Maika 4:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kantrin avɨribar gumazamiziba izɨ suam, “Ia izɨ, e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam. Kar Jekopɨn Godɨn Dɨpenim. E mangɨtɨ a uan arazir a ifongezibar en sure damuam. Egh a uabɨ mɨsevezir tuavim, e an gɨn mangam.” E fo, Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam. Guizbangɨra, Jerusalemɨn nguibam, kar danganir Ikiavɨra Itir God uan akam isɨ, uan gumazamizibar anɨngamim, eghtɨ me azenan mangɨ an akam akunam.

Maika 4:2 ပူးပေါင်းရင်းမြစ်များ

Aisaia 2:3

Kantrin avɨribar gumazamiziba izɨ suam, “Ia izɨ e Saionɨn Mɨghsɨamɨn mavanangam, a Ikiavɨra Itir Godɨn mɨghsɨam. Kar Jekopɨn Godɨn Dɨpenim. E mangɨtɨ a uan arazir a ifongezibar en sure damuam. Egh a uabɨ mɨsevezir tuavim, e an gɨn mangam.” Moses Osirizir Araziba, Saionɨn Mɨghsɨamɨn ikegh mangɨtɨ gumazamiziba a iniam. Guizbangɨra, Jerusalemɨn nguibam, kar danganir Ikiavɨra Itir God uan akam isɨ uan gumazamizibar anɨngamim, eghtɨ me azenan mangɨ an akam akunam.

Jeremaia 31:6

Eghtɨ dughiar kamɨn, Efraimɨn anabamɨn adarazir gumazir eghuvir mɨghsɨabar itiba, me kamaghɨn dɨmam, ‘Ia bar moghɨra dɨkavigh izɨ, e Saionɨn Mɨghsɨamɨn mavanangam. E Ikiavɨra Itir God bagh mangam, en God.’ ”

Aposel 1:8

Godɨn Duam izighirɨ ia gizɨvaghtɨ, ia an gavgavim iniam. Eghtɨ bizir ia ganigha foziba, ia Jerusalemɨn nguibar ekiamɨn aven ko, Judian danganiba bar moghɨra ko, Samarian Distrik ko, nguazir kamɨn danganiba bar, me geghanam.”

Aisaia 54:13

Kɨ Ikiavɨra Itir God, kɨ uabɨ nɨn boriba bar men sure damuam, eghtɨ me dabirabir bar aghuim ikiam.

Onger Akaba 25:12

Gumazir Ikiavɨra Itir Godɨn atiatia an apengan itim, Godra, a bagha atɨzir tuavir aghuim an akaghtɨ, an an mangam.

Jon Osirizir Akar Aghuim 7:17

Ezɨ gumazitam Godɨn akam bar an gɨn mangasa ifonge, an akar kɨ mɨkemezir kamɨn mɨngarim bar a gɨfogham. Egh a fogham, akar kam Godɨn ize, o a pura nan nɨghnɨzimɨn ize.

Luk Osirizir Akar Aghuim 24:47

Eghtɨ nan ziamɨn, ia nan akam inigh mangam. Ia Jerusalem ikegh nan akam inigh nguazimɨn mɨkebaba bar dar mangɨ. Ia ikɨziba bar dar gumazamizibav kɨmtɨ, me navibagh iraghtɨ kɨ men arazir kuraba gɨn amangam.

Mak Osirizir Akar Aghuim 16:20

Ezɨ suren gumaziba nguazir kamɨn danganiba bar dar ghuava akam akuri. Ezɨ Ekiam me ko ingara uan akam gavgavim a ganɨga mirakelɨn araziba sara akakasi, kamaghɨn gumazamiziba fo, akar kam a guizbangɨra.

Sekaraia 14:16

Judaba uan apaniba abɨraghtɨ, men apanir mɨkeaghɨrɨziba, me azenibar zurara Jerusalemɨn izɨva Atrivimɨn ziam fam, a Ikiavɨra Itir Godɨn Gavgaviba Bar Itim. Egh me Averpenibar Ikiamin Dughiar Ekiamɨn aven ikiam.

Aposel 13:42

Egha Pol ko Barnabas Judaba God ko mɨgeir dɨpenim ataghɨrazima, gumazamiziba kamaghɨn aning mɨgei, “Gua Sabatɨn munamɨn dughiamɨn uamategh izɨva bizir kabar mɨgɨrɨgɨar taba uam e mɨkɨm.”

Jon Osirizir Akar Aghuim 6:45

Akar kam kamaghɨn Godɨn akam inigha izir gumazibar Akɨnafarimɨn iti, ‘God bar gumazamizibar sure damuam.’ Ezɨ kamaghɨn gumazamiziba Afeziamɨn akam baregha, Afeziam da fofozim isa na bagha izi.

Godɨn Araziba 6:1

Egha Moses ua kamaghɨn mɨgei, “Kar Ikiavɨra Itir God, en God, ian sure damuasa na mɨkemezir Akar Gavgaviba, arazir God ifongeziba ko bizir a damuasa ia mɨkemeziba. Ia mangɨ nguazir ia datɨrɨghɨn iniamim dapiagh, egh akar kaba bar dar gɨn mangɨ.

Sekaraia 2:11

Dughiar ekiar kɨ ian akurazɨ kamɨn, kantrin avɨribar gumazamiziba Ikiavɨra Itir God bagh izɨ, an gumazamizibar ikiam. Guizbangɨra, kɨ izɨ ia ko ikɨva ian tongɨn ikiam.” Bizir kam otoghtɨ, ia fogh suam, Ikiavɨra Itir Godɨn Gavgaviba Bar Itim, a uabɨ na amadazɨ kɨ ia bagha ize.

Hosea 6:3

E Ikiavɨra Itir God gɨfoghsɨ, bar puvɨra ingaram. E fo, mɨzarazibar, aruem zuraram anadi. E fo, aruem garir dughiaba gɨvaghtɨ, amozir dughiabar, amoziba nguazim giri. Kamaghɨra, e fo, Ikiavɨra Itir God izɨva deravɨra e damuam.”

Onger Akaba 110:2

Ikiavɨra Itir God nɨ damightɨ, nɨ Saionɨn nguibamɨn ikɨ gavgavir ekiam ikɨ nguibar avɨribagh ativagh dar ganam. God ghaze, nɨ uan apanibagh ativagham.

Onger Akaba 119:1

Gumazamizir, men daroriba Ikiavɨra Itir Godɨn damazimɨn osɨmtɨziba puvatɨziba, Ikiavɨra Itir Godɨn Arazibar gɨn zui, me bar akongegham!

Onger Akaba 119:171

Arazir nɨ ifongeziba, nɨ zurara nan sure gami. Kamaghɨn kɨ zurara nɨn ziam fam.

Onger Akaba 122:1

Kɨ orazi, me kamagh na mɨgɨa ghaze, “Ia dɨkavigh e mangɨ Ikiavɨra Itir Godɨn Dɨpenimɨn mangam.” Kɨ kamaghɨn oregha bar akonge.

Aisaia 56:7

Ezɨ gumazamizir kaba, kɨ me inigh uan Mɨghsɨamɨn mavanangam. Me nan Dɨpenir na ko mɨgeimɨn ikɨtɨ, kɨ me damutɨ me bar akuegham. Me nan ofa gamir dakozim izɨ, asɨzim tuaghtɨ a bar isi mɨghɨrighamin ofa ko, ofan igharaziba na danɨngtɨ, kɨ da iniam. Guizbangɨra, nan Dɨpenimɨn ingangarimɨn mɨngarim kamakɨn, kar Nguaziba Bar Men Gumazamiziba na ko Mɨgeir Dɨpenim.

Jeremaia 42:3

E kamaghsua, Ikiavɨra Itir God, nɨn God, tuavir manamɨn e mangam, ko bizir tizir e damuamim, an e mɨkemegh.”

Sekaraia 9:10

Ikiavɨra Itir God ghaze, Kɨ karisba ko, mɨdorozibagh amir hoziaba batueghtɨ, da ua Israelɨn tongɨn ikian kogham. Egh kɨ men bariba bar da apɨrarigham. Ian atrivim, kantrin ekiaba bar dar amightɨ, da mɨdorozir arazim ategh deraghvɨra dapiagh, navir amɨrizimɨn ikiam. A nguazir otevibar gumazamiziba bar me gativagh men ganam. Nguazir kaba, da ongarir ekiamɨn ikegh mangɨ ongarir saghon mar itibar tugham. Egh Yufretisɨn Faner ekiamɨn ikegh vongɨn amadaghan mangɨ bar saghon mar tugham.