Maika 5:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Eghtɨ a navir amɨrizim ko, dabirabir aghuim isɨ uan gumazamizibar anɨngam. Eghtɨ Asirian mɨdorozir gumaziba izɨ, en nguibar ekiar gavgavibar dɨvaziba akartɨ, e uan mɨdorozir gumazir faragha zuir gavgaviba amɨseveghtɨ, me mangɨ me ko mɨsogham.

Maika 5:5 ပူးပေါင်းရင်းမြစ်များ

Luk Osirizir Akar Aghuim 2:14

“Ia Bizibar Pɨn Itir Godɨn ziam fɨ. Eghtɨ nguazimɨn itir gumazamizir God ifongeziba, me navir amɨrizimɨn ikɨ.”

Sekaraia 10:3

Ezɨ Ikiavɨra Itir God kamaghɨn mɨgei, “Kantrin Igharazibar Gumazamizibar gumazir dapanir nan gumazamiziba gativaziba, nan navim men atara me bagha nan isi. Kɨ ivezir kuram me danɨngam. Judan gumazamiziba, me nan gumazamizibara. Kɨ Ikiavɨra Itir Godɨn Gavgaviba Bar Itim, kɨ deraghvɨra men ganam, mati sipsipbagh eghuvir gumazim uan sipsipbar gari. Egh kɨ Judan anababa bar dar amutɨ, me mɨdorozir hoziar bar gavgavimɨn mɨn ikiam.

Jon Osirizir Akar Aghuim 14:27

“Kɨ ia ataghɨraghasa, egha kɨ navir amɨrizim ia ganɨdi. Ezɨ nan navir amɨrizir kɨ ia ganɨdim, a nguazimɨn gumazamiziba anɨdi moghɨn puvatɨ. Kamaghɨn amizɨma, ia nɨghnɨzir avɨribar amuva egh osɨman markɨ, egh atiatingan markɨ.

Sekaraia 9:10

Ikiavɨra Itir God ghaze, Kɨ karisba ko, mɨdorozibagh amir hoziaba batueghtɨ, da ua Israelɨn tongɨn ikian kogham. Egh kɨ men bariba bar da apɨrarigham. Ian atrivim, kantrin ekiaba bar dar amightɨ, da mɨdorozir arazim ategh deraghvɨra dapiagh, navir amɨrizimɨn ikiam. A nguazir otevibar gumazamiziba bar me gativagh men ganam. Nguazir kaba, da ongarir ekiamɨn ikegh mangɨ ongarir saghon mar itibar tugham. Egh Yufretisɨn Faner ekiamɨn ikegh vongɨn amadaghan mangɨ bar saghon mar tugham.

Fofozir Gumazim 11:2

Nɨ fozir pu, dughiar kurar manam nguazir kamɨn otivam. Kamaghɨn, nɨ uan dagɨaba isɨ 7pla o 8plan dagɨar ingangaribar arɨkigh.

Jopɨn Akɨnafarim 5:19

Dughiar bar avɨriba, a nɨn gantɨ, nɨ osɨmtɨzimɨn aven ikɨtɨ, a nɨn akuragham. Eghtɨ bizir kuratam nɨ gasɨghasighan kogham.

Akar Mogomem 19:14

Ezɨ Godɨn Nguibamɨn mɨdorozir gumaziba korotiar ghurghurir aghuiba aghuigha hoziar ghurghuribagh apiagha an gɨn zui.

Akar Mogomem 17:14

Egh me Sipsipɨn Nguzim ko mɨsogham, eghtɨ Sipsipɨn Nguzim me gasɨghasɨgh me abɨragham. Gumazamizir Sipsipɨn Nguzim ko itiba, God me amɨsevegha, men diazɨma me guizɨn akamɨn gɨn ghua tuivigha gavgavigha mɨdorozir kam gami. Sipsipɨn Nguzim, a guizbangɨra Gumazamizir Ekiabar Gumazir Ekiam ko Atrivibar Atrivir Ekiam. Kamaghɨn amizɨ, a me abɨragham.”

Jon Osirizir Akar Aghuim 16:33

Ia nan poroghɨv ikɨva egh ia navir amɨrizim ikiasa kɨ ifonge. Kamaghsua kɨ akar kam ia mɨkeme. Eghtɨ ia nguazir kamɨn ikɨtɨ, osɨmtɨziba ia bativam. Eghtɨ ian naviba gavgavigh ikɨ! Kɨ nguazir kamɨn gavgavim dɨkabɨragha anegɨfa!”

Sekaraia 12:6

“Dughiar kamɨn kɨ Judan gumazir dapanibar amightɨ, me mati tuzim dafogha isi moghɨn, o mati witɨn azenir bar mɨsɨngizim dafogha isia mɨzariaba zui. Eghtɨ kantrin men boroghɨn itiba da bar gɨvagham. Eghtɨ Jerusalemɨn nguibar ekiamra, a itir danganimra ikɨvɨra ikiam.

Sekaraia 9:13

Judaba, kɨ uan barir pimɨn mɨn men suiragh, egh Efraimɨn adarasi, kɨ uan barir afuzibar mɨn men suiragham. Eghtɨ Saionɨn gumaziba me mati mɨdorozir sabam, eghtɨ kɨ Grikba ko mɨsogham.

Amos 1:6

“Ia oragh! Ikiavɨra Itir God Akar Gavgavir kam ia ganɨga ghaze, Filistian kantrin aven itir nguibar ekiam Gasa, an gumazamiziba arazir kurabagh amua ghuavɨra iti. Me ikɨzir mabar gumazamiziba inigha ghua Idomɨn kantrin kalabusɨn mɨn me atɨ. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Amos 1:3

Amos kamaghɨn mɨgei: “Ia oragh! Ikiavɨra Itir God Akar Gavgavir kam ia ganɨga ghaze, Sirian kantrin aven itir nguibar ekiam Damaskus, an gumazamiziba arazir kurabagh amua ghuavɨra iti. Me Gileatɨn Distrighɨn itir gumazamiziba bar me dɨkabɨragha me abɨni. Kamaghɨn amizɨ, nan anɨngagharim guizbangɨra me bagha bar ekefe, ezɨ kɨ ivezir kuram me danɨngam.

Jeremaia 33:15

Kɨ dughiar kamɨn, Devitɨn adarazir aven gumazir bar aghuitam a damightɨ an otogham, mati Temer Ghuzir Igiam temer aguamɨn otogham. Gumazir kam atrivimɨn ikɨ arazir aghuimɨn gɨn mangɨ, guizɨn arazimɨn nguazir kamɨn itir gumazamizibagh ativagh men ganam.

Aisaia 65:8

Egha Ikiavɨra Itir God kamaghɨn mɨgei, “Gumazitam wainɨn ikarɨzir ovɨzir kurar avɨriba itiba makunsɨ damutɨ, gumazir igharazim suam, ‘Nɨ tong orarkegh. Kɨ wainɨn ovɨzir aghuir mabar garima, da an iti. E da inigh wainɨn aghui tabar amigh, dar amɨ bar akongegham.’ Kamaghɨra, kɨ Ikiavɨra Itir God, kɨ fo, Israelia nan ingangarir gumazamiziba, ezɨ kɨ me baghavɨra ikia, bar moghɨra me gasɨghasɨghan kogham.

Aisaia 59:19

Ikiavɨra Itir God puv ingara, mati amɨnim iza dɨpam giverazɨ, dɨpam bar puvɨra ivemari moghɨn, Ikiavɨra Itir God izam. Eghtɨ nguazir kamɨn ruaghateviba bar dar itir gumazamiziba, aruem anadi naghɨn tugha ghua aruem uaghiri naghɨn, me Ikiavɨra Itir Godɨn ziar ekiam ko gavgavim gɨfogh, an ziamɨn atiating an apengan ikiam.

Aisaia 44:28

Kɨ ghaze, kɨrara atrivimɨn ikiasa Sairus amɨsefe. Eghtɨ a nan gumazamiziba deraghvɨra men ganam, mati sipsipbagh eghuvir gumazim uan sipsipba deravɨra me geghufi. Eghtɨ a ingangarir kɨ ifongezibar amuam. A mɨkɨmtɨ, me Jerusalem uam an ingarɨva, nan Dɨpenim uam anesam.”

Aisaia 7:14

Kamaghɨn, Ekiam uabɨ ababanir tam nɨn akagham. Ababanir kam kamakɨn. Amizir gumazitam ko akuizir puvatɨzim navim asegh, otaritam bategham. Eghtɨ me ziar kam Emanuel a darɨgham.”

Aghuzir Akaba 30:29

Ezɨ 4plan biziba bar ganganir aghuim gamuava arui:

Aghuzir Akaba 30:18

Kar, 4plan bizir bar igharagha gariba, kɨ adagh fozir puvatɨ:

Onger Akaba 72:7

A ikɨvɨra ikiamin dughiar kam, gumazamiziba arazir aghuimra gɨn mangam. Iakɨnim isiraghavɨra itir dughiamɨn, dabirabir aghuim otiv mangɨvɨra ikiam.

Aghuzir Akaba 6:16

Ikiavɨra Itir God 7plan arazir kurar kabar amuan anogoregha bar dar aghua:

Aisaia 14:25

Asiriaba nan nguazimɨn iza, nan gumazamizibagh amizɨ, me osɨmtɨzir bar ekiam ateri. Asiriaba pamtemɨn Israelia abɨrima, me puvɨra ingari, mati bulmakaun mam, gumazim ter ararim an tuem gatɨgha, anebɨrima, a ingari. Eghtɨ Asiriaba, Israelian nguazir mɨghsɨabar ikɨvɨra ikɨtɨ, kɨ me dɨkabɨn bar me rɨghɨrigham. Egh osɨmtɨzir ekiar Israelia aterir kam, kɨ bar anegɨvagham.”

Sekaraia 10:11

Kɨ me inightɨ me uamategh uan nguibamɨn izam, eghtɨ Isipia ko, Asiriaba ongarir ekiamɨn mɨn men tuavim apɨrightɨ, kɨ me abɨnigham. Kamaghɨra, kɨ Isipian gavgavim agɨvagh, egh uaghan Nailɨn Fanem damightɨ a mɨsigham. Eghtɨ Asirian gavgavim uaghan gɨvagham.