Maika 6:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Kɨ garima, ian gumazir maba igharaz darazigh ifara men bizir amadiba, deragha dar osɨmtɨzibar iveziba me ganɨdi puvatɨ. Kɨ men arazir kuraba gɨn amadir puvatɨ. Kɨ aghua.

Maika 6:11 ပူးပေါင်းရင်းမြစ်များ

Hosea 12:7

Ikiavɨra Itir God kamaghɨn mɨgei: “Efraimia, Kenanian gumazir dagɨaba bagha ingaribar mɨn dagɨar ingangaribagh amua, egha arazir aghuim sara dagh amir puvatɨ. Me gumazir iza men bizibagh ivezibagh ifarasa bar ifonge. Me amadir biziba, me guizɨn ivezibar mɨrara da amadir puvatɨ.

Ofa Gami 19:36

Puvatɨ. Ia deraghvɨra dar abanɨva da tuisɨgh, egh deraghvɨra biziba meng. Kɨ Ikiavɨra Itir God, ian God, kɨ Isipɨn kantrin ia inigha ian akua azenan ize.

Aghuzir Akaba 16:11

Gumazamiziba biziba tuisɨghasa bizibar abaraghtɨ, da mangɨ mɨtemra tugham, eghtɨ Ikiavɨra Itir God men arazim gifuegham. Biziba tuisɨghamin arazim, kar Godɨn bizimra. A gan fogh suam, e gumazamizibagh ifaragham ti, puvatɨgham.

Godɨn Araziba 25:13

“Gumazamiziba uan bizibagh ivesɨ, ia bagh izɨtɨ, ia dar osɨmtɨzim abɨragh ifar dar dɨbobonim otevegh me danɨngan markɨ.

Aghuzir Akaba 11:1

Gumazir biziba amadiba, ko gumazir bizibagh iveziba, me gumazamizibagh ifara pura biziba me dama da isima, Ikiavɨra Itir God men arazir kam bar an aghua. Egha a gumazir biziba deraghavɨra da amaga egha dagh iveziba, a bar me gakonge.

Esekiel 45:10

Ia bar guizɨn arazimɨn gɨntɨgh, bizibar osɨmtɨziba ko ababanibar amu.

Amos 8:5

Ia kamaghɨn uariv gɨa ghaze, Godɨn ziam fer isar ekiar kaba zuamɨra gɨvaghtɨ, e uan daghetaba inigh mangɨ dagɨaba bagh da amangam. Dughiar manamra Sabat gɨvagham? Eghtɨ e uan dagheba inigh da amadir danganimɨn mangɨ dar iveziba pɨn dar arigham. Egh ababanir ifavaribar amu, egh skel guva me gifartɨ, me bizir kabagh ivezam.

Sekaraia 5:8

Ezɨ ensel ghaze, “Amizir kam, an arazir kuraba bar dar nedazimɨn mɨn iti.” A mɨkemegha gɨvagha uam amizim abɨragha, akɨramɨn asuam dukua.

Aghuzir Akaba 20:10

Gumazamiziba bizibagh ivezasa ifongezɨ, gumazamizir biziba amadiba me paza biziba amagava, me gifari, ezɨ arazir kam, Ikiavɨra Itir God bar an aghua.