Maika 4:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Jerusalem, nɨ manmaghsua pamten arai? Nɨ tizim bagha amizim borim batasa mɨzazim isi moghɨn uabɨ barasi? Nɨ ti atriviba puvatɨ, a? Ezɨ nɨn fofozir gumaziba ti ariaghire, a?

Maika 4:9 ပူးပေါင်းရင်းမြစ်များ

Jeremaia 8:19

Mevzika, nan adarazi nguazir oteviba bar adar ikia egha ara kamaghɨn dei, ‘Ikiavɨra Itir God ua Saionɨn nguibamɨn atrivimɨn itir puvatɨghama, a? Egha a manmaghsua en akurazir puvatɨ?’ ” Ezɨ Ikiavɨra Itir God kamaghɨn akam ikaragha ghaze: “Manmaghsua ia nan gumazamiziba kantrin igharazibar asebar nedazibar ingara egha dar ziaba fe? Ian arazir kam na gamima, kɨ bar ian anɨngaghe.”

Hosea 10:3

Kɨran oveghangɨn, Israelia kamaghɨn mɨkɨmam, “E Ikiavɨra Itir Godɨn akamɨn gɨn zuir puvatɨ, kamaghɨn amizɨ, Ikiavɨra Itir God en atrivim batoke. Egh e atrivim ikɨtɨ, a manmaghɨn en akurvagham? Ti puvatɨgham.

Hosea 3:4

Kamaghɨra, Israelia dughiar ruarimɨn tong pura ikegham. Egh me atriviba ko gumazir dapaniba puvatɨgham. Me aseba bagh ofabar amuan kogham. Egh dagɨar guariba, ko nedazir me dar gara bizir gɨn otivamibagh fofoziba, ko marvir guaba, me bar da ategham.

Jeremaia 50:43

Babilonɨn atrivim apanir kabar eghaghanim baraghtɨ me izɨtɨ, an atiatigh egh agharapaniba bar an amɨragham. An atiatigh nɨghnɨghɨva avegh, egh an ararem mati, amizim borim batasa mɨzazir ekiam isava arai.

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 4:21

Eghtɨ dughiar manatamra apaniba e ategh ua uan nguibabar mangam. Egh me manadɨzoghɨn sɨgham givia, nir avɨzim ghufer arazim ategham? Kɨ arazir kamra ikia ghua bar amɨra!”

Aisaia 26:17

O Ikiavɨra Itir God, e mati amizim borim batasa mɨzazim isa pamtemɨn arai moghɨn, e nɨn damazimɨn mɨzazim isi.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Jon Osirizir Akar Aghuim 16:21

Amizim borim batasava amuava, a fo, a mɨzazim iniamin dughiam otogha gɨfa. Kamaghɨn an oseme. Egha an otegha gɨvagha, a ua mɨzazir kam gɨnɨghnɨzir puvatɨ. An borim nguazimɨn otogha gɨfa, kamaghɨn amizɨ, a bar akonge.

Akar Mogomem 12:2

Amizir kam navim asegha borim batasava amua mɨzazim isava arai.

Jeremaia 48:41

Apaniba nguibaba iniva, egh danganir mɨsozir gavgaviba sara iniam. Eghtɨ dughiar kamɨn, Moapian mɨdorozir gumaziba atiatigh, okam nɨghnɨgham, mati amiziba boriba batasa mɨzazim isi.

Hosea 13:13

Israelia deravɨra ikian fɨrɨn, me onganigha egha aghua. Men arazir kam, mati borim amebamɨn navimɨn itima, amebam a batasava amima, an azenan otivan aghua.

Maika 5:3

Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Jeremaia 30:10

Ikiavɨra Itir God kamaghɨn mɨgei: “Ia Israelia, ia Jekopɨn ovavir boriba, ia nan ingangarir gumazamiziba, ia atiatingɨva dɨgavir kuram damuan markɨ. Bar guizbangɨra, ia kantrin saghon itir kamɨn kalabusɨn iti. Eghtɨ kɨ ua ia inightɨ, ia ua uan nguazimra izegh, deraghvɨra dapiagham. Eghtɨ tarazi ua ia damutɨ ia atiatingan kogham.