Maika 6:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ikiavɨra Itir God kamaghɨn mɨgei, “O nan gumazamiziba, kɨ arazir kurar manamra ia gami? Kɨ ian azai, kɨ bizir tizim gamigha osɨmtɨzim ia ganɨngi? Ia na mɨkɨm!

Maika 6:3 ပူးပေါင်းရင်းမြစ်များ

Jeremaia 2:5

Ikiavɨra Itir God kamaghɨn mɨgɨa ghaze: “Ian inazir afeziaba arazir kurar manamɨn gari, kɨ a gamizɨ, me na ategha bar nan saghon ghue? Egha marvir guar kɨnibar ziaba fema, da tong men akurvazir puvatɨ.

Onger Akaba 81:13

Kɨ kamaghsua, nan gumazamiziba Israelia nan akaba baragh nan arazibar gɨn mangam.

Jeremaia 2:31

Ia Israelian datɨrɨghɨn iti darasi, kɨ Ikiavɨra Itir God, kɨ ia mɨkɨmasa. Ia deraghvɨra kuariba arigh, nan akam baragh. Ia ti ghaze, kɨ bizir kuram, egha mati danganir dakɨghtɨzim? Kɨ mati danganir bar mɨtatem, a? Bar puvatɨ. Egha manmaghsua ia nan gumazamiziba ghaze, Datɨrɨghɨn e uari uan ifongiabar gɨn mangɨ tintinibar daruam. E ua nɨ bagh izan kogham.

Onger Akaba 50:7

God ghaze, “Nan gumazamiziba, ia oraghtɨ kɨ mɨkɨmam. Ia Israelia, kɨ kotɨn aven tugh ia gasir akamɨn gun mɨkɨmam. Kɨ uabɨra God, kɨ guizbangɨra ian God.

Akɨnafarir Pol Romɨn Nguibar Ekiamɨn Itir Sios Bagha Osirizim 3:19

E fo, God kamaghɨn ifonge, an kotɨn dughiamɨn Judaba ko Kantrin Igharazibar Gumazamiziba sara, me Godɨn arazir gumazamiziba tuisɨzim riagh mɨgɨrɨgɨatam damighan kogham. Kamaghɨn God, Moses Osirizir Araziba isa, Judabagh anɨngi. Eghtɨ me dar gɨn mangɨ dar apengan ikiam.

Maika 6:5

O nan gumazamiziba, ia Moapian Atrivim Balak faragha ia gamizir arazir kuram gɨnɨghnɨgh. Beorɨn otarim Balam, ia Balak mɨkemezir akam gɨnɨghnɨgh. Egha ia Sitimɨn nguibam ategha ghua Gilgalɨn zuir dughiamɨn, kɨ amizir bizir ekiabagh nɨghnɨgh. Ia bizir kabagh nɨghnɨgh fogh suam, kɨ ian akurvaghasava bizir aghuibagh ami.”

Onger Akaba 81:8

“Nan gumazamiziba, kɨ Akar Gavgavim ia mɨkɨm ia akɨrasa. O Israelia, ia deraghvɨra nan akam baragh.

Onger Akaba 51:4

Kɨ bar nɨrara, nɨn damazimɨn arazir kuram gami. Nɨ uan arazir aghuimɨn gɨn ghua na isa kot gatɨgha, nan arazir kuraba bagha ivezir kuram na ganɨngi.

Aisaia 5:4

Kɨ fo, wainɨn azenim deraghvɨra bɨva ovɨzir aghuiba ikiasa, kɨ ingangarir aghuim gami. Ezɨ manmaghɨn amizɨ wainɨn ovɨziba bar suvigha akam mɨsosi? Bizir kɨ ua damuamin tam ti iti, ezɨ kɨ a gamizir puvatɨ?