Maika 5:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Egh kɨ temer guarir aser amizim Aseran nedazim itiba apɨrarigh, ian nguibamɨn bar da batuegham. Egh ian nguibar ekiaba bar adagh asɨghasigham.

Maika 5:14 ပူးပေါင်းရင်းမြစ်များ

Ua Me Ini 34:13

“Ia men asebar ziaba fer bizir kabagh asɨghasɨkigh. Ia ofa gamir dakoziba ko, dagɨar guarir dɨghoriba itiba akunightɨ, da bar bɨghirɨ akuabagh iregh. Egh temer guarir aser amizim Aseran nedazim itiba bar da okeghtɨ da iregh.

2 Atriviba 17:10

Egha me mɨghsɨabar oraziba ko temer ekiabar apebabar dughuazibar ghua, uari bagha dagɨar guarir dɨghoriba itiba ko temer guarir aser amizim Aseran nedazim itiba saram asava, egha dar ziaba fe.

Aisaia 17:8

Egh me uamategh uari ingarizir ofa gamir dakoziba bagh mangan kogh, egh ua aser amizim Aseran ziam fan kogh, egh temer guarir aser amizim Aseran nedazim itiba, dar ziaba fan kogham. Egh pauran mughuriar aghuim zuim isɨ aser amizim Asera bagh me ofa gamir dakozibar uam a tuan kogham. Me uari uan dafaribar ingarigha asebar ziaba fer bizir kaba, me bar da agɨvagham.

Aisaia 27:9

Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.

Nahum 1:14

Egha Ikiavɨra Itir God Akar Gavgavimɨn kamaghɨn Asiriabav gei, “Ian ovavir boriba uam otivan kogham. Ian dɨpenir asebar ziaba feba, kɨ dar aven marvir guaba bar dagh asɨghasigham. Egh me ian kuaba afamin moziba, kɨ ia bagh dar akɨram. Ia gumazamizir kɨniba, kamaghɨn amizɨ, ia ua ikian kogham.”

Onger Akaba 149:7

Egh kantrin igharaziba akɨrsɨ mɨsogh, mɨzazim me gasɨ me abɨnigh.

Onger Akaba 149:9

Me God osirizɨ moghɨra me damuam. Godɨn gumazamiziba arazir kamnaghɨra damu, uan apaniba akɨram. God baghavɨra itir gumazamizir kaba, arazir kamra damu, uan apaniba abɨnigh ziar ekiam iniam. Aleluia! Ia bar Ikiavɨra Itir Godɨn ziam fɨ!

Jeremaia 12:17

Eghtɨ kantrin tamɨn gumazamiziba nan akam bareghan aghuaghtɨ, kɨ me batuegh bar me gasɨghasigham. Kɨ Ikiavɨra Itir God kɨ mɨkemegha gɨfa.”