Maika 6:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia oragh! Ikiavɨra Itir God Israelia isa kot gatɨ. O Israelia, ia dɨkavigh izɨ kotiamɨn, ia uan osɨmtɨzimɨn gun mɨkɨm. Eghtɨ mɨghsɨaba jasɨn mɨn ikɨ, ia baragh ian akaba tuisɨgham.

Maika 6:1 ပူးပေါင်းရင်းမြစ်များ

Jeremaia 22:29

O Israelian nguazim, Israelian nguazim, Israelian nguazim, nɨ Ikiavɨra Itir Godɨn akam baragh!”

Godɨn Araziba 32:1

“O overiam ko nguazim, gua deragh uan kuarimning atɨgh nan akaba baraghtɨ, kɨ mɨkɨmam.

Maika 1:2

Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Esekiel 36:1

Ikiavɨra Itir God kamaghɨn na mɨgei: O nguazir kamɨn gumazim, nɨ Israelɨn mɨghsɨaba kamaghɨn me mɨkɨm: “O Israelian mɨghsɨaba, ia Ikiavɨra Itir Godɨn mɨgɨrɨgɨam baragh.

Onger Akaba 50:4

An overiam ko nguazimɨn diazɨ, aning izɨ uaghan ikɨ gantɨ, a guizɨn arazimɨn gɨn mangɨ uan gumazamizibar araziba tuisɨgham.

Godɨn Araziba 4:26

Ia oragh, kɨ datɨrɨghɨn overiam ko nguazimɨn diazɨ, aning orazi kɨ akar gavgavir kamɨn ia mɨgei. Ia Godɨn akam batogh egh deravɨra uari bagh gan. God bar zuamɨra nguazir kamɨn ia batuegham. Ia Jordanɨn Fanemɨn vongɨn nguazir ia datɨrɨghɨn iniamin kam, ia dughiar ruarimɨn an ikeghan kogham. Puvatɨgham. Ia bar moghɨrama arɨmɨghiregham.

Esekiel 36:8

“Eghtɨ Israelɨn mɨghsɨaba, ia gisɨn temeba ua murɨva Israelɨn ikɨzim bagh uam ovɨziba ituam. Me bar kɨran oveghangɨn uamategh uan nguibabar izam.

Aisaia 1:2

Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.

Luk Osirizir Akar Aghuim 19:40

Ezɨ a kamaghɨn me mɨgei, “Kɨ ia mɨgei, me nɨmɨra ikɨtɨ dagɨaba uari araghasam!”

Onger Akaba 50:1

Godɨn Bar Gavgaviba Itim, a en Ikiavɨra Itir God. An aruem anadi naghɨn ikegha ghua aruem uaghiri naghɨn itir gumazamiziba bar men dei.

Maika 1:4

Eghtɨ mɨghsɨaba an suemningɨn apengan dɨpabar mɨn otivigham, mati kendel isia amera izaghira dɨpamɨn mɨn emɨri. Mɨghsɨar kaba, irɨ danganir zaribar otivigham, eghtɨ dagɨaba poghpogh izighirɨ, mati dɨpam mɨghsɨabar ikegha ivemara izaghiri.

Esekiel 37:4

Ezɨ a kamaghɨn na mɨgei, “Nɨ nan akar kam agharir kabav kɨm suam: Ia agharir mɨdiariba, kɨ Ikiavɨra Itir God, ia nan akam baragh.

Jeremaia 13:15

Ia Judaba, Ikiavɨra Itir God, ia mɨkemegha gɨfa. Kamaghɨn amizɨ, ia deraghvɨra kuaribar arigh nan akam baragh. Egh ia ifaghatɨ uari fan markɨ.

Amos 3:1

O Israelɨn gumazamiziba, ia oragh! Ikiavɨra Itir God Isipɨn kantrin aven ia inigha azenan ize, ia bar moghɨra deragh an akar a ia gasim baragh.

1 Samuel 15:16

Ezɨ Samuel kamaghɨn a mɨgei, “Nɨ asugh nɨmɨra ikɨ. Kɨ bizir Ikiavɨra Itir God dɨmangan na mɨkemezimɨn gun nɨ mɨkɨmam.” Ezɨ Sol ghaze, “A dera, nɨ na mɨkɨm.”

1 Samuel 12:7

Kamaghɨn amizɨ, ia deragh kuariba arigh oragh, kɨ kamaghɨn ia geghanasa, dughiar avɨriba Ikiavɨra Itir God ingangarir aghuibagh amua ia ko, ian inazir afeziabar akurvaki.

Maika 5:15

Kɨ arazir kam bagha nan navim bar osemegha atari. Egh kantribar gumazamizir nan akaba batozir arazir kam, kɨ a ikarvagham.”

Maika 6:2

Eghtɨ ia mɨghsɨaba ko, dagɨar bar gavgavir nguazimɨn apengan ikia, an suirazɨ a gavgavigha ikia mamaghɨra itiba, ia Ikiavɨra Itir Godɨn kotiam baragh. Eghtɨ Ikiavɨra Itir God, kotɨn aven uan gumazamiziba ko uari adoghodoghɨva, egh an akam me gasam.

Aisaia 3:13

Ezɨ Ikiavɨra Itir God gumazamiziba bar men kotiaba baragha, me tuisɨghasav ami.

Esekiel 6:3

egh suam, Ia Israelɨn kantrin mɨghsɨaba ia Ikiavɨra Itir Godɨn Ekiamɨn akam baragh. Ikiavɨra Itir Godɨn Ekiam, uan akam isa ia mɨghsɨar ekiaba ko mɨghsɨar doziba, ko daghurir ekiaba, ko danganir zariba, ia ganɨdi! A ghaze: Kɨ apanibar amamangatɨghtɨ me izɨ, gumazamiziba asebar ziaba fer danganir pɨn itiba bar dagh asɨghasigham.