Maika 5:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.

Maika 5:3 ပူးပေါင်းရင်းမြစ်များ

Matyu 1:21

An otarim bateghtɨma, eghtɨ a uan gumazamizibar arazir kuraba gɨn amadagh men akurvagham. Kamaghɨn nɨ ziam Iesus a datɨgh.”

Maika 4:7

Ezɨ gumazamizir ikiavɨra itir varazira, me uan nguibamɨn saghon ikia, egha daruan iburaghburaki, me gumazamizir suer kurar pazava aruiba. Ezɨ datɨrɨghɨn itir varazira kɨ ua me damightɨ, me kantrin bar gavgavimɨn mɨn otogham. Eghtɨ datɨrɨghɨn ikegh mangɨ, kɨ Ikiavɨra Itir God, kɨ Saionɨn Mɨghsɨamɨn ikɨ, men atrivimɨn ikɨ, me gativagh mamaghɨra ikiam.”

Hosea 11:8

“O Efraimia, kɨ ia ateghan kogham, egh ian arɨ mangɨghan kogham. Egh kɨ bar ia kuavaremeghan kogham, mati kɨ Atma ko Seboimɨn nguibar ekiamning bar moghɨra aning kuavareme. Kɨ bar ia gifonge, kamaghɨn amizɨ, kɨ bar ia gasɨghasighan kogham.

Maika 7:13

Ezɨ kantrin kabar gumazamiziba bar arazir kurabagh ami. Kamaghɨn amizɨ, da danganir bar kurabar mɨn ikiam.

Hosea 2:14

Egha Ikiavɨra Itir God uam akar isɨn zuimɨn kamaghɨn mɨgei: “Kɨ akar aghuimɨn amizir kam mɨkɨmɨva, egh uam a gekuigh gumazamiziba puvatɨzir danganimɨn mangɨgham. Egh an asughasugh anepezeperɨva, kamaghɨn a mɨkɨmam, ‘Kɨ bar nɨ gifonge.’

Hosea 2:9

Kamaghɨn amizɨ, dagheba asiamin dughiam otoghtɨ, kɨ dagheba ko wainɨn a ganɨngiziba, kɨ ua da inigham. Egh korotiaba ko bizir aghuir a ganɨngiziba, kɨ ua da inigham.

Akɨnafarir Pol Romɨn Nguibar Ekiamɨn Itir Sios Bagha Osirizim 8:29

Kar, gumazamizir God fomɨra ua me iniasa mɨgeiba, a me ginaba, eghtɨ me uaghan an Otarimɨn mɨn ikiam. Eghtɨ borir avɨriba ikɨtɨ Krais uabɨ men avebar ekiamɨn mɨn ikiam.

Matyu 25:40

“Eghtɨ Atrivim me ikaragh kamaghɨn me mɨkɨmam, ‘Kɨ guizbangɨra ia mɨgei, arazir ia nan gumazamizir kɨnibagh amiziba, ia dar na gami.’

Matyu 12:50

Gumazamizir nan Afeziar uan Nguibamɨn itim ifongezir arazibar gɨn zuiba, me nan doziba ko nan amiziba ko nan amebam.”

Maika 6:14

Ia daghebar amɨ, izɨvaghan kogham, eghtɨ mɨtiriaba ian aghɨvɨra ikiam. Egh ia biziba inigh dɨpenimɨn ada akuvam, eghtɨ da deravɨra ikian kogham. Eghtɨ ia bizir manaba iti, kɨ apaniba amadaghtɨ, me izɨ ia mɨsogh dagh asɨghasigham.

Jeremaia 31:1

Ikiavɨra Itir God kamaghɨn mɨgei: “Dughiar kɨ inabazimɨn, kɨ Israelian ikɨziba bar men Godɨn ikiam, eghtɨ me nan gumazamizibaram otogham.

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.

2 Eghaghaniba 30:7

Ian inazir afeziaba ko, aveghbuaba amizɨ moghɨn, ia arazir kurabar amuan markɨ. Me Ikiavɨra Itir God, a men ovavibar God, me akɨrim ragha a gasara, ezɨ God me ategha puv me gamua bar me gasɨghasɨki. Ezɨ ia uari bizir kabar gani.

1 Atriviba 14:16

Jeroboam uabɨ arazir kurar kam gamigha, bar Israelia gekuizɨ me arazir kuram gami. Kamaghɨn amizɨ, Ikiavɨra Itir God Israelian arazir kurar kam gɨnɨghnɨgh, akɨrim ragh me gasaragham.”

Amos 5:15

Ia arazir kuraba ategh, arazir aghuibara ifongegh dar gɨn mangɨ. Ia kotiamɨn tugh guizbangɨra mɨkɨm. Ia kamaghɨn damutɨ, Ikiavɨra Itir God, a Godɨn Gavgaviba Bar Itim, ia Josepɨn ovavir borir ikiavɨra itir varazira, a ti ian apangkuvam.

Maika 5:7

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, men akurvaghamin gumazibar mɨn ikiam. Mati dɨmagaribar grazibagh irir ghuariaba, ko, temebagh izir amoziba, Ikiavɨra Itir God da amadagha dagh amizɨ, da deraghavɨram otifi. Bizir kaba me Godɨn gavgavimra dar amuam, men gavgaviba puvatɨ.

Maika 5:8

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, mati laion ruarimɨn itir asɨziba ko, sipsipɨn dɨvazimɨn aven itibar amasa gari. A sipsipbar tongɨn mangɨ, uabɨ fɨ sipsipbav kɨn me givi me aghoram. Eghtɨ gumazir men akurvaghamiba puvatɨgham.

Onger Akaba 67:3

O God, nan ifongiam, gumazamiziba bar nɨ gifuegh nɨn ziam fɨ. Guizbangɨra, me nɨn ziar ekiam pɨrafam.

Aisaia 49:6

“Kɨ faragha ingangarir kam nɨ ganɨga ghaze, Nɨ Jekopɨn adarasi, Israelian ikiavɨra iti darasi, nɨ gavgavim me danɨng ua me inigh izɨ. Kar ingangarir ekiam puvatɨ. Ezɨ kɨ datɨrɨghɨn ingangarir ekiam nɨ danɨng, egh nɨ damightɨ, nɨ Kantrin Igharazibar Gumazamiziba bagh angazangarimɨn mɨn ikiam. Eghtɨ kɨ Kantrin Igharazibar Gumazamiziba bar men akuragh ua me iniam.”

Jeremaia 23:5

“Kɨ Ikiavɨra Itir God, kɨ kamaghɨn mɨgɨa ghaze, Dughiam izɨtɨ, kɨ Atrivim Devitɨn adarazir tongɨn, gumazir aghui tam amɨsevegham. Eghtɨ a Temer Ghuzir Igiam temer dakamɨn otogha aghui moghɨn ikiam. Gumazir kam atrivimɨn ikɨ, nɨghnɨzir aghuim ikɨ, ingangarim damuam. Egh guizɨn arazimɨn gɨn mangɨ nguazir kamɨn gumazamiziba arazir aghuibar me damuam.

Esekiel 34:16

Eghtɨ nan sipsipɨn taba oveghtɨ, kɨ mangɨ da buri da bativ ua da inigh izam. Egh sipsipɨn tintinibar ghueziba, kɨ ua dar aku izam. Eghtɨ taba ikuvigh duaba ikɨtɨ, kɨ dar duaba akɨr da nogham. Eghtɨ taba arɨmariaba ikɨtɨ, kɨ da akɨrightɨ da ua ghuamaghegham. Egh sipsipɨn mɨkarziba sara itiba ko sipsipɨn gavgaviba, kɨ dagh asɨghasigham. Guizbangɨra, kɨ guizɨn arazim damu, egh sipsipbagh eghuv dar ganam.

Maika 4:4

Kar Ikiavɨra Itir Godɨn Gavgaviba Bar Itim akam akɨrigha ghaze, gumazamiziba vaghvagh deraghvɨra uari uan wainɨn ikarɨziba ko fighɨn temebar boroghɨn dapiam. Egh me deragh ikɨtɨ, tav ua izɨ atiatim me danɨngan kogham.

Sekaraia 10:6

“Kɨ Judan gumazamizibar amightɨ, me bar gavgavigham. Egh kɨ Israelian gumazamiziba ua me iniam. Kɨ men apangkufi, kamaghɨn amizɨ, kɨ bar me inigh uamategh men nguazimra izam. Eghtɨ me deravɨra ikiam, mati kɨ me batoghezir puvatɨ. Kɨ Ikiavɨra Itir God, kɨ men God, kamaghɨn amizɨ, kɨ men mɨgɨrɨgɨar me na mɨgeiba kɨ da baragham.