Maika 5:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Eghtɨ tuavir kamɨn Israelia uan apaniba abɨnigh bar me agɨvagham.

Maika 5:9 ပူးပေါင်းရင်းမြစ်များ

Aisaia 26:11

O Ikiavɨra Itir God, nɨ gumazamizir kurabagh asɨghasɨghasa uan agharim ghufegha gɨfa. Ezɨ me an ganizir puvatɨ. Egh nɨ me ateghtɨ, me an gan fogh suam, nɨ uan gumazamizibar akurvaghasa bar ifonge. Eghtɨ gumazir kurar kaba bar aghumsigham. Eghtɨ nɨ uan apaniba bagha atɨzir avir kam, bar me dapongtɨ me isigh.

Onger Akaba 21:8

Nɨ uan agharimɨn uan apanibar suigham. Nɨ uan agharir guvimɨn, nɨ gifongezir puvatɨzir darazir suigham.

Aisaia 11:14

Aning uaning inigh mangɨ aruem uaghiri naghɨn itir Filistiaba ko mɨsogham. Egh aning mɨsoghɨva aruem anadi naghɨn itir gumazamizibar bizir aghuiba iniam. Aning kantri Idom ko Moap ko, Amonɨn gumazamiziba dɨkabɨragh, kantrin kaba gativaghtɨ, me men apengan ikiam.

Onger Akaba 10:12

O Ikiavɨra Itir God, nɨ dɨkavigh izɨ! Egh gumazir kurar kaba ivezir kuram isɨ me danɨngigh! Nɨ osɨmtɨziba aterir gumazamiziba, me bakɨnɨghnɨghan markɨ!

1 Korin 15:25

E fo, Krais atrivimɨn ikɨvɨra ikɨ, mangɨtɨ, God an apaniba bar me dɨkabɨragh me isɨ an suemningɨn apengan me arɨghamin dughiamɨn tugham.

Luk Osirizir Akar Aghuim 19:27

Nan apaniba, kɨ men atrivimɨn ikian me aghua, ia me inigh kagh izɨva, nan damazimɨn me mɨsueghtɨ me arɨmɨghiregh.’ ”

Aisaia 37:36

Egha dɨmagarir kamra, Ikiavɨra Itir Godɨn enselɨn mam dɨkavigha ghua, Asiriabar mɨdorozir gumaziba itir danganimɨn, men 185,000plan mɨdorozir gumazibav soghezɨ, me ariaghire. Ezɨ amɨnim tirazɨ bar mɨzaraghara, gumazamiziba dɨkavigha mɨdorozir gumazir kabar kuabar gari.

Aisaia 33:10

Ikiavɨra Itir God kamaghɨn mɨgei, “Kɨ datɨrɨghɨn dɨkavigh ingangarim damuam, eghtɨ gumazamiziba ganigh nan ziar ekiam fam.

Aisaia 1:25

O Jerusalem, kɨ ingangarir gavgavim foregha, nɨn arazir kuram akɨrmɨgham, mati gumaziba silvan itir mɨneziba amɨsɨvasa da tue moghɨn, kɨ bar avir pamtemɨn isimɨn nɨ tuam. Kamaghɨra, kɨ ian arazir mɨzɨrɨziba adangasa.

Onger Akaba 106:26

Kamaghɨn amizɨ, God akar dɨkɨrɨzim me danɨngasa, uan ziam dɨbora ghaze, bar guizbangɨra, a me damutɨ, me gumazamiziba puvatɨzir danganimɨn ikɨva arɨmɨghiram.

Hagai 2:22

Kɨ kantrin igharaziba ko, atrivibar gavgaviba agɨvagham, egh karisba ighɨrarightɨ, dar karisbar suizir gumaziba da sara daighiregham. Eghtɨ hoziaba arɨmɨghireghtɨ, men mɨdorozir gumaziba dɨkavigh kaghɨra uan roroabav sogh bar me agevegham.

Sekaraia 9:10

Ikiavɨra Itir God ghaze, Kɨ karisba ko, mɨdorozibagh amir hoziaba batueghtɨ, da ua Israelɨn tongɨn ikian kogham. Egh kɨ men bariba bar da apɨrarigham. Ian atrivim, kantrin ekiaba bar dar amightɨ, da mɨdorozir arazim ategh deraghvɨra dapiagh, navir amɨrizimɨn ikiam. A nguazir otevibar gumazamiziba bar me gativagh men ganam. Nguazir kaba, da ongarir ekiamɨn ikegh mangɨ ongarir saghon mar itibar tugham. Egh Yufretisɨn Faner ekiamɨn ikegh vongɨn amadaghan mangɨ bar saghon mar tugham.