Maika 4:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ gumazamizir ikiavɨra itir varazira, me uan nguibamɨn saghon ikia, egha daruan iburaghburaki, me gumazamizir suer kurar pazava aruiba. Ezɨ datɨrɨghɨn itir varazira kɨ ua me damightɨ, me kantrin bar gavgavimɨn mɨn otogham. Eghtɨ datɨrɨghɨn ikegh mangɨ, kɨ Ikiavɨra Itir God, kɨ Saionɨn Mɨghsɨamɨn ikɨ, men atrivimɨn ikɨ, me gativagh mamaghɨra ikiam.”

Maika 4:7 ပူးပေါင်းရင်းမြစ်များ

Luk Osirizir Akar Aghuim 1:33

Eghtɨ a Jekopɨn adarazir atrivimɨn ikɨvɨra ikiam. Eghtɨ a Bizibagh Ativamin Dughiar kam gɨvaghan kogham.”

Maika 7:18

O Ikiavɨra Itir God, ua godɨn igharazitam nɨn mɨn itir puvatɨ. Nɨn gumazamizir ikiavɨra itir varazira, nɨ men arazir kuraba gɨn amadi. Nɨn adariba dughiar ruaribar itir puvatɨ. Nɨ zurara en apangkuvigha, arazir aghuibar e damuasa bar akonge.

Maika 2:12

Ikiavɨra Itir God ua kamaghɨn Jekopɨn ovavir boribav gɨa ghaze, “Kɨ uamategh Israelian gumazamizir itir varazira ua me akuvagham. Egh mati gumazim sipsipba inigha iza dɨvazimɨn aven me akuvi moghɨn, kɨ ua me akuvagham. Eghtɨ me kalabusɨn dɨpenibar tiar akabar uari akuvam. Eghtɨ gumazamiziba ua ian nguazim bar a gizɨvagham, mati sipsipɨn avɨrim grazir aghuir avɨribar tongɨn ikia ada api.”

Daniel 7:14

Ezɨ Fomɨra Fomɨra Itir Gumazir Kam uabɨ a gamizɨ an atrivimɨn otozɨ, a gavgavim ko ziar ekiam a ganɨngi. Eghtɨ ana atrivimɨn ikɨtɨ, an gavgavim mamaghɨra ikiam. Eghtɨ an atrivir ingangarim gɨvaghan kogham. Eghtɨ nguibaba bar dar gumazamiziba, ko kantriba bar dar gumazamiziba ko nguibabar akaba bar, me bar an apengan ikɨ a bagh ingaram.

Aisaia 24:23

Dughiar kamɨn, Ikiavɨra Itir Godɨn Gavgaviba Bar itim, uan angazangarir ekiam ko, uan gavgavim sara izɨ, Jerusalemɨn itir Saionɨn Mɨghsɨamɨn ikɨ, gumazamizibagh ativagh men ganam. Eghtɨ an gumazamizibar gumazir faragha zuiba an ganam. Eghtɨ an angazangarim pamtem me gisiraghtɨ, aruem ko iakɨnimɨn angazangarim pura bizir kɨnimɨn mɨn otogham.

Akar Mogomem 11:15

Ezɨ enselɨn namba 7 uan sɨgham givima, Godɨn Nguibamɨn itir darazi tiariba akara ghaze: “En Ekiam ko an Gumazir a Gumazamiziba Ua Me Iniasa Mɨsevezim, aning datɨrɨghɨn nguazir kam gativagha an gari. Egh aning atrivimɨn ikɨ mamaghɨra ikiam.”

Maika 5:3

Kamaghɨn amizɨ, Ikiavɨra Itir God uan adarazi ateghtɨ, me uan apanibar dafaribar ikɨvɨra ikɨ mangɨtɨ, amizir God inabazim, an otarim bategham. Eghtɨ dughiar kamɨn Israelian kantrin igharazibar ikeziba, uamategh izɨ uan adarazi ko uam uari akuvagham.

Joel 3:17

A kamaghɨn mɨgei, “Dughiar kamɨn ia Israelia fogham, kɨrara kɨ Ikiavɨra Itir God, ian God. Saion, nan mɨghsɨamra, kɨ danganir kamɨn iti. Kɨ Jerusalem damightɨ, a nan nguibar ekiamra ikiam, eghtɨ azenan itir darazi uam an aven mangan kogham.

Hosea 1:10

Israelia ua bar avɨrasemegham, mati ongarir dadarimɨn gigim, eghtɨ me me mengan iburagham. Datɨrɨghɨn God kamaghɨn me mɨgei, “Ia nan gumazamiziba puvatɨ.” Egh gɨn dughiatam izɨtɨ, a kamaghɨn me mɨkɨm suam, “Ia Godɨn Zurazurara Angamɨra Itimɨn boriba.”

Daniel 7:27

Egh Godɨn Bar Pɨn Itim, a nguazimɨn atriviba bar dar gavgaviba isɨ uan gumazamizibar anɨngam. Eghtɨ me atrivibar ikɨ mamaghɨra ikiam. Eghtɨ kantriba bar Godɨn gumazamizibar apengan ikɨva, egh ingarɨva men akaba baragham.”

Aisaia 66:8

Gumazitam fomɨra bizir kamɨn ganigha, a baraghizir puvatɨ! Kantrin tam ti dughiar vamɨram otozir puvatɨ! Bar guizbangɨra, ikɨzir ekiatam dughiar vamɨran, zuamɨram otozir puvatɨ. Bar puvatɨ! Eghtɨ Saion borim batɨsɨ mɨzazim baragh, a bar zuamɨram uan boriba bategham.

Aisaia 60:22

O Jerusalem, gumazir nɨn ikia ziam puvatɨzim, a gumazamizir ikɨzir dafamɨn afeziamɨn otogham. Ezɨ ikɨzir muziariba, me bar avɨrasemegham, mati kantrin bar ekiar gavgavibar gumazamizibar mɨn otivigham. Kɨ Ikiavɨra Itir God, kɨ mɨkemegha mɨsevezir dughiam, kɨ bizir kabar amutɨ, da zuamɨram otivigham.”

Aisaia 6:13

Eghtɨ gumazamizir vaghvazir taba nguazir kamɨn ikɨvɨra ikɨ, me uaghan gevegham. Eghtɨ kantrin gumazamiziba bar kuavaremegham, eghtɨ gɨn nan gumazamizir bɨzir igiam otivigham, mati temem me an okegha a gaborozɨ a isigha gɨvazɨ, ghuzir igiaba an otoghav aghui.”

Onger Akaba 2:6

“Kɨ uabɨ gumazir atrivimɨn ikiamin kam amɨsevegha gɨfa. Kɨ uabɨ a isa Saionɨn Mɨghsɨar ua bagha inabazimra anefazɨ, an aperaghav iti.”

Aisaia 16:5

eghtɨ danganir kamɨn, atrivir mam otogham. A Devitɨn ovavir boribar gumazir mam. Egh a uan gumazamiziba bar men apangkuvigh, egh zurara guizɨn arazimɨn gɨn mangɨ men ganam. A uan gumazamizibar osɨmtɨziba baragh, egh zuamɨra me tuisɨgh me akɨrmɨgham. Egh a zurara arazir aghuibar amusɨ gavgavigham.”

Daniel 2:44

“Ezɨ dughiar atrivir kaba ikiavɨra itimɨn, Godɨn Uan Nguibamɨn Itim, a Dughiar a Gumazamizibagh Ativaghamin Tam a damightɨ, an otivam. Eghtɨ a ikɨ mamaghɨra ikiam. Eghtɨ atrivir maba da God Gumazamizibagh Ativaghamin Dughiar Kam dɨkabɨraghan kogham. Eghtɨ God Gumazamizibagh Ativaghamin Dughiam, an atrivir igharazibagh asɨghasigham. Eghtɨ an atrivir dughiar kam a ikɨ mamaghɨra ikɨvɨra ikiam.

Daniel 4:34

Gɨn 7plan azeniba gɨvazɨ, kɨ Nebukatnesar, kɨ kogha Godɨn nguibamɨn gara, egha nan nɨghnɨziba ua dera. Egha kɨ Godɨn Bar Pɨn Itim bagha bar akonge. A Godɨn ikia mamaghɨra itim, kamaghɨn, kɨ an ziam fam. Egha kɨ kamaghɨn mɨgei: God atrivimɨn ikɨ mamaghɨra ikiam. Eghtɨ an atrivir kam dughiabar ikɨvɨra ikiam.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

Sefanaia 3:13

Israelian ikiavɨra itir varazira, men dɨbobonim bar sufi. Me arazir kurabar amuan koghɨva, akar ifavaribar amuan kogham. Me guizɨn akabar amu, egh ifaran kogham. Me deraghvɨra dapiagh avughsam, eghtɨ bizitam me damutɨ me atiatingan kogham.”

Esekiel 43:7

A kamaghɨn na mɨgei, “O nguazir kamɨn gumazim, dɨpenir kam kar nan atrivir dabirabimɨn danganim. Egha a uaghan nan dagarir onimning ikiamin danganim. Kɨ Israelɨn ikɨzim zurara men tongɨn kagh ikɨva, me gativagh men gan ikɨ mamaghɨra ikiam. Israelɨn ikɨzim ko men atriviba, me faragha nan ziar bar zuezim gasɨghasɨgha ghaze, a pura ziar kɨnim. Egh gɨn izamin dughiamɨn, me ua kamaghɨn damuan kogham. Me faragha asebar ziaba fa arazir bar kurabagh amua mati amizim tuavir amizibar arazibar gɨn zui. Egh gɨn me ua kamaghɨn damuan kogham. Eghtɨ men atrivibar kuaba, ua danganir kamɨn ikian kogham.

Obadia 1:21

Eghtɨ mɨdorozim gamua apaniba abɨniziba, me Saionɨn Mɨghsɨamɨn ghuavanangam. Kamaghɨn amizɨ, me Ison ovavir boribar mɨghsɨabagh ativagh dar ganam. Eghtɨ kɨ Ikiavɨra Itir God, kɨ uabɨ atrivimɨn ikiam.”

Maika 2:13

Ikiavɨra Itir God uan gumazamiziba kalabusɨn me fɨrigh, me inigh azenimɨn izam. Eghtɨ me kalabuziar dɨvazibar tiar akaba akar azenan izɨtɨ, men Atrivim a Ikiavɨra Itir God, a uabɨ men faragh mangam.

Sefanaia 3:20

Dughiar kamɨn, ia itir danganiba bar, kɨ ia inigh uamategh ian nguibamɨn izam. Egh ziar ekiam ia danightɨ, nguazimɨn gumazamiziba bar ian ziam fam. Egh Dughiar kamɨn, kɨ ian ingangaribar amutɨ da bar deragh otivam, eghtɨ ian dabirabim deragham. Kɨ Ikiavɨra Itir God, kɨ mɨkemegha gɨfa.”