Maika 7:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Gumazir aghuitam nan kantrin aven itir puvatɨ. Gumazitam guizbangɨra Godɨn gɨn zuir puvatɨ. Bar puvatɨ. Dughiabar zurara gumazamiziba uarira uarir apanibagh amua uarigh asɨghasɨghasa uari bagha tuaviba buri, mati gumazim asɨzibav soghasa, azuazim agura.

Maika 7:2 ပူးပေါင်းရင်းမြစ်များ

Onger Akaba 12:1

O Ikiavɨra Itir God, nɨ en akuragh. Gumazamizir aghuiba bar puvatɨ? Nɨ ua gumazamizir zurara nɨghnɨzir gavgavir nɨn ikiavɨra itibar ganan kogham.

Aisaia 57:1

Gumazamizir aghuiba ariaghirir dughiamɨn, gumazamiziba men gara men apangkuvir puvatɨ. Egha me kamaghɨn nɨghnɨzir puvatɨ, Ekiam gumazamizir kaba ataghizɨ, me ovea zui, me gɨn izamin dughiar kurabagh itavɨragham.

Jeremaia 5:26

“Nan gumazamizibar tongɨn marasi, arazir kurabagh amir adarasi. Me gumazamizir igharaziba arazir kurabar me damuasa mɨzua iti. Mati gumazim kuarazim izɨ ivemɨn aven mangasa aneguragha a mɨzua iti.

Aisaia 59:7

Ia zuraram arazir kuram damuasa bar ifonge. Egha ia zurara atamra ghua gumazamizir arazir kurabagh amir puvatɨzibav sozi, me ariaghiri. Ia bizir kurabara damuasa nɨghnɨsi. Egha ia gumazamizibar ikɨrɨmɨrim gasɨghasɨghasava arua bizibagh ami.

Aghuzir Akaba 1:11

Eghtɨ kamagh garir gumaziba kamaghɨn mɨkɨmam, “Nɨ izɨ, e mangɨ tuavir mɨriamɨn muegh ganam. Eghtɨ gumazir manaba izɨtɨ, e me mɨsueghtɨ me arɨmɨghiregham. Gumazir manaba iza uarir akurvaghamin tuaviba puvatɨ, e uan ifongiamɨn gɨn mangɨ pura me mɨsueghtɨ me arɨmɨghiregham.

Jeremaia 16:16

Ikiavɨra Itir God kamaghɨn mɨgɨa ghaze, “Kɨ apaniba amadaghtɨ, me izɨva Judan gumazamizibar suigh me iniam, mati gumazim uan ivem akunigha osirir avɨriba ini. Eghtɨ gɨn kɨ uam apanir igharaziba ameghtɨ, me mangɨ gumazamizir mɨghsɨabar mongeziba, ko dagɨar toribar mongeziba, buri men suigham, mati gumazim ruarimɨn asɨziba buria dar suisi.

1 Samuel 24:11

Nan afeziam, nɨ kagh kɨ suirazir nir avɨzir kamɨn gan. Kɨ nɨn korotiar ruarimɨn avɨzim atugha nɨ mɨsoghan aghua. Kamagh amizɨ, nɨ deragh na gɨfogh, kɨ nɨn apanim puvatɨ, egha paza nɨ gɨnɨghnɨzir puvatɨ. Egha osɨmtɨzitam nɨn itir puvatɨ. Ezɨ nɨ na mɨsueghtɨ kɨ aremeghasa na buriavɨra iti.

Maika 3:10

Ia uari bagha Saionɨn nguibamɨn dɨpenir aghuir avɨriba ingarasa, gumazamizibav sozi me ariaghiri. Ia guizɨn arazimɨn aghuagha, onganarazibagh amir gumazamiziba abɨragha men ghuzim ingegha ghaze, kar Ikiavɨra Itir Godɨn nguibam Jerusalem, e anesarazɨ a tugha gavgafi.

Jeremaia 5:16

Men mɨdorozir gumaziba bar moghɨra, mɨdorozir gumazir bar gavgaviba. Egha me barir pibar asa bar fogha, gumazamizibagh asi me ariaghiri.

Aghuzir Akaba 12:6

Gumazamizir kurabar akaba, osɨmtɨziba gumazamizibagh anɨga me gasɨghasɨsi. Ezɨ gumazamizir aghuibar akaba, gumazamizir osɨmtɨziba itibar akurvasi. Ezɨ gumazamizir kaba me deraghvɨra ikiam.

Onger Akaba 57:6

Nan apaniba nan suighasa na bagha ivem agura. Mati gumazim asɨzir atiamɨn suighasa azuazim agura. Kɨ magɨramin mozim, me tuavir kɨ zuimɨn an okorezɨ osɨmtɨzir ekiam nan iti. Ezɨ puvatɨ, me atamakuigha uari torir kam giraghue. (Ighiam gamua an suiam atugha avughsegha ua ighiam gami.)

1 Samuel 26:20

Atrivim, nɨ na mɨsoghasa na buri, mati gumazim piba buri, o mati gumazim mɨghsɨabar ghua kuarazir goniam gasasa a buriava avegha an aroriam ini. Kɨ kamaghɨn nɨ mɨkɨmasa, nɨ Ikiavɨra Itir God gɨfozir puvatɨzir darazir nguazimɨn na mɨsoghan markɨ. Nan ghuzim, gumazamizir igharazibar nguazim giran kɨ aghua.”

Onger Akaba 10:9

A laionɨn mɨn uan torimɨn modogha gara iti. A modogh ikɨ egh gumazir onganarazibagh amibar suighasa. A uan iver ekiamɨn men pɨgha men suigha me amɨkɨrvagha zui.

Aisaia 9:19

Ikiavɨra Itir Godɨn Gavgaviba Bar Itim bar anɨngaghegha, nguazir kamɨn ruaghatevibar itir gumazamiziba bar me gasɨghasɨki. A mati avim ruarir ekiamɨn isia bar a gasɨghasɨghizɨ moghɨn, bar me gasɨghasɨki. Gumazamiziba uaghan vaghvagha men nɨghnɨzibar gɨn ghua, igharaz darazi dɨkabɨnasava ami.

Jeremaia 8:6

Kɨ kuarim atɨgha me barazi, me deragha guizɨn akatam na mɨgeir puvatɨ. Egha men tav uan arazir kuraba gɨn amangasa mɨgeir puvatɨ. Egha nan azangsɨgha ghaze, kɨ arazir kurar manamrama ami? Me vaghvagha uan ifongiabar gɨrara ghua, mati hoziaba mɨdorozim bagha ghuaba arigha ivemara ghuavɨra iti.

Esekiel 22:12

Ezɨ ian gumazamizir maba, iveziba isa ghua igharaz daraziv suagharɨsi. Ezɨ marasi, uan namakabar dagɨaba pura da inigha ua da ikarvaghsɨ an dagɨar an anɨngizim gisɨn ua dagɨaba ini. Ezɨ marasi, uan namakar gumazibagh ifara me gami me atiatima, me me da dagɨaba isa bizir avɨriba iti. Ia bar na gɨn amadagha na gɨnɨghnɨzir puvatɨ. Kɨ Ikiavɨra Itir Godɨn Ekiam, kɨ kamaghɨn mɨkeme.

Esekiel 24:6

“Kɨ Ikiavɨra Itir Godɨn Ekiam, kɨ kamaghɨn mɨgei, Gumaka! Jerusalemɨn nguibar ekiar kam, a bar ikuvigham. A gumazamizir avɨribav suagharɨki. A mati mɨner mam, an averiam bizir mɨzɨrɨziba an iti, me tong a rueghan kogham. Nɨ asɨzir tuzir kaba ko aghariba vaghvagh da inigh azenim darɨgh, eghtɨ tam ua mɨnemɨn aven ikian markɨ. Guizbangɨra, Jerusalemia bar ikuvigham.

Hosea 5:1

“O ofa gamir gumaziba, ia akar kam baragh. Ia Israelia, deravɨra kuaribar arigh nan akam baragh. Ia atrivimɨn adarasi, ia oragh. Ia kotɨn aven tughtɨ, kɨ deravɨra ian osɨmtɨziba tuisɨgham. Kɨ fo, ia ofa gamir gumaziba azuazimɨn mɨn gumazamizibagh ifarava me gekua, Mispan nguibam ko Taborɨn Mɨghsɨamɨn asebar ziaba fe. Kamaghɨn amizɨ, ia gumazamizir avɨribar nɨghnɨzibar suirazɨ, me okam nɨghnɨsi. Ia mati asɨzir atiabar suizir mozibar mɨn iti. Kamaghɨn amizɨ, kɨ ivezir kuram isɨ bar ia danɨngam.

Maika 2:8

Ikiavɨra Itir God kamaghɨn gumazir kabav gɨa ghaze, nan gumazamiziba, ia apanibar mɨn me gami. Men marazi mɨdorozim gamigha uamategha uan dɨpenibar izegha ghaze, e deragha uamategha izegha avughsi. Ezɨ puvatɨ, ia ghua me azenan azuir korotiaba men akɨragharibar da adangi.

Maika 3:2

Ia arazir aghuir kamɨn aghuagha arazir kuram bagha bar ifonge. Ian arazir kaba mati, ia nan gumazamizir angamɨra itibar iniba aghora da mɨsi. Egha men agharibar itir tuziba aghora da mɨsefi.

Sekaraia 11:6

Ikiavɨra Itir God kamaghɨn mɨgei, “Kɨ nguazimɨn gumazamizibar apangkuvighan kogham. Kɨ uabɨ vaghvagh me isɨ men atriviba ko, men adarazir agharibar arɨgham. Eghtɨ me pazavɨra me damuam, mati sipsipɨn ghuaviba uari pazavɨra me gami. Atriviba ko, men adarazi pazavɨra me damutɨ, kɨ men akuraghan kogham.”

Onger Akaba 12:2

Gumazamiziba bar, gumazamizir igharaziba ko ifavaribagh ami. Me asuir akaba uariv gɨa egha uarira uarigh ifari.

Aisaia 3:5

Egh gumazamiziba uarigh afighafighsɨ, igharaz darazi dɨkabɨnam. Namakaba uaghan uari dɨkabɨnam. Eghtɨ gumazamizir igiaba, me uan gumazamizir ghuribar akaba munasɨ, me batogham. Eghtɨ gumazamizir nɨghnɨzir kuraba itiba, me gumazamizir nɨghnɨzir aghuiba itibar akaba batogham.

Hosea 6:9

Ofa gamir gumazibar okoruaba mati okɨmakɨar gumaziba tuavir mɨriabar uari akuva, moga gumazibagh asɨghasɨgha, men biziba okei. Egha tuavir Sekemɨn nguibar ekiamɨn zuimɨn, me gumazamizir Godɨn ziam fasa zuibav sozi, me ariaghiri. Me gumazir bar kuraba.

Aposel 24:9

Ezɨ Judaba uaghan Tertulusɨn akuragha akaba bar Pol gasi. Me kamaghɨn mɨgei, bizir kaba bar guizbangɨra.