Maika 5:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Egh kɨ ian nguibar ekiaba ko dar dɨvazir gavgaviba bar ada akarightɨ, ia uam adar mongɨva avegham.

Maika 5:11 ပူးပေါင်းရင်းမြစ်များ

Sekaraia 4:6

Ezɨ ensel Ikiavɨra Itir Godɨn akam, gavmanɨn gumazir dapanim Serubabel danɨngasa, kamaghɨn na mɨgei, “Kar, Ikiavɨra Itir Godɨn Gavgaviba Bar Itimɨn akam: Nɨ ingangarim damusɨ, nɨ uan mɨdorozir gumazibar gavgavim ko, nɨ uan gavgavimɨn amodoghɨn bizibar amuam markɨ. Bar markɨ. Nan Duamɨn gavgavim nɨ ko ikɨtɨ, nɨ gavgavir kamɨn amodoghɨn ingangaribar amuam.

Hosea 10:14

Kamaghɨn amizɨ, ian apaniba izɨ ia mɨsogham, egh ian nguibar ekiar dɨvazir gavgaviba itibagh asɨghasɨgham. Osɨmtɨzir kam, mati Atrivim Salman fomɨram amizir arazim, a Betarbelɨn nguibar ekiam ko mɨsogha bar a gasɨghasɨki. An adarazi men boriba ko amiziba isa nguazimɨn me apɨzima, me tintinibar ariaghiri.

Esekiel 38:11

Nɨ suam: Kantrin kamɨn gumazamiziba navir amɨrizimɨn ikiava deravɨra iti. Men nguibar ekiaba bar, dɨvazir gavgavir da avɨniziba ko tiar akar gavgaviba puvatɨ. Kamaghɨn amizɨ, kɨ pura aven mangɨ me korogham.

Aisaia 6:11

Egha kɨ kamaghɨn an azara, “O Ekiam, kɨ ingangarir kam damu mangɨ man dughiamɨn tugham?” Ezɨ a kamaghɨn nan akam ikaragha ghaze: “Nɨ ingangarir kam damu, mamaghɨra ikɨ mangɨtɨ nguibar ekiaba bar ikuvigham, eghtɨ nguazim ikuvightɨ, dɨpeniba pura mɨsevir kɨnibar ikiam, eghtɨ gumazamizitaba uam a dar ikian kogham.

Aisaia 1:7

Ian apaniba ian kantri gasɨghasigha gɨvagha, ian nguibabagh apongezɨ da isi. Egha ia garavɨra itima, me ian azenibar ian dagheba isi. Nguibar igharazimɨn gumaziba iza ian kantrin biziba bar dagh asɨghasɨghizɨ, nguazir kɨnim oto.

Aisaia 2:6

Asebar gɨn zuir arazir guar avɨriba, Jekopɨn ovavir boribagh izɨfa, ezɨ me mati Filistian gumazamiziba. Ezɨ kukunir gumazibar arazir kuraba, me aruem anadi naghɨn itir kantriba dama da ini. Ezɨ me datɨrɨghɨn Kantrin Igharazibar Gumazamizibar arazibar gɨntɨsi. Kamaghɨn amizɨ, O Ikiavɨra Itir God, nɨn gumazamiziba, Jekopɨn ovavir boriba, nɨ akɨrim ragha me gasara.

Aisaia 27:9

Egh Israelia guizbangɨra mɨkɨm suam, Ikiavɨra Itir God men arazir kurabar osɨmtɨziba agɨvam, eghtɨ me uan asebar ofa gamir dakoziba apɨrighɨva, dar dagɨaba amsarɨraghitɨ da nguazir mɨnemniamɨn mɨn otogham. Egh me temer guarir aser amizim Aseran nedazim itiba okɨrarɨgh. Egh paura tuema a mughuriar aghuim zuir dakoziba, bar dagh asɨghasɨkigh. Tuavir kamɨn, Ikiavɨra Itir God men arazir kuraba gɨn amadagham.