Maika 6:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ia fofozir aghuim gifueghɨva, Ikiavɨra Itir Godɨn atiating an apengan ikiam. Ia oragh! Ikiavɨra Itir God Jerusalemɨn nguibar ekiamɨn diagha ghaze, “O nguazir kamɨn itir gumazamizir iza nguibar kamɨn uari akuviba, ia oragh!

Maika 6:9 ပူးပေါင်းရင်းမြစ်များ

Akar Mogomem 3:19

“Gumazamizir kɨ ifongeziba, kɨ men atar men arazibar kɨram. Kamagh amizɨ, ia uan araziba akɨrsɨ gavgavigh uan navibagh iragh.

Sefanaia 3:2

Me Ikiavɨra Itir Godɨn akam barazir puvatɨ, egha Ikiavɨra Itir God men araziba akɨran me aghua. Egha nɨghnɨzir gavgavim an ikian aghua, egha uarir akurvaghasa an azangsɨzir puvatɨ.

Hosea 14:9

Gumazir nɨghnɨzir aghuarim itiba, me akɨnafarir kamɨn aven tir mɨgɨrɨgɨaba, me dar fofozir aghuim iniam. Ezɨ kɨ kamaghsua, me akar kam gɨnɨghnɨgh, egh an gɨn mangam. Ikiavɨra Itir Godɨn Araziba bar dera, ezɨ gumazamizir aghuariba dar gɨn zui. Ezɨ gumazamizir arazir kurabagh amiba, me dar gɨn zuir puvatɨ. Kamaghɨn amizɨ, me asaghpora iri.

Aisaia 30:27

Ia gan! Ikiavɨra Itir God nguibar saghon itimɨn ikia dɨkavigha uan gavgavir ekiam sara izi. A bar puvɨrama atarima, avim ko avir mɨturim an anɨngagharim akakasi. A mɨgeir dughiamɨn, avir biziba bar da isiamim an akatorimɨn otifi.

Maika 3:12

Kamaghɨn amizɨ, ia gumazir dapaniba ko ofa gamir gumaziba ko akam inigha izir gumaziba, ia amizir osɨmtɨzir kaba bangɨn, God Jerusalem gasɨghasɨgham. Eghtɨ Jerusalemɨn biziba bar ikuvigham, egh mɨnezir pozimɨn otogham. Eghtɨ Saion nguazir kɨnimɨn mɨn ikɨtɨ, gumaziba an dagher azenibar ingaram. Eghtɨ Ikiavɨra Itir Godɨn Dɨpenim iti naghɨn mɨghsɨar kam, ruarim a batogham.

Amos 6:1

Egha God ghaze: Iavzika, ia Saionɨn nguibamɨn gumazamizir deravɨra itiba, ko ia Samarian nguibamɨn itir gumazamiziba, Iavzika, ia kamaghɨn nɨghnɨgha ghaze, bizitam e gasɨghasighan kogham. Iavzika! Ia Israelɨn kantrin faragha zuir gumazir dapaniba, ia ghaze, e ziar ekiaba ikia, egha kantrin igharaziba bar me gafira. Ezɨ gumazamiziba akurvazim bagha ia bagha izi. Iavzika, ia bar moghɨra ikuvigham!

Amos 2:5

Kamaghɨn amizɨ, kɨ avim isɨ Judan nguibabav kɨnightɨ, Jerusalemɨn dɨpenir gavgaviba bar isigham.”

Hosea 13:16

Samariaba bar nan akaba barazir puvatɨ, kamaghɨn amizɨ, me ivezir kuram iniam. Apaniba izɨ me mɨsoghtɨ me arɨmɨghiram. Egh borir doziba isɨ nguazimɨn me apɨstɨ, me uaghan arɨmɨghiram. Egh amizir navir adasebar naviba abɨgham.”

Jeremaia 26:18

“Fomɨra, Hesekia Judan atrivimɨn itir dughiamɨn, Moresetɨn nguibamɨn itir Godɨn akam inigha izir gumazim Maika, akam Judabav kɨra ghaze, ‘Ikiavɨra Itir Godɨn Gavgaviba Bar Itim ghaze, Jerusalemɨn biziba bar ikuvigham, egh mɨnezir pozimɨn otogham. Egh Saion nguazir kɨnimɨn mɨn ikɨtɨ, gumazamiziba an dagher azenibar ingaram. Eghtɨ Ikiavɨra Itir Godɨn Dɨpenim iti naghɨn mɨghsɨar kam, ruarim a batogham.’

Jeremaia 26:6

Egh ia nan akam batueghtɨ, kɨ Dɨpenir kam gasɨghasigham. Mati kɨ fomɨra uan dɨpenim Silon nguibamɨn a gamizɨ mokɨn. Eghtɨ nguibar igharazibar gumazamiziba gɨn uan apaniba akar kurabar me mɨkɨmsɨ, me kamaghɨn me mɨkɨmam, “Ia Jerusalemia ikuvizɨ moghɨn ia ikuvigham.” ’ ”

Aisaia 66:6

Ia nguibar ekiamɨn aven otivir dɨmdɨar ekiar munam baragh! Egh nan Dɨpenimɨn aven otivir nɨgɨnir dafar kam baragh! Kɨ Ikiavɨra Itir God, mar nan dɨmdiam ko nɨgɨnimra. Kɨ uan apanibar arazir kuraba ikarvagha ivezir kuram me danɨngasa an gun mɨgei.

Aisaia 27:10

Nguibar ekiar kam fomɨra dɨvazir bar gavgavim iti, egha datɨrɨghɨn a bar ikuvigha iti. A datɨrɨghɨn pura nguibar dadar kɨnim mɨn itima, gumazitaba uam an itir puvatɨ. Egha bulmakaubar nguibamɨn mɨn otozɨ, da iza uari akuva ikia, dadaba ko tevsevibar dafariba apava, kagh avughsa iti.

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Aisaia 9:13

Ezɨ Israelian gumazamiziba navibagh irazir puvatɨ. Ikiavɨra Itir Godɨn Gavgaviba Bar Itim, ivezir bar kuram me ganɨngi, ezɨ me uamategha a baghavɨra izir puvatɨ.

Aghuzir Akaba 22:3

Gumazir nɨghnɨzir aghuim itim, a gara fo, osɨmtɨzim a bativasava amima, a uabɨ modogha a gita. Ezɨ gumazir nɨghnɨziba puvatɨzim, an osɨmtɨzimɨn garima an an tuavimɨn itima, a ghua a batogha, osɨmtɨzim ateri.

Onger Akaba 107:43

Eghtɨ ia gumazamizir nɨghnɨzir aghuiba itiba, ia deraghvɨra bizir kabagh bar dagh nɨghnɨgh. Egh kamagh akam akarigh suam, Ikiavɨra Itir God bar en apangkuvigha ikia mamaghɨra iti.

Onger Akaba 83:18

Nɨ kamagh damightɨ me guizbangɨra ganigh fogh suam, “Nɨ bar uabɨra nɨn ziam, Ikiavɨra Itir God. Nɨrara Godɨn Bar Pɨn Itim, egha nguazir oteviba bar dagh ativagha dar gari.”

Onger Akaba 48:10

Nguazir kamɨn gumazamiziba bar fo, nɨ ziar ekiam iti. Egha me bar nɨn ziam pɨrafi. Nɨ arazir aghuim gamua gumazamiziba me gativagha men gari.

Onger Akaba 9:16

Ikiavɨra Itir God, guizɨn arazimɨn gumazamiziba tuisɨzir dughiamɨn, a uan arazir aghuim akakasi. Gumazamizir kuraba, igharaz darazigh asɨghasɨghasa amir biziba meraram asɨghasɨsi. (Nɨ akar kam gɨnɨghnɨgh kuarimɨn aven bar aghumra ighiam damu.) (Ighiam gamua an suiam atugha avughsegha ua ighiam gami.)

Jopɨn Akɨnafarim 10:2

Kɨ kamaghɨn Godɨn mɨkɨmam, nɨ pura kotɨn na tuisɨghan markɨ. Nɨ nan atarɨva, nan osɨmtɨzimɨn gurara na mɨkɨmasa kɨ ifonge.

Jopɨn Akɨnafarim 5:17

“Nɨ oragh. Godɨn Gavgaviba Bar Itim, gumazitamɨn arazim akɨrmɨghtɨ, gumazir kam, a bar akongegham. Kamaghɨn amizɨ, God ti nɨ akɨrmɨghasava ami, ezɨ nɨ an aghuzir akaba baragh egh akɨrim ragh a gasan markɨ.

2 Samuel 21:1

Devit atrivimɨn itir dughiamɨn, mɨtiriar ekiam oto, ezɨ 3plan azenibar dagheba bar puvatɨ. Ezɨ Devit bizir kamɨn mɨngarim bagha Ikiavɨra Itir Godɨn azai. Ezɨ Ikiavɨra Itir God a mɨgɨa ghaze, “Bizir kamɨn mɨngarim kamaghɨn ghu. Atrivim Sol Gibeonia mɨsoghezɨ me ariaghire, ezɨ bizir kam bangɨn, osɨmtɨzim Solɨn ovavir boribar ikiavɨra iti.”

Jeremaia 47:7

Ezɨ kɨ Ikiavɨra Itir God, kɨ ingangarir kam isa uan mɨdorozir sabam ganɨngi. Kɨ Askelonia ko ongarir dadarimɨn itir gumazamizir igharaziba sara mɨsoghasa mɨdorozir sabar kam amada. Kamaghɨn, a nɨmɨra ikɨ avughsan kogham.”

Maika 6:8

Ia nguazir kamɨn itir gumazamiziba, Ikiavɨra Itir God arazir aghuibar ia mɨkemegha gɨfa, eghtɨ ia arazir aghuir a ifongezir kabara dar amu: Ia guizɨn arazibara damuam, egh igharaz darazir apangkuvir arazim gifongegh, egh ia uari abɨn uan Godɨn apengan ikɨ, anarɨra gɨn mangam.

Maika 6:10

Ia gumazir arazir kurabagh amiba, ia bizir aghuiba uan dɨpenibar aven da mongezɨ da ikiavɨra iti, ezɨ bizir ia itir kaba, kar ia arazir kuram gamua inizir biziba. Ia uan biziba gumazir igharaziba bagha da amadir dughiam, ia ifara deragha dar osɨmtɨziba tuisɨgha dar ivezibar abarir puvatɨ. Kɨ arazir kurar kam bar an aghua.

Jopɨn Akɨnafarim 23:14

Kamaghɨn amizɨ, bizir a na damuasa nɨghnɨzir manaba, an adar amuam. A nɨghnɨzir avɨriba iti, ezɨ e dagh fozir puvatɨ.

Esekiel 7:9

Kɨ ian gan egh ian kuarkuvighan kogham. Ia arazir kurar kɨ ifongezir puvatɨzir avɨribagh ami. Arazir kaba bangɨn, kɨ ivezir kuram isɨ ia danɨngam. Eghtɨ ia bizir kamɨn ganigh, fogh suam, kɨ Ikiavɨra Itir God, kɨ bizir kurar kaba amada.