Maika 5:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia Jerusalemia, ian mɨdorozir gumaziba uari akuvagh, arang uan mɨkarziba aghor. Apaniba ia ekɨarugha gɨfa. Me Israelian gumazir dapanim mɨsogh aghumsɨzim a danɨngasa, mati apanim aghorim inigha gumazimɨn koviam mɨsoke.

Maika 5:1 ပူးပေါင်းရင်းမြစ်များ

Jopɨn Akɨnafarim 16:10

“Gumazamiziba tuivigha na okarigha, arazir kurabar na gami. Me na dɨpova nan ingaravaka egha nan koviam apese.

2 Korin 11:20

Bar guizbangɨra, gumazitam ia gativaghtɨ, ia mati kalabuziar gumazamizibar mɨn ikiam, o a ian biziba bar ada gɨvagham, o a ia gifar ia isɨ uan gavgavimɨn apengan darɨgham, o a uabɨ uabɨ damigh gumazir ekiamɨn mɨn ikiam, o a ian tav akar kurabar a damuva, an guam apezegham. Eghtɨ gumazir arazir kabar ia gamiba, ia uari men amamangatɨghtɨ, me uari ifongezɨ moghɨn ia damuam.

Aposel 23:2

Pol kamaghɨn mɨkemezɨ, ofa gamir gumazibar dapanim, Ananaias, Polɨn akam mɨsoghasa an boroghɨn itir gumazibav gei.

Jon Osirizir Akar Aghuim 19:3

Egha me an boroghɨra izegha a mɨgei, “Judabar Atrivim, nɨrara atrivir ekiam!” Egha me kamaghɨn mɨgɨava an guam apezavɨra iti.

Jon Osirizir Akar Aghuim 18:22

Iesus kamaghɨn mɨgeima ezɨ polisɨn gumazir mam tughav ikia, egha an an guam a mɨsuegha kamaghɨn mɨgei, “Nɨ kamaghɨn ofa gamir gumazibar dapanimɨn akam ikaragha ghaze, kar ti arazir aghuim, o?”

Matyu 26:67

Egha me Iesusɨn guam giparava a mɨsogha, marazi dafariba onegha a mɨsosi.

Aisaia 33:22

Bar guizbangɨra, Ikiavɨra Itir God uabɨ, jasɨn mɨn ikɨ, egh en atrivimɨn ikɨ, en gumazir deravɨra en ganamim mɨn ikɨ, egh en Akurvazir Gumazimɨn ikiam.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Matyu 27:30

Egha me a giparava a suirazir fidizim inigha an dapanim mɨsosi.

Matyu 5:39

Ezɨ kɨ kamaghɨn ia mɨgei, gumazim arazir kuratam ia damightɨma, ia a ikarvaghan markɨ. Egh gumazitam ian koviatam apezeghtɨ, ia koviar vuem sara a danɨngigh.

Habakuk 3:16

Kɨ bizir kaba bar da baregha agoi. Kɨ atiatia agoima, nan akam uaghan nɨsi. Nan agharapaniba amɨraghamɨregha berir amɨrazimɨn mɨn oto. Ezɨ nan suemning nan amɨrazɨ, kɨ ua gavgaviba puvatɨ. Kɨ fo, God izɨ apanir e gasɨghasɨghizir kaba puv me damigham. Ezɨ kɨ dughiar kam mɨzua iti. Kamaghɨn amizɨ, kɨ pura uabɨn asugha nɨmɨra iti.

Habakuk 1:6

Ia oragh! Kɨ Babilonia damightɨ me gumazamizir bar gavgavibar otivigham. Gumazamizir kaba, me gumazamizir bar kuraba, me uaghan mɨsozir gumazamiziba. Egha me datɨrɨghɨn pura tintinibar kantribar ghua, gumazamizir igharazibar dɨpeniba isa, me dɨkabɨri.

Amos 2:3

Eghtɨ kɨ Moapɨn atrivim ko an ingangarir gumaziba bar me mɨsueghtɨ, me arɨmɨghiregham. Kɨ Ikiavɨra Itir God, kɨ kamaghɨn mɨkeme!”

Joel 3:9

Egha God akar kam Kantrin Igharazibar Gumazamizibar tongɨn mangɨ a mɨkɨmasa Joel mɨkeme, “Ia God ko mɨdorozim damusɨ biziba akɨr ikɨ, egh mɨdorozir gumaziba bar men diaghtɨ, me izɨ uari akuvagh, egh mɨsoghsɨ mangam.

Esekiel 24:2

“O nguazir kamɨn gumazim, nɨ datɨrɨghɨn aruer kamɨn dughiam osirigh. Datɨrɨghɨn, dughiar kamra, Babilonian atrivim ghua, Jerusalem ekɨarughasava ami.

Jeremaia 25:9

Kamaghɨn amizɨ, ia oragh! Kɨ Ikiavɨra Itir God, kɨ notɨn amadaghan itir ikɨzibar diaghɨva, egh uaghan Babilonɨn Atrivim Nebukatnesar, an diagham, a nan ingangarir gumazimɨn mɨn ami. Egh kɨ me inigh izɨtɨ, me nguazir kam ko an boroghɨn itir kantriba dagh asɨghasɨgham. Eghtɨ me ikuvigh mamaghɨra ikiam. Eghtɨ gumazamizir igharaziba men ganigh, akɨrim ragh me gasɨ dɨbovir akabar me mɨkɨmɨva, egh dɨgavir kuram damuva, egh puvɨram atiatingam. Eghtɨ nguazir kamɨn gumazamiziba aghumsɨzim ikɨ mamaghɨra ikiam.

Jeremaia 4:7

Apanir kaba uan nguibam ategha mati laion uan mogomer danganir itim ataki. Apanir kaba nguibar avɨribagh asɨghasɨgha izi. Me izɨ Judan kantri bar a gasɨghasightɨ a bar ikuvightɨ, gumazamiziba ua nguibar kabar ikian kogham.”

Aisaia 10:6

Nan gumazamizir kaba na ategha uamategha nguazir kamɨn bizibagh amua, na gamizɨ kɨ bar men anɨngaghe. Kamaghɨn amizɨ, kɨ Asiriaba amadaghtɨ, me mangɨ gumazamizir kɨ anɨngaghavɨra itir kabagh asɨghasɨgh, egh me dɨkɨtɨ me mati gumazim tuavir beghneazim dɨti moghɨn me magɨram. Egh me uan ifongiabar gɨn mangɨ men bizir aghuiba me dama da mɨkegh, da inigh uan kantrin mangam.

Aisaia 8:9

Ia deravɨram oragh, ia kantrin roghɨra itiba ko saghon itibar gumazamiziba. Ia uari akuvagh mɨsoghsɨ gan ikɨ. Eghtɨ ian gavgavim bighirɨghtɨ, ia dɨgavir kuram damigh puram onganim damuam.

2 Atriviba 24:2

Ezɨ dughiar kamɨn, Ikiavɨra Itir God, Babilonian gumazir bɨzir maba ko, Siriabar gumazir bɨzir maba ko, Moapian gumazir bɨzir maba ko, Amonian gumazir bɨzir maba, me izɨ, Jehoiakimɨn adarazi ko mɨsogh Judan kantri gasɨghasɨghasa, a me amada. Ikiavɨra Itir God fomɨra uan akam inigha izir gumaziba, kar an ingangarir gumaziba, uan akaba isa me ganɨngizɨ, me an gun mɨkeme. Ikiavɨra Itir God mɨkemezɨ moghɨn, datɨrɨghɨn bizir kabagh amizɨ, da guizbangɨram otifi.

1 Atriviba 22:24

Ezɨ akam inigha izir gumazim Sedekaia, a Kenanan otarim, an orazi, Mikaia akar kamɨn Ahap mɨgeima, an an boroghɨn ghua an koviam mɨsuegha ghaze, “Ikiavɨra Itir Godɨn Duam manmaghɨn na ategha, nɨn ghugha akar kam nɨ ganɨngi?”

Jenesis 35:19

Ezɨ Resel aremezɨ me Efratan nguibamɨn zuir tuavir mɨriamɨn a mozim gatɨ. Kar Betlehemɨn nguibamɨn ziar ghurim.

Jenesis 49:10

Egha an atrivimɨn aghorimɨn suiraghtɨ, an an gavgavir ekiam akaghtɨ, a ikɨ mamaghɨra ikiam. Egh an ovavir boribar atrivimɨn mɨn ikɨ mangɨtɨ, gumazamiziba bar a bagh bizir aghuiba inigh a bagh izamin dughiam otogham. Egh a kantriba bar dagh ativagham.

Godɨn Araziba 33:27

Godɨn Zurara Itim, an en mogomer danganim. A zurara uan dafarimningɨn ian suigha ia ataghɨrazir puvatɨ. Ia mangɨ Kenanɨn nguazim iniamin dughiam a ian faragh mangɨ, ian apaniba batuegh ia mɨkemeghtɨ, ia mangɨ me mɨsoghɨrarigham.

Gumazir Dapaniba 17:7

Ezɨ dughiar kamɨn Livain anabamɨn adarazir gumazir igiar mam, a Judan anabamɨn nguazimɨn ikia, Betlehemɨn nguibar ekiamɨn iti.

Aghuzir Akaba 8:23

Bar fomɨra, a tɨghar nguazimɨn ingaram, a nan ingarizɨ kɨ iti.

Aisaia 9:5

Guizbangɨra, mɨdorozir gumaziba mɨdorozir korotiar aghua ghua mɨsoziba, avim bar dar isigham. Men dagarir asuaba ko men korotiar gumazibar ghuziba itiba, avim bar adar isigham. Eghtɨ osɨmtɨziba bar gɨvaghtɨma, dughiar aghuim otogham.

Esekiel 21:32

Avim ia gasɨghasigham, eghtɨ ian ghuziba ian nguazimra iram. Eghtɨ tav ua ia gɨnɨghnɨghan kogham. Kɨ Ikiavɨra Itir God, kɨ kamaghɨn mɨkemegha gɨfa.”

Daniel 9:25

“Nɨ oreghɨva, kamaghɨn fogh: Dughiar Jerusalem uam an ingaramin mɨgɨrɨgɨam otogh mangɨ 49plan azeniba gɨvaghtɨma, gumazir God en akurvaghasa mɨsevezim, an otogham. Eghtɨ me ua Jerusalemɨn ingarɨva, nguibar ekiamɨn aven tuavibar ingarɨva, afemozir ekiam gekuightɨ a nguibar ekiamɨn dɨvazir gavgavim gighuigham. Eghtɨ Jerusalem 434plan azenibar kamaghɨra ikiam, eghtɨ azenir kaba, kar osɨmtɨziba ikiamin azeniba.