Maika 6:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

Maika 6:2 ပူးပေါင်းရင်းမြစ်များ

Hosea 12:2

Ikiavɨra Itir God Judaba tuisɨghamin mɨgɨrɨgɨam iti. Egh a Israelia amizir arazir kuram ikarvagh ivezir kuram me danɨngam.

Hosea 4:1

Kantrin kamɨn itir gumazamiziba, Ikiavɨra Itir God mati kotɨn aven kamaghɨn mɨgɨrɨgɨam me gasi: “O Israelia, ia Ikiavɨra Itir Godɨn akam baragh! A kamaghɨn ia mɨgei, ‘Kantrin kamɨn gumazamiziba guizɨn arazibar gɨn zuir puvatɨ. Egha gumazamizir igharazibagh ifongezir puvatɨ. Me kamaghɨn nɨghnɨzir puvatɨ, kɨ men God.

Aisaia 1:18

“Ia oragh. Kɨ Ikiavɨra Itir God, kɨ ia mɨgɨa ghaze, Ia izɨ, e uari akuvagh deraghvɨra nɨghnɨgh akam akɨrigham. Kɨ garima, ia arazir kurar avɨriba iti, egha ia mati nir ghurghurim, me nguazir aghevim a gasɨghasigha gɨvazɨ moghɨn iti. Eghtɨ kɨ ia zuegh ia damutɨ, ia ua buruvir ovɨzimɨn mɨn bar ghurghurigham. Guizbangɨra, ian arazir kuraba, mati ter ovɨzir aghevir ighiabagh amimɨn mɨn gari. Eghtɨ kɨ ian arazir kuraba gɨn amadaghtɨ, ia arinir ghurghurimɨn mɨn bar ghurghurigham.

Onger Akaba 104:5

Nɨ fomɨra nguazir kam atɨzɨ, a bar deraghavɨrama aperagha gavgafi. Egha bar mozorozir puvatɨ.

2 Samuel 22:16

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba, bar azenim gire.

Godɨn Araziba 32:22

Eghtɨ nan anɨngagharim dughiar kamɨn avimɨn mɨn isiva, nguazir kamɨn itir biziba bar adar isigham. Egh avim Gumazamizir Oveaghuezibar Nguibamɨn bar nguazimɨn apengan magɨrɨgh, dagɨar bar ekiar mɨghsɨaba dagh isɨn apiaghav itibar isigham.

Jeremaia 31:37

Kɨ Ikiavɨra Itir God, kɨ ghaze, Gumazitam ti overiamɨn danganibar ababaniba bar da inigh, egh gumazir kam ti nguazimɨn dɨkɨnimɨn magɨrɨgh, nguazimɨn oteviba bar dar ganigh deraghvɨra dagh foghtɨ, eghtɨ dughiar kamra kɨ Israelian gumazamiziba akɨrim ragh bar me gasaraghɨva, men arazir kurar me amiziba ikarvagham. Kɨ Ikiavɨra Itir God, kɨ mɨkemegha gɨfa.”

Jeremaia 25:31

An dɨmdɨar kamɨn nɨgɨnim, bar nguazim avaragham. Ezɨ dɨmdɨar kamɨn mɨngarim kamakɨn. Ikiavɨra Itir God nguazir kamɨn gumazamiziba bar me tuisɨgham. A kantriba bar dar gumazamiziba isi kot darɨgham. Egh ana apaniba ameghtɨ me mangɨva, gumazamizir arazir kurabagh amibav soghtɨ, me arɨmɨghiram. Ikiavɨra Itir God, a kamaghɨn mɨkeme.

Jeremaia 2:9

Ikiavɨra Itir God, kamaghɨn mɨgɨa ghaze: “Ia amizir arazir kurar kaba bagh, kɨ ia isɨ kot datɨgham. Egh kɨ uaghan ian boriba, ko ian ovavir borir gɨn otivamiba, kɨ me isɨ kot datɨgh me tuisɨgham.

Aisaia 43:26

Ia ti ghaze, ia arazir kurar tabagh amizir puvatɨ. Egh ia kotɨn aven deraghvɨra mɨkɨm uan nɨghnɨziba azenim darigh oteviba akakagham, eghtɨ e nɨghnɨzir vamɨra damu akam akɨr mɨkɨm suam, ian nɨghnɨziba ti dera.

Aisaia 5:3

Ezɨ nan namakam kamaghɨn mɨgɨa ghaze: “Ia Judan kantrin itir gumazamiziba ko Jerusalemia, ia datɨrɨghɨn na ko nan wainɨn azenim tuisɨgh ga mɨkɨm, Tina osɨmtɨzim iti? Nan osɨmtɨzim, o nan wainɨn azenimɨn osɨmtɨzim?

Aghuzir Akaba 8:29

Ezɨ an Akar Gavgavimɨn ongarim mɨgɨa ghaze, Ongarim, nɨ izɨvagh mangɨ mɨtaghniar kɨ atɨzimɨn tugh, egh an ikiavkɨnan markɨ. Kɨ itima, God nguazim ikiamin danganimɨn abara.

2 Samuel 22:8

Kamaghɨn amizɨ, a nan apanibar atari. Egha mɨkɨmkɨzim gamizɨ an otogha, overiabagh inobaghnobasi.

Godɨn Araziba 4:26

Ia oragh, kɨ datɨrɨghɨn overiam ko nguazimɨn diazɨ, aning orazi kɨ akar gavgavir kamɨn ia mɨgei. Ia Godɨn akam batogh egh deravɨra uari bagh gan. God bar zuamɨra nguazir kamɨn ia batuegham. Ia Jordanɨn Fanemɨn vongɨn nguazir ia datɨrɨghɨn iniamin kam, ia dughiar ruarimɨn an ikeghan kogham. Puvatɨgham. Ia bar moghɨrama arɨmɨghiregham.

Aisaia 3:13

Ezɨ Ikiavɨra Itir God gumazamiziba bar men kotiaba baragha, me tuisɨghasav ami.

Maika 6:1

Ia oragh! Ikiavɨra Itir God Israelia isa kot gatɨ. O Israelia, ia dɨkavigh izɨ kotiamɨn, ia uan osɨmtɨzimɨn gun mɨkɨm. Eghtɨ mɨghsɨaba jasɨn mɨn ikɨ, ia baragh ian akaba tuisɨgham.

Hosea 12:3

Men inazir afeziam, Jekop, a uan aveghbuam ko, aning uan amebamɨn navir averiamɨn ikia, uaning mɨsosi. Gɨn Jekop ekevegha gɨvagha God ko mɨsosi.