Maika 7:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ikiavɨra Itir God akam ikaragha ghaze: “Kɨ faragha Isipɨn ia inigh azenan izasa dɨgavir kuram gamir araziba, kɨ datɨrɨghɨn uam ada ian akagham.

Maika 7:15 ပူးပေါင်းရင်းမြစ်များ

Ua Me Ini 3:20

Kɨ uan gavgavimɨn Isipia gasɨghasɨgh, mirakelɨn igharagha garir avɨribar amuam. Bizir kabar gɨn, a ia ateghtɨ, ia mangam.

Aisaia 51:9

O Ikiavɨra Itir God, nɨ osegh dɨkafigh! Nɨ fomɨram amizɨ moghɨn, dɨkavigh uan gavgavir ekiam sara izɨ en akuragh. Nɨrara, nɨ Rahap a bɨra, ongarimɨn itir kuruzir aser dafar kam, egha nɨ bar aneghoragharɨghizɨ, a bar mɨzumzuiaribar ire.

Onger Akaba 68:22

Ekiam kamaghɨn mɨgɨa ghaze, “Kɨ Basanɨn ian apaniba inigh uamategh izam. Me ongarir konimɨn bar vɨn mar ikiam, pura bizim, kɨ ua me inigh azenan izegham.

Ua Me Ini 34:10

Ezɨ Ikiavɨra Itir God kamaghɨn Moses mɨgei, “Datɨrɨghɨn kɨ Akar Dɨkɨrɨzir Gavgavim ia Israelia ko uam anekɨrasa. Kɨ nɨn gumazamizibar damazibar dɨgavir kuram gamir arazibar amuam. Arazir kaba, kɨ Kantrin Igharazibar Gumazamizibar damazibar faragha dagh amizir puvatɨ. Kantrin igharazibar gumazamizir ia men tongɨn itiba, me arazir kɨ Ikiavɨra Itir God damuamin kabar gan, egh dɨgavir kuram damuva akongɨva atiatingam.

Aisaia 51:10

Egha nɨrara, gumazamiziba fɨrighɨrɨgh daru mangasa ongarir konim gamizɨma, a mɨsɨngizɨ tuavim oto.