Maika 5:13 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹³ Egh kɨ ian marvir guaba ko, asebar nedaziba bar da batuegham. Ia uari uan dafaribar ingarizir bizibar ziaba fan markɨ.

Maika 5:13 ပူးပေါင်းရင်းမြစ်များ

Esekiel 6:9

Me saghon itir kantrin igharazir kabar kalabusɨn ikɨ, na gɨnɨghnɨgh kamaghɨn fogh suam, me uan navir averiabar aven akɨrim ragha na gasara, ezɨ arazir kam bar na abɨra. Me uan damazir kurabar aseba bagha pamtem garava, bar dagh ifonge, ezɨ arazir kam na gamima, kɨ bar me baseme. Me fo, me arazir kurar kɨ ifongezir puvatɨzir avɨribagh ami. Eghtɨ me uan arazir kurar mɨzɨrɨzir amiziba bagh bar aghumsigham.

Esekiel 36:25

Egh dɨpar dɨkɨriam inigh, ian dapanibagh isɨn a kavamang ian arazir kuraba batueghtɨ, ia nan damazimɨn bar zuegham. Egh ian arazir kurar ia marvir guaba fem bagh, ia rueghtɨ ia zuegham.

Sekaraia 13:2

Ikiavɨra Itir Godɨn Gavgaviba Bar Itim ua kamaghɨn mɨgei, “Kɨ dughiar kamɨn godɨn ifavarir marvir guaba nguazir kamɨn da batuegham, eghtɨ gumazitam uam a dagh nɨghnɨghan kogham. Egh uaghan akam inigha izir ifavarir gumaziba ko, duar mɨzɨrɨziba, kɨ nguazir kamɨn da batuegham.

Hosea 14:8

“O Efraimia, ia ua marvir guabar ziaba fan kogham. Kɨ uabɨra, ian azangsɨziba baragham. Egh deraghvɨra ia geghuvam. Eghtɨ ia nan apengan ikiam, mati gumazim aruemɨn dughiamɨn, temer ekiamɨn dughuazimɨn apengan aperaghav iti. Ia isir bizir aghuiba bar, kɨrara dar mɨngarim.”

Hosea 14:3

Asiriaba en akuraghan kogham. Eghtɨ mɨdorozir hoziaba en akuraghan kogham. E uan dafaribar marvir guabar ingari, egh gɨn e kamaghɨn ua dav mɨkɨman kogh suam, ‘Kar en aseba.’ E fo, e mati asaghasazir borir e geghuvamin amebaba ko afeziaba puvatɨ, ezɨ nɨrara, zurara en apangkufi.”

Esekiel 37:23

Me ua aseba ko bizir kɨ aghuazibar ziaba fan kogh, nan damazimɨn mɨzeghan kogham. Egh arazir kurabar amuan kogham. Kɨ men akuragh arazir kurar me amibar me fɨrightɨ, me ua uarigh asɨghasɨghan kogham. Kɨ me damightɨ me nan damazimɨn zuegham. Dughiar kamɨn, me nan gumazamizibar ikɨtɨ, kɨ men Godɨn ikiam.

Aisaia 2:8

Ezɨ men marvir guaba, men nguazim gizɨfa. Ezɨ me uari uan dafaribar ingarizir godɨn ifavaribar nedaziba dar ziaba fa teviba apɨri.

Akar Mogomem 9:20

Ezɨ gumazamizir igharazir me mɨsoghezɨ, ariaghirezir puvatɨziba, me navibagh irazir puvatɨgha, akɨrim ragha marvir guar me uari ingarizibagh asarazir puvatɨ. Me aseba ko marvir guaba ataghizir puvatɨ. Marvir guar kaba, gumaziba silva ko gol ko bras ko dagɨaba ko temebar dar ingari, da bizibar garir puvatɨgha akaba barazir puvatɨgha aruir puvatɨziba. Me marvir guabar ziaba fer arazim ataghizir puvatɨ.

Gumazir Dapaniba 18:17

Ezɨ ofa gamir gumazir kam, 600plan mɨdorozir gumaziba ko dɨvazimɨn itiar akamɨn itir dughiamɨn, gumazir 5plan moga gariba, me aseba fer biziba iniasa dɨpenimɨn aven ghue. Me ghua ofa gamir gumazibar korotiam ko, Godɨn ifongiam gɨfofoghamin marvir guar doziba ko, marvir guar me tememɨn dɨkɨrigha silvan noghezim ko, marvir guar me silvan kɨnimɨn ingarizim, me bar ada okɨmasa.

Hosea 10:2

Me ifarir gumazamiziba. Kamaghɨn amizɨ, me uan osɨmtɨzibar ivezir kuram iniam. Ikiavɨra Itir God men ofa gamir dakoziba, ko dagɨar guarir akɨniba apɨrarigham.

Nahum 1:14

Egha Ikiavɨra Itir God Akar Gavgavimɨn kamaghɨn Asiriabav gei, “Ian ovavir boriba uam otivan kogham. Ian dɨpenir asebar ziaba feba, kɨ dar aven marvir guaba bar dagh asɨghasigham. Egh me ian kuaba afamin moziba, kɨ ia bagh dar akɨram. Ia gumazamizir kɨniba, kamaghɨn amizɨ, ia ua ikian kogham.”

Sefanaia 1:4

“Judan gumazamiziba ko Jerusalemɨn gumazamiziba bar moghɨra, kɨ mɨzazim me gasegham. Asem Balɨn ziam fer arazimɨn bizir ikiavɨra itir vaghvaziba, ko an ofa gamir gumaziba, kɨ bar me gasɨghasigham, eghtɨ gumazamiziba ua me gɨnɨghnɨghan kogham.

Aisaia 27:9

Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.

Esekiel 16:41

Egh gumazir kaba nɨn dɨpenibar apongɨva amizir avɨribar damazimɨn ivezir kuram nɨ danɨngam. Tuavir kamɨn, kɨ nɨn arazir tuavimɨn amizimɨn arazir kam agɨvagham. Egh kɨ uaghan nɨ damightɨ, gumazir nɨ gifongeziba, nɨ ua pura bizir aghuiba isɨ me danɨngɨva me apezeper me gekuan kogham.