Maika 7:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.

Maika 7:13 ပူးပေါင်းရင်းမြစ်များ

Jeremaia 25:11

Eghtɨ nguazir kam bar ikuvigh danganir kɨnim otogham. Eghtɨ 70plan azenibar, nan gumazamizir kaba, Babilonɨn atrivimɨn ingangarir gumazir kɨnibar ikiam.

Jeremaia 17:10

Kɨ Ikiavɨra Itir God, kɨrara, kɨ gumazamizibar navir averiaba ko men nɨghnɨziba aven men gari. Egha vaghvagha gumazamizibar araziba tuisɨgha, me amir arazaraziba bar da ikarvagha ivezim me ganɨdi.”

Maika 6:13

Kamaghɨn amizɨ, ian arazir kurar kaba bangɨn, kɨ ia gasɨghasigham.

Maika 3:12

Kamaghɨn amizɨ, ia gumazir dapaniba ko ofa gamir gumaziba ko akam inigha izir gumaziba, ia amizir osɨmtɨzir kaba bangɨn, God Jerusalem gasɨghasɨgham. Eghtɨ Jerusalemɨn biziba bar ikuvigham, egh mɨnezir pozimɨn otogham. Eghtɨ Saion nguazir kɨnimɨn mɨn ikɨtɨ, gumaziba an dagher azenibar ingaram. Eghtɨ Ikiavɨra Itir Godɨn Dɨpenim iti naghɨn mɨghsɨar kam, ruarim a batogham.

Jeremaia 32:19

Nɨ bizir aghuibar amuasa nɨghnɨsi. Nɨ gavgavim ikia, egha nɨ ingangarir ekiabagh ami. Nɨ gumazamiziba amir biziba nɨ bar adar gari. Egha nɨ vaghvagha gumazamiziba amir araziba tuisɨgha, arazir me amibar ivezimra ikarvagh me ganɨdi.

Jeremaia 21:14

Kɨ ian arazir kurar ia amiziba ikarvagh pazavɨra ia damigham. Kɨ avim damightɨ a Jerusalemɨn nguibar ekiamɨn otogham, mati avim ruarir arɨzimɨn dɨkavigha isi, egh avir kam atrivimɨn dɨpenimɨn isitɨ, Jerusalemɨn dɨpeniba uaghan bar moghɨra isigham. Kɨ Ikiavɨra Itir God, kɨ mɨkemegha gɨfa.”

Aghuzir Akaba 31:31

Bar guizbangɨra, e amizir kamɨn arazim ko ingangarir aghuir an amizim gɨnɨghnɨghɨva, ziar ekiam a danɨngam. Eghtɨ gumazamiziba bar an ziam fam.

Aghuzir Akaba 5:22

Gumazimɨn arazir kuram, ivemɨn mɨrara an suira, egha mati benimɨn mɨn a ikiagharɨki.

Aghuzir Akaba 1:31

Kamaghɨn amizɨ, ia datɨrɨghɨn uan arazir kurar ia amiba bagh ivezir bar kuram iniam, mati gumazim dagher kuram amegha puvɨram arei.

Jopɨn Akɨnafarim 4:8

Kɨ gari, gumazir arazir kurar avɨribagh amiba, gɨn osɨmtɨzir avɨriba ko dughiar kuraba me batifi. Egha mati, gumazim azenimɨn ingarigha dagher aghuim azenimɨn anekaragha dagher aghuim asi. Ezɨ gumazim dagher kuram akaragha, dagher kuram asi.

Esekiel 12:19

Egh nɨ nguazir kamɨn itir gumazamiziba bar moghɨra me mɨkɨm suam, kar Ikiavɨra Itir Godɨn Ekiamɨn akam, a Jerusalemɨn gumazamizir Israelɨn nguazimɨn itiba bagha izi. Nguazir kamɨn itir darasi, me dughiaba bar uan namakaba pazavɨra me gamua arazir kurar avɨribagh ami. Bizir kam bangɨn, apaniba izɨ men biziba bar da avigh mangegham. Kamaghɨn amizɨ, me atiatingvɨra daghebar amɨva, atiatingvɨra dɨpabar amɨ.

Esekiel 33:28

Kɨ nguazir kam damightɨ a ikuvightɨ gumazamiziba ko biziba an puvatɨgham. Egh kɨ me damightɨ, me uari fava amir ifaghatir arazim, a bar gɨvagham. Eghtɨ Israelɨn mɨghsɨaba bar ruaribagh avagh, mɨtemeghtɨ me dar aruan aghuagham.

Maika 3:4

Eghtɨ dughiatam gɨn izɨtɨ, ia akurvazim bagh Ikiavɨra Itir Godɨn arangtɨ, a ia bareghan kogham. Ia arazir kurabagh ami, kamaghɨn amizɨ, a ian azangsɨziba bareghan kogham, mati a uan guam ian modo.”

Maika 5:3

Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.

Aisaia 17:9

God Israel gasɨghasɨghamin dughiar kamɨn, men nguibar ekiar gavgaviba, bar ikuvigh pura ikiam, da mati nguazir kamɨn fomɨra ikezir darazir nguibabar mɨn ganam. Israelia fomɨra mɨsoghasa izima, me uan nguibaba ategha are, ezɨ nguibar ekiar kaba pura mɨghsɨabagh isɨn itima, ruarim ada avara.