Maika 7:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Maika 7:18 ပူးပေါင်းရင်းမြစ်များ

Aisaia 43:25

Kɨrara, kɨ God, kɨ uan ziar ekiam baghavɨra nɨghnɨsi, kamaghɨn kɨ ian arazir kuraba bar da gɨn amada. Egh kɨ ua ian arazir kurar kabagh nɨghnɨghan kogham.

Aisaia 44:22

Ian arazir kuraba, kɨ da adegha da isa pɨn da akunizɨ, amɨnim da inigha ghu. Nɨn arazir kuraba gɨvagham, mati ghuariaba aruem mɨzaraghara anadi, da a sara ghuegha gɨfa. Kɨ ian akurvagha deravɨra ian gari, kamaghɨn amizɨ, ia uamategh na bagh izɨ.”

Jeremaia 50:20

Ezɨ kɨ Ikiavɨra Itir God, kɨ kamaghɨn mɨgei: Dughiar kamɨn kɨ Israelia ko Judan ikiavɨra itir varazira, kar kɨ taghizɨ deravɨra itiba, kɨ men arazir kuraba gɨn amadagham. Eghtɨ arazir kuratam ko osɨmtɨzir tam men ikian kogham. Eghtɨ gumazitam akatam me gasɨsɨ damuva avegham.”

Jeremaia 32:41

Egh kɨ uaghan uan navir averiamɨn aven nɨghnɨzir vamɨra ikiam, kar kɨ me gakuegh deraghvɨra me damuam, egh me ateghtɨ me deraghvɨra nguazir kamɨn ikiam.

Jeremaia 3:12

Kamaghɨn amizɨ, Jeremaia, nɨ dɨkavigh notɨn amadaghan mangɨ dɨmɨva nan akamɨn gun kamaghɨn me mɨkɨm, Kɨ Ikiavɨra Itir God, kɨ ghaze, Israelia, ia nɨghnɨzir gavgavir nan itir arazim ataki, mati amizim uan pam ategha par igharazimɨn iti. Nan apangkuvir arazim a bar ekefe. Kamaghɨn ia uamategh na bagh izɨ. Kɨ ua navir kuram ian ikɨ zurara ian anɨngaghan kogham.

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Onger Akaba 89:8

O Ikiavɨra Itir Godɨn Gavgaviba Bar Itim. Gumazitam bar gavgavigha nɨn mɨn itir puvatɨ. O Ikiavɨra Itir God, nɨ zurara deraghavɨra e gami, egha dughiatamɨn e ataghɨrazir puvatɨ.

Onger Akaba 86:15

O Ekiam, apangkuvir arazim ko, akurvazir arazim bar nɨ gizɨvazɨ nɨ zuamɨrama atarir puvatɨ. Nɨ bar en apangkuvigha, deravɨra uan akamɨn gɨn ghua egha nɨghnɨzim giraghɨrazir puvatɨ.

Onger Akaba 65:3

E uan arazir kuraba bagh nɨ bagh mangam. En arazir kurabar osɨmtɨziba e abɨrima e bar iraghue, ezɨ nɨrara en arazir kuraba gɨn amadi.

Onger Akaba 89:6

O Ikiavɨra Itir God, nɨn Nguibamɨn aven, tav nɨn mɨn itir puvatɨ. Nɨn nguibamɨn enseltam nɨ ko magh ghuzir puvatɨ.

Luk Osirizir Akar Aghuim 24:47

Eghtɨ nan ziamɨn, ia nan akam inigh mangam. Ia Jerusalem ikegh nan akam inigh nguazimɨn mɨkebaba bar dar mangɨ. Ia ikɨziba bar dar gumazamizibav kɨmtɨ, me navibagh iraghtɨ kɨ men arazir kuraba gɨn amangam.

Maika 4:7

Ezɨ gumazamizir ikiavɨra itir varazira, me uan nguibamɨn saghon ikia, egha daruan iburaghburaki, me gumazamizir suer kurar pazava aruiba. Ezɨ datɨrɨghɨn itir varazira kɨ ua me damightɨ, me kantrin bar gavgavimɨn mɨn otogham. Eghtɨ datɨrɨghɨn ikegh mangɨ, kɨ Ikiavɨra Itir God, kɨ Saionɨn Mɨghsɨamɨn ikɨ, men atrivimɨn ikɨ, me gativagh mamaghɨra ikiam.”

Maika 2:12

Ikiavɨra Itir God ua kamaghɨn Jekopɨn ovavir boribav gɨa ghaze, “Kɨ uamategh Israelian gumazamizir itir varazira ua me akuvagham. Egh mati gumazim sipsipba inigha iza dɨvazimɨn aven me akuvi moghɨn, kɨ ua me akuvagham. Eghtɨ me kalabusɨn dɨpenibar tiar akabar uari akuvam. Eghtɨ gumazamiziba ua ian nguazim bar a gizɨvagham, mati sipsipɨn avɨrim grazir aghuir avɨribar tongɨn ikia ada api.”

Esekiel 33:11

Nɨ me mɨkɨm suam, kɨ Ikiavɨra Itir Godɨn Ekiam, kɨ zurara angamɨra ikia mamaghɨra ikia, egha kɨ uan ziamɨn bar guizbangɨra ia mɨgei: Arazir kurabagh amir gumazamiziba ariaghɨrima, nan navim derazir puvatɨ. Kɨ kamaghsua, me arazir kuraba ategh angamɨra ikiasa kɨ ifonge. O Israelɨn ikɨzim, ia oragh! Arazir kurar ia amiba, ia da atakigh, egh ua na bagh izɨ. Ia tizim bagha ovengasa?

1 Atriviba 8:23

Egha a kamaghɨn God ko mɨgei, “O Ikiavɨra Itir God, Israelian God, godɨn tam nɨn mɨn overiam ko nguazimɨn itir puvatɨ. Nɨ zurara, uan Akar Dɨkɨrɨzir Gavgavir kamɨn gɨn ghua, uan ingangarir gumazamizir uan navir averiabar aven nɨ baghavɨra itiba, apangkuvir ekiam men ikiavɨra iti.

Godɨn Araziba 33:26

Egha Moses kamaghɨn mɨgei, “O Israelia, godɨn tam ua en Godɨn mɨn itir puvatɨ. A gavgavir ekiam ko angazangarimɨn aven mɨdorozir karis gaperagha, ian akurvaghasa ghuariam gisɨn izi.

Jems 2:13

E fo, gumazamiziba igharaz darazir apangkuvan koghtɨ, God kotiamɨn me tuisɨghamin dughiamɨn, God uaghan men apangkuvighan kogham. Ezɨ gumazim o amizim igharaz darazir apangkufi, God kotiamɨn a tuisɨghamin dughiamɨn a Godɨn apangkuvimɨn ganam.

Sefanaia 3:17

Ikiavɨra Itir God, a ian God, a ia ko iti. An gavgavim ian akurazɨ, ia mɨdorozimɨn uan apaniba abɨra. A ia bagha bar akongegh ighiabar amuam. Mati gumazamiziba uari akuva Godɨn ziam fa onger akabagh ami moghɨn, a ia bangɨn pamtem ongam. Guizbangɨra a bar ia gifonge, ia kamaghɨn nɨghnɨzir kam damutɨ, a mɨgɨrɨgɨabagh asagham.

Maika 7:14

O Ikiavɨra Itir God, nɨ gumazamizir ua bagha mɨseveziba, nɨ me eghuvir gumazimɨn mɨn ikɨ, mati sipsipbagh eghuvir gumazim deravɨra uan sipsipbagh eghufi. Me ruarir arɨzibar mɨghsɨabar ikia, nguazir aghuiba puvatɨ. Ezɨ azenibar ingaramin nguazir aghuiba vɨn iti. Me faragha amizɨ moghɨn, nɨ men amamangatɨghtɨ, me mangɨ Basan Distrik ko Gileatɨn Distrighɨn nguazir aghuibar azenibar ingaram, mati sipsipba grazir aghuiba itir nguazim garua grazir avɨriba api.

Jona 4:2

Egha a kamaghɨn Ikiavɨra Itir God ko mɨgɨa ghaze, “Ekiam, nɨ nan akam barakigh. Kɨ tɨghar nguibam ataghɨraghamin dughiamɨn, kɨ fo, arazir nɨ amizir kam nɨ a damuam. Kamaghɨn amizɨ, kɨ arɨ mangasa, egha ara Tarsisɨn zui. Kɨ fo, nɨ gumazamiziba bar me gifongegha, bar men apangkufi. Egha nɨ zuamɨrama atarir pu. Puvatɨ. Nɨn apangkuvim bar moghɨram en ekefe. Egha nɨ zurara uan nɨghnɨzim gɨghasa ifongeghavɨra ikia, egha gumazamizibar arazir kuraba ikarvazir puvatɨ.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

Aisaia 57:16

Kɨ uan gumazamiziba zurara akam me gasɨ men ataran kogham. Kɨ men atar me damutɨ, men ikɨrɨmɨrim ikuvigh bar gɨvagham, men ikɨrɨmɨrir kam, kɨ uabɨ me ganɨngi.

Onger Akaba 86:5

O Ekiam, nɨ bar dera, egha gumazibar arazir kuraba gɨn amadi. Egha nɨ ko mɨgeir gumazamiziba, nɨ apangkuvir ekiam men ikia, men azangsɨziba barasi.

Daniel 9:9

E nɨn akaba batosi, ezɨ nɨ Ekiam en God, en apangkuvigha en arazir kuraba gɨn amadi.

Jeremaia 3:5

Ia kamaghɨn na mɨgɨa ghaze, nɨ ti zurara en anɨngaghɨ egh zurara en ataran kogham.’ Ia kamaghɨn mɨgɨa, egha uan ifongiamɨn gɨn ghua arazir kurar avɨribagh amua ghuavɨra iti.”

Aisaia 65:19

Kɨ uaghan Jerusalem bagh bar akuegh uan gumazamiziba bagh navir aghuim ikiam. Eghtɨ Jerusalemɨn igiamɨn aven, gumazamiziba mɨzazim isava arair nɨgɨniba ua puvatɨghtɨ, gumazamizibar, azirakaba puvatɨgham.

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Aisaia 1:18

“Ia oragh. Kɨ Ikiavɨra Itir God, kɨ ia mɨgɨa ghaze, Ia izɨ, e uari akuvagh deraghvɨra nɨghnɨgh akam akɨrigham. Kɨ garima, ia arazir kurar avɨriba iti, egha ia mati nir ghurghurim, me nguazir aghevim a gasɨghasigha gɨvazɨ moghɨn iti. Eghtɨ kɨ ia zuegh ia damutɨ, ia ua buruvir ovɨzimɨn mɨn bar ghurghurigham. Guizbangɨra, ian arazir kuraba, mati ter ovɨzir aghevir ighiabagh amimɨn mɨn gari. Eghtɨ kɨ ian arazir kuraba gɨn amadaghtɨ, ia arinir ghurghurimɨn mɨn bar ghurghurigham.

Onger Akaba 130:4

Nɨrara arazir kuraba gɨn amadi, kamaghɨn amizɨ, e nɨrarama atiating nɨn apengan ikiam.

Onger Akaba 71:19

God, nɨn arazir aghuim nguazir kamɨn danganiba bar dagh izɨvagha, uanaga overiamɨn tu, egha gumazamizibar damazibar azenara iti. Nɨ ingangarir bar ekiam gami. Ezɨ nguazir kamɨn gumazitam nɨn mɨn garir pu. Bar puvatɨ. Nɨ bar moghɨra me gafira.

Nehemia 9:17

Me nɨn akabar gɨn mangan aghua. Me mirakelɨn gavgavir nɨ men tongɨn amiziba, me bar da gɨn amada. Me uari fa puv akaba batogha, ua Isipɨn mangɨ ua kalabuziar ingangaribar amuasa, men faragha zuir gumazim, me uari bagha anemɨsefe. O God, nɨ nguazir kamɨn gumazamizibar arazir kuraba gɨn amadi. Nɨ en kuarkuvigha e gifuegha deragha e gami, egha bar nɨmɨra nɨmɨra en atari. Nɨn apangkuvir arazim ekevegha, nɨ en inazir afeziaba akɨrim me gasarazir puvatɨ.

Ua Me Ini 34:9

Egha kamaghɨn mɨgei, “O Ekiam, kɨ nɨn azai, nɨ bar guizbangɨra na gifuegh, egh nɨ e ko mangɨ. Guizbangɨra, gumazamizir kaba akaba barazir puvatɨ. Ezɨ nan ifongiam kamakɨn, nɨ en arazir kuraba ko igharagha garir bizir kuraba gɨn amadagh. Egh e damightɨ e nɨn gumazamizibara ikiam.”

Akɨnafarir Pol Romɨn Nguibar Ekiamɨn Itir Sios Bagha Osirizim 11:4

Ezɨ God manmaghɨn an akam ikara? A ghaze, “Kɨ ua bagha Israelian tongɨn itir gumazir 7,000ɨn varazira amɨsevezɨ, me Israelɨn ikiavɨra iti. Me asem Baal bagha teviba apɨrizir puvatɨ.”

Luk Osirizir Akar Aghuim 15:32

Nɨn dozim aremegha ua dɨkafi. Egha an ovengezɨ e uam an api. Kamaghɨn amizɨ, e a bagh isam gamua ivarvari.’ ”

Maika 5:3

Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.

Amos 8:2

Egha a nan azara, “Amos, nɨ bizir tizimɨn gari?” Ezɨ kɨ a ikaragha ghaze, “Kɨ dagher aghuir anigha gɨvazir abuananabar gari, da akɨrar mam gizɨvagha iti.” Ezɨ Ikiavɨra Itir God, ua kamaghɨn na mɨgei: “Dughiar abuananam otogha gɨfa, kar dughiar kɨ ivezir kuram isɨ uan gumazamiziba Israelia danɨngamim, mati gumazamiziba dagher aghuir anigha gɨvazir abuananaba asiamin dughiam otogha gɨfa. Egh kɨ ua uan nɨghnɨzim giraghan kogham. Kɨ bar me gasɨghasigham.

Amos 7:8

Egha a kamaghɨn nan azara, “Amos, nɨ bizir tizimɨn gari?” Ezɨ kɨ kamaghɨn mɨgei, “Kɨ ainɨn muziarir benimɨn guraghav itimɨn gari.” Ezɨ a kamaghɨn na mɨgei: “Nɨ oragh! Kɨ ainɨn benir muziarir guraghav itimɨn suiragha, Israelian gumazamizibar aban men arazibar ganɨva da tuisɨghasa. Kɨ men gari, me mati dɨpenir dɨvazibar mɨn voroghɨra tuivighav itir puvatɨ. Kɨ men arazir kuraba ua da ikarvaghasa, egh kɨ ua uan nɨghnɨzim giraghan kogham.

Jeremaia 31:34

Kɨ Ikiavɨra Itir God, kɨ guizbangɨra mɨgei, dughiar kamɨn gumazamiziba vaghvagh uan namakaba ko uan adarazir sure damuan kogh suam, ‘Ia Ikiavɨra Itir God gɨfogh.’ Puvatɨ. Me bar moghɨra na gɨfogham, gumazamizir kɨniba ko ziaba itir gumazamiziba. Eghtɨ kɨ men arazir kuraba gɨn amadaghɨva ua dagh nɨghnɨghan kogham.”

Aisaia 57:10

Ia aseba buria ingangarir dafam uari ganɨngi, ezɨ ian gavgaviba gɨfa. Egha ia bizir kam barazir puvatɨgha ghaze, ‘E pura uan gavgaviba agefi. E ti arazir kam ateka.’ Puvatɨ. Ian inivafɨzimɨn ifongiar kurar kam gavgavigha ia getuima, ia ghuavɨra iti.

Aisaia 40:25

Ezɨ Godɨn Bar Zuezim azaragha ghaze, “Tinara nan mɨn gari? Guizbangɨra, gumazitam na ko magh gari puvatɨ.”

Aisaia 40:18

Kamaghɨn amizɨ, tinara Godɨn mɨn gari? Guizbangɨra, bizitam a ko magh garir puvatɨ.

Onger Akaba 103:13

E fo, afeziaba uan boribar apangkuvi moghɨra, Ikiavɨra Itir God uan gumazamizir an atiatia an apengan itibar apangkufi.

Onger Akaba 35:10

Kɨ bar uan navir averiamɨn aven kamagh mɨkɨm suam, “O Ikiavɨra Itir God, gumazitam ua nɨn mɨn itir puvatɨ. Gumazamizir gavgaviba puvatɨziba, nɨ deravɨra men akurvasi. Gumazamizir onganarazibagh amiba, nɨ deravɨra me geghufi. Ezɨ gumazamizir gavgavir bar ekiaba itiba me gasɨghasɨghasa amuava avenge.”

Dɨboboniba 23:21

Kɨ garima, Israelia bativamin araziba, dar tam me damutɨ me bar ikuvighan kogham. Bar puvatɨgham. Ikiavɨra Itir God, men God, a me ko iti. Me kamaghɨn an gun mɨgei, a men Atrivim.

Jeremaia 38:8

Ezɨ Ebetmelek atrivimɨn dɨpenim ategha, atrivim bagha ghua, kamaghɨn a mɨgɨa ghaze,

Aisaia 62:5

Eghtɨ nɨn otariba nɨ inigh, nɨ ko deraghvɨra ikiam, mati gumazir igiam amizir igiamɨn ikia, aning uaning ko deravɨra iti. Guizbangɨra, nɨn God bar nɨ gakuegham, mati gumazim igiamra amuimɨn ikia uan amuim gakonge.

Jenesis 4:7

Nɨ arazir aghuim damightɨ, kɨ nɨn ofa gifongeghtɨ, nɨ bar akuegham. Egh nɨ arazir kuram damightɨ, arazir kuram nɨ gasɨghasɨghasa, nɨ mɨzuai. Egha arazir kuram nɨ abɨnasa bar ifonge. Kamaghɨra nɨ uaghan gavgavigh anebɨn.”

2 Eghaghaniba 6:21

O Ikiavɨra Itir God, nɨ uan Nguibamɨn pɨn iti. Kɨ Israelia ko, e nɨn gumazamiziba, e nɨn Dɨpenimɨn ganɨva nɨ ko mɨkɨmamin dughiabar, nɨ en mɨgɨrɨgɨaba baragh en arazir kuraba gɨn amang.

2 Eghaghaniba 30:9

Ia fo, ian apaniba ian aveghbuaba ko, boriba inigha uan nguibabar ghuegha, me isa kalabuziabar mɨn me arɨki. Ia uamategh Ikiavɨra Itir God bagh izɨtɨ, a ian apanibar amutɨ, me ian adarazir apangkuvigh, ua me amadaghtɨ me uamategh ian nguazimɨn izam. Bar guizbangɨra, Ikiavɨra Itir God ian God, a Godɨn apangkuvim itim. Kamaghɨn amizɨ, ia navibagh iragh, a bagh uamategh izɨtɨ, a ragh ua ian ganɨva, ua ia iniam.”

Aisaia 33:24

Eghtɨ dughiar kamɨn, Jerusalemɨn itir gumazitam kamaghɨn mɨkɨman kogham, “Kɨ arɨmariam iti.” Eghtɨ Ikiavɨra Itir God Jerusalemɨn itir gumazamizibar arazir kuraba gɨnamangam.

Aisaia 64:9

O Ikiavɨra Itir God, nɨ zuraram en arazir kurar e amibagh nɨghnɨgh puv en anɨngaghan markɨ. Nɨ kamaghɨn nɨghnɨgh, e bar nɨn gumazamiziba, nɨ tong en apangkufigh.

Jeremaia 9:24

Gumazim bar akueghsɨ, a bizir bar vamɨra bagh bar akongegham. Bizir kam kamakɨn: Kɨ Ikiavɨra Itir God, a na gɨfozir bizim bagh bar akongegh. Kɨ zurara nguazimɨn gumazamiziba bar men apangkufi. Egha kɨ zurara guizɨn arazimɨn gɨn ghua arazir aghuibar me gami. Kɨ arazir kam damuasa bar akonge. Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 31:20

Kɨ Ikiavɨra Itir God, kɨ mɨkeme: Kɨ bar Efraim gifonge, a nan otarim. Kɨ zurara an ziamɨn dia, egha puv a gɨnɨghnɨsi. Dughiar mabar kɨ an atari. Ezɨ guizbangɨra kɨ a gɨnɨghnɨgh an apangkuvigham.

Jeremaia 33:8

Me na batuegha, arazir kuram gami. Ezɨ kɨ men arazir kuraba gɨnamadagham, egh men arazir kurabar osɨmtɨzim agɨvagh me damightɨ, me nan damazimɨn zuegham.

Esekiel 18:23

Kɨ Ikiavɨra Itir Godɨn Ekiam, kɨ kamaghɨn ia mɨgei. Gumazir arazir kurabagh amiba ariaghiri, kɨ bizir kam bagha bar akongezir pu. Puvatɨ. Kɨ kamaghsua, me navibagh iragh angamɨra ikiasa kɨ ifonge.

Hosea 14:2

Ia uamategh Ikiavɨra Itir God bagh izɨ, ofan mɨn kamaghɨn a ko mɨkɨm: “O God, nɨ bar moghɨra en arazir kuraba gɨn amadagh, egh e nɨ danɨngamin bizir aghuiba inigh. Datɨrɨghɨn e bulmakaun apuriba mɨsogh nɨn ofa damuan kogham. Puvatɨgham. Arazir aghuir e fomɨra damuasa nɨ ko akam akɨriziba, e dar amuam.

Amos 1:11

“Ia oragh! Ikiavɨra Itir God Akar Gavgavir kam ia ganɨga ghaze, Idomɨn kantrin aven itir darasi, arazir kurabagh amua ghuavɨra iti. Me uan adarazira Israelia, men agɨntɨgha, men marazi mɨdorozir sababar me mɨsozi me ariaghɨrima, me tong men apangkuvir pu. Bar puvatɨ. Men anɨngagharir arazir kam men tongɨn ikiavɨra iti. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Gumazir Dapaniba 10:16

Egha Israelia uan marvir guaba makunigha, aseba ategha, ua Ikiavɨra Itir God baghavɨra iti. Ezɨ Ikiavɨra Itir God Israelia aterir osɨmtɨzir kabar gara ghua bar me giporpore.

Onger Akaba 65:4

Gumazamizir nɨ uan Dɨpenimɨn ikiasa mɨsevegha inigha ghueziba, me bar akongegh. Nɨn Dɨpenir kam, bizir bar aghuir avɨriba an iti. Kamaghɨn, e nɨn Dɨpenimɨn gumazamiziba uari akuvi naghɨn ikɨ, navir amɨrizim ikiam.

Aisaia 38:17

Ezɨ osɨmtɨzir ekiar na bativiba, kɨ dar gara fo, da nan akurvaghasa otifi. Ezɨ datɨrɨghɨn, nɨ bar moghɨra nan arazir kuraba gɨn amadagha gɨfa. Nɨ bar moghɨra na gifuegha nan amamangatɨzir puvatɨzɨ, kɨ Gumazamizir Oveaghuezibar Nguibamɨn ghuzir puvatɨ.

Esekiel 33:16

An arazir aghuibar gɨntɨghtɨ, kamaghɨn kɨ an arazir kuraba gɨn amadaghtɨ an angamɨra ikiam.

Hosea 14:5

Kɨ Israelia deravɨra me damuam, mati amozim danganir mɨsɨngizim gizi. Kɨ me damutɨ, me akɨmarir aghuiba ko Lebanonɨn temer ekiabar mɨn otivam. Temer kabar biba bar nguazir averiamɨn ghuaghiri.