Maika 5:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Kɨ arazir kam bagha nan navim bar osemegha atari. Egh kantribar gumazamizir nan akaba batozir arazir kam, kɨ a ikarvagham.”

Maika 5:15 ပူးပေါင်းရင်းမြစ်များ

2 Tesalonika 1:8

Egh God gɨfozir puvatɨziba ko en Ekiam Iesusɨn Akar Aghuimɨn gɨn zuir puvatɨziba, Iesus ivezir kuram me ikarvagham.

Maika 5:8

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, mati laion ruarimɨn itir asɨziba ko, sipsipɨn dɨvazimɨn aven itibar amasa gari. A sipsipbar tongɨn mangɨ, uabɨ fɨ sipsipbav kɨn me givi me aghoram. Eghtɨ gumazir men akurvaghamiba puvatɨgham.

Onger Akaba 149:7

Egh kantrin igharaziba akɨrsɨ mɨsogh, mɨzazim me gasɨ me abɨnigh.

Aisaia 65:12

Ezɨ kɨ ia bagha dughiar igharagha garim amɨsevegha gɨfa. Ian apaniba izɨ, uan mɨdorozir sababar ia mɨsoghtɨ, ia arɨmɨghiregham. Ia uan teviba apɨrigh, avigh dapaniba nguazimɨn gantɨ, apaniba ian fɨriba aghoram. Ia fo, kɨ ian deima, ia nan dɨmdiam ikarazir puvatɨ. Kɨ uaghan uan akam ia mɨkeme, ezɨ ia an gɨn zuir puvatɨ. Ia nan akaba batogha, arazir kurar kɨ bar aghuaziba nan damazimɨn dagh ami. Kamaghɨn amizɨ, dughiar kurar kam ia bativam.

Aisaia 1:24

Kɨ Ekiam, kɨ Ikiavɨra Itir Godɨn Gavgaviba Bar Itim. Kɨ Israelian Atrivir Bar Gavgavim, egha kɨ kamaghɨn mɨgei, “O Jerusalem, nɨ datɨrɨghɨn nan akaba baragh. Kɨ uan apaniba, ivezir kuram me ikarvagham, eghtɨ me uam osɨmtɨzim na darɨghan kogham.

Maika 6:1

Ia oragh! Ikiavɨra Itir God Israelia isa kot gatɨ. O Israelia, ia dɨkavigh izɨ kotiamɨn, ia uan osɨmtɨzimɨn gun mɨkɨm. Eghtɨ mɨghsɨaba jasɨn mɨn ikɨ, ia baragh ian akaba tuisɨgham.