Maika 4:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ nɨ Jerusalem, God nɨn ikia uan gumazamizibar gari, mati sipsipbar gari gumazim uan sipsipbar garir dɨpenir dɨvazimɨn aven iti. Nɨ faragha me geghuvi moghɨn, nɨ bar ekevegh uan kantrin nguibaba bar da gativagh, dagh eghuvam.

Maika 4:8 ပူးပေါင်းရင်းမြစ်များ

Aisaia 1:26

Egh kɨ uamategh ian jasba ko ian gumazir dapanir aghuibar arɨghɨva, deraghavɨra kotiaba baraziba arɨgham, mati fomɨra nɨn ikezir darazi. Eghtɨ gumazamiziba kamaghɨn nɨ dɨpon suam, Nguibar Ekiar Godɨn Damazimɨn Derazim, ko Nguibar Ekiar Deravɨra Godɨn Akamɨn Gɨntɨzim.”

Sekaraia 9:10

Ikiavɨra Itir God ghaze, Kɨ karisba ko, mɨdorozibagh amir hoziaba batueghtɨ, da ua Israelɨn tongɨn ikian kogham. Egh kɨ men bariba bar da apɨrarigham. Ian atrivim, kantrin ekiaba bar dar amightɨ, da mɨdorozir arazim ategh deraghvɨra dapiagh, navir amɨrizimɨn ikiam. A nguazir otevibar gumazamiziba bar me gativagh men ganam. Nguazir kaba, da ongarir ekiamɨn ikegh mangɨ ongarir saghon mar itibar tugham. Egh Yufretisɨn Faner ekiamɨn ikegh vongɨn amadaghan mangɨ bar saghon mar tugham.

Akar Mogomem 22:5

God en Ekiam, angazangarim gumazamizibar anɨngtɨ, kamaghɨn dɨmagarim uam otivan kogham, eghtɨ lam ko aruemɨn angazangariba ua ingangariba puvatɨgham. Eghtɨ Godɨn gumazamiziba, me atrivibar mɨn zurara ikɨ mamaghɨra ikiam.

Sekaraia 9:12

Ia kamaghɨn fo, kɨ ian akuraghasa ifonge. Kamaghɨn amizɨ, ia uamategh uan nguibamɨn izɨ deravɨra ikiam. Ia osɨmtɨzir Bar ekiam ateri, ezɨ kɨ ia mɨgɨa ghaze, kɨ arazir aghuibar ia damuam. Eghtɨ arazir aghuir kam bar osɨmtɨzir kam gafiragham.

Obadia 1:21

Eghtɨ mɨdorozim gamua apaniba abɨniziba, me Saionɨn Mɨghsɨamɨn ghuavanangam. Kamaghɨn amizɨ, me Ison ovavir boribar mɨghsɨabagh ativagh dar ganam. Eghtɨ kɨ Ikiavɨra Itir God, kɨ uabɨ atrivimɨn ikiam.”

Jenesis 35:21

Ezɨ Israel ghuavɨra ikia Ederɨn taua ategha mong sɨvagha ghua purirpenibar ingari.

Efesus 1:21

Kamaghɨn Krais Godɨn Nguibamɨn ikia egha duar gavgaviba itiba bar, ko gumazir dapaniba, ko gavmanɨn gumaziba, ko atriviba, a bar men gavgavibagh afiragha me gatifa. Egha Ziar Krais uan ingangarim bagha inizim a ziar manaba, manaba bar dagh afira, dughiar kamɨn ziaba ko dughiar tɨghar izamimɨn ziaba bar.

Mak Osirizir Akar Aghuim 12:1

Ezɨ Iesus akar isɨn zuibar Judan gumazir dapanibav gei, “Gumazir mam wainɨn azenim oparigha an dɨvazim aghui. Egha wainɨn ovɨziba mɨrmɨramin itarim gɨkuigha, pɨn ikɨ wainɨn azenimɨn ganamin dɨpenimɨn ingari. Egha a wainɨn azenim isa wainɨn azenimɨn ganamin gumazir mabagh anɨngi. (Eghtɨ me gɨn wain taba uam a ikaragham.) Egha saghon igharagha ghu.

Daniel 2:44

“Ezɨ dughiar atrivir kaba ikiavɨra itimɨn, Godɨn Uan Nguibamɨn Itim, a Dughiar a Gumazamizibagh Ativaghamin Tam a damightɨ, an otivam. Eghtɨ a ikɨ mamaghɨra ikiam. Eghtɨ atrivir maba da God Gumazamizibagh Ativaghamin Dughiar Kam dɨkabɨraghan kogham. Eghtɨ God Gumazamizibagh Ativaghamin Dughiam, an atrivir igharazibagh asɨghasigham. Eghtɨ an atrivir dughiar kam a ikɨ mamaghɨra ikɨvɨra ikiam.

2 Samuel 5:7

Ezɨ puvatɨ, men akaba pura magh ire, Devit uan mɨdorozir gumaziba ko ghua me mɨsogha men nguibar ekiar dɨvazir gavgavim itim ini. Nguibar ekiar kamɨn ziam Saion. Ezɨ gɨn gumazamiziba a dɨbora ghaze, Devitɨn Nguibar Ekiam.

Dɨboboniba 24:19

Israelian tongɨn atrivitam otogh, uan apaniba dɨkabɨragham, egh men nguibar ekiamɨn aven gumazir ikiavɨra itir varazira bar me agɨvagham.”

Matyu 21:33

Egha Iesus gumazir dapaniba ua kamaghɨn me mɨgei, “Ia akar isɨn zuir igharazir kam baragh. Gumazir mam wainɨn azenimɨn ingarigha, an dɨvazim aghui. Egha wainɨn ovɨziba mɨrmɨramin itarim gɨkuigha azenir dɨpenimɨn ingari, eghtɨ ingangarir gumaziba an ikɨ azenimɨn ganam. Egha azenir kam isa gumazir mabar agharim gatɨgha ghaze, me gɨn wainɨn dɨpataba uam a ikaragham. Egha dɨkavigha nguibar saghon itimɨn ghu.

Daniel 7:18

Eghtɨ gɨn Godɨn Bar Pɨn Itimɨn gumazamiziba, me gavgavim inighɨva, biziba bar dagh ativagh, ikɨ mamaghɨra ikiam.”

Aisaia 5:2

A nguazim abɨagharigha, dagɨaba amɨsevegha, wainɨn ikarɨzir agharir bar aghuiba amɨsevegha da isa da opari. Egha wainɨn azenir kamɨn torimɨn, a dɨpenir bar pɨn itimɨn ingari, an an aven ikɨva wainɨn azenimɨn ganam. A dɨpenir kamɨn aven, wainɨn ovɨziba dɨkɨ da rɨghɨrɨghasa, dagɨar mozir mam gɨkui. Ingangariba bar gɨvazɨma, a datɨrɨghɨn wainɨn ovɨzibar ganasa mɨzua ghaze, “Da ti deravɨram otivightɨ dar daghem isɨngigham.” Ezɨ puvatɨ. Ikarɨziba deragha ber puvatɨgha, ovɨziba bar suvigha akam mɨsosi.

Aisaia 10:32

Apaniba datɨrɨghɨn Nopɨn nguibar ekiamɨn otivigha gɨfa. Egha Saionɨn Mɨghsɨamɨn amadaghan gara, uan dafariba apɨra, uan gavgaviba akakagha ghaze, me Jerusalemɨn nguibar ekiam gasɨghasɨghasa uari baraki.

Onger Akaba 48:3

God nguibar kamɨn ikia, mɨdorozibar dughiabar uan gumazamizibagh eghuva men akurvazima, me deravɨra iti.

Onger Akaba 61:3

Nɨrara nɨ nan dɨvazir bar gavgavimɨn iti, ezɨ kɨ an modima, nan apaniba na abɨnamin tuaviba puvatɨ. Nɨrara dɨpenir ruarir gavgavimɨn mɨn bar deragha nan gara na geghufi.

Maika 2:12

Ikiavɨra Itir God ua kamaghɨn Jekopɨn ovavir boribav gɨa ghaze, “Kɨ uamategh Israelian gumazamizir itir varazira ua me akuvagham. Egh mati gumazim sipsipba inigha iza dɨvazimɨn aven me akuvi moghɨn, kɨ ua me akuvagham. Eghtɨ me kalabusɨn dɨpenibar tiar akabar uari akuvam. Eghtɨ gumazamiziba ua ian nguazim bar a gizɨvagham, mati sipsipɨn avɨrim grazir aghuir avɨribar tongɨn ikia ada api.”

Nehemia 3:25

Ezɨ ofa gamir gumazim Palal, a Usain otarim, marazir ko, dɨvazir nam uam an ingara Sɨgharkonimɨn vongɨn ikegha ghua atrivimɨn dɨpenimɨn itir tauan tu. Tauan pɨn itir kam, a nguibar ekiamɨn garir gumazibar dɨpenimɨn boroghɨn tu. Ezɨ Parosɨn otarim Pedaia, marazi ko, dɨvazir nar igharazim Palalɨn adarazir danganimɨn boroghɨn uam an ingari.

Onger Akaba 24:7

Ia tiar akaba, ia uari kuighiregh! Ia tiar akar fomɨra itiba, ia bar arokegh. Eghtɨ Atrivir Gavgavir Bar Ekiam Itim aven izam.

Solomon 4:4

Nɨn fɨragharim bar ruaragha bar dera, mati Atrivim Devitɨn tauan ruarir aghuim. Ezɨ nɨn fɨragharimɨn itir manmaniar aghuiba, mati mɨdorozir gumazir avɨribar oraba taghtagha tauan ruarir kamɨn guighav iti.

Sekaraia 9:9

Ia Saionɨn nguibar ekiamɨn itir gumazamiziba, ia bar akongegh! Ia Jerusalemɨn itir gumazamiziba, ia bar tiariba akar pamtemɨn dɨm. Ia gan, ian atrivim mara ia bagha izi! A ziar ekiam ikiava mɨdorozim gamuava uan apaniba abɨri. Egha a uabɨ uan ziam fer puvatɨ. A gumazir kɨnir ziaba puvatɨzir mamɨn mɨn donkin mam gaperagha izi. Kar donkin amebamɨn nguzir asem.