eghtɨ gumazamiziba zurazurara bizir kamɨn gan, Ikiavɨra Itir God amizir ingangarir gavgavibagh nɨghnɨgham.”

Jeremaia 11:23

Anatotɨn gumazamizir paza nɨ damuasava amiba, kɨ me ikarvagh me gasɨghasɨghamin dughiam, kɨ a ginabagha gɨfa. Men tarazi mɨseveghɨrɨghan kogham. Me bar moghɨra ikuvigham.”

Jeremaia 46:21

Ezɨ igharaz darazir gumaziba, Isipia uan mɨdorozir gumazibar ikiasa me givese. Egha Isipia bar deraghavɨra men gari, ezɨ me bar deraghavɨra iti, mati bulmakaun mɨkarzim saram aghungiziba. Egha apaniba otivizir dughiamɨn, gumazir kaba mɨdorozim ategha are. Ezɨ Isipɨn mɨdorozir gumaziba uaghan kamaghɨn ami. Ezɨ mɨdorozimɨn aven, dughiar bar kuram me batozɨ, me bar ikufi. Kamaghɨn amizɨ, me mɨdorozim bagha tuivigha gavgavizir puvatɨ. Ezɨ dughiar kamɨn me arazir kurar me amiziba bagha ivezir kuram isi.

Esekiel 28:24

“Kɨ Ikiavɨra Itir God, kɨ kamaghɨn mɨgei: Israelɨn ikɨzimɨn boroghɨn itir kantrin igharaziba, men apanim gamua dɨbovir akar kurabar me mɨgei, mati benir atariba ko dɨkoniba gumazimɨn mɨkarzim mɨtifi. Egh me gɨn uam arazir kam damuan kogham. Eghtɨ dughiar kamɨn, Israelia deragh na gɨfogh suam, kɨ Ikiavɨra Itir Godɨn Ekiam.