Maika 4:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ikiavɨra Itir God kamaghɨn mɨgɨa ghaze, “Gɨn otivamin dughiamɨn, gumazamizir kɨ faragha ivezir kuram me ganɨga, kalabuziar gumazamizibar mɨn kantrin igharazimɨn amadaziba ko, suer kurar daruan iburaziba, kɨ ua me akuvam.

Maika 4:6 ပူးပေါင်းရင်းမြစ်များ

Sefanaia 3:19

Dughiar kamra, apanir ia abɨragha paza ia gamiziba, kɨ me gasɨghasigham. Ia Israelian tintinibar kantrin igharazibar itiba, ia mati sipsipba tintinibar ghuezɨ, ian sueba ikufi. Kɨ ia inigh ua ian nguibamɨn izam. Ia datɨrɨghɨn igharaz darazir damazimɨn bar aghumsɨki, ezɨ kɨ ian aghumsɨzim agɨvagh ziar ekiam ia danɨngam. Eghtɨ nguazimɨn danganiba bar, dar gumazamiziba ian ziaba fam.

Jon Osirizir Akar Aghuim 10:16

Kɨ sipsipɨn maba uaghan iti, da dɨvazir kamɨn sipsipba puvatɨ. Ezɨ kɨ sipsipɨn kaba uaghan men aku izam, eghtɨ me nan tiarim baragham. Eghɨva me bar sipsipɨn okoruar vamɨra ikɨtɨ, sipsipbagh eghuvir gumazir vamɨra bar me geghuvam.

Aisaia 56:8

Kɨ Ikiavɨra Itir God, ian Ekiam ghaze, Kɨ Israelian gumazamizir apaniba inigha kalabus gatɨziba, kɨ uamategh me inigh izam. Egh gumazamizir kɨ kalabusɨn inigha iza akuvaziba, kɨ ua gumazamizir igharazir taba inigh me gɨfuragham.

Onger Akaba 147:2

Ikiavɨra Itir God ua Jerusalemɨn nguibam akɨrigha, Israelian gumazamizir Babilonɨn kalabus itiba, ua me inigha ize.

Luk Osirizir Akar Aghuim 19:10

Gumazamizibar Otarim, gumazamizir ovengeziba bagha ruiava men akurvaghasa ize.”

Maika 2:12

Ikiavɨra Itir God ua kamaghɨn Jekopɨn ovavir boribav gɨa ghaze, “Kɨ uamategh Israelian gumazamizir itir varazira ua me akuvagham. Egh mati gumazim sipsipba inigha iza dɨvazimɨn aven me akuvi moghɨn, kɨ ua me akuvagham. Eghtɨ me kalabusɨn dɨpenibar tiar akabar uari akuvam. Eghtɨ gumazamiziba ua ian nguazim bar a gizɨvagham, mati sipsipɨn avɨrim grazir aghuir avɨribar tongɨn ikia ada api.”

Esekiel 36:24

“Bizir kɨ ia damuamin kam a kamakɨn, kɨ kantrin ia datɨrɨghɨn itibar, bar ia inigh izɨ ua ian nguazimra ia arɨgham.

Jeremaia 31:8

Bar guizbangɨra, kɨ notɨn amadaghan itir nguibar kam ko nguazir oteviba bar uan gumazamiziba inigh, ua men aku izam. Damazir kuraba itir gumaziba, ko suer kuraba itir gumaziba ko, amizir navir adaseba ko, amizir boriba batasava amiba, me uaghan izam. Eghtɨ gumazamizir avɨrim uamategh nguibar kamɨn izam.

Jeremaia 3:18

Eghtɨ dughiar kamɨn Judaba ko Israelia, uari inigh notɨn amadaghan itir nguazir me itim ategh izɨ uari akuvagham. Egh me izɨ nguazir kɨ ian inazir afeziabagh anɨngizimɨn ikɨtɨ, nguazir kam men adarazir nguazimɨn mɨn ikɨ, kamaghɨra ikiam.”

Onger Akaba 38:17

Nɨ fo, mɨzazir ekiar kam nan ikia kamaghɨra iti, ezɨ kamaghɨn kɨ irasava ami.