Maika 3:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ian arazir kaba mati ia nan gumazamizibar iniba mɨsa men aghariba apɨragharɨgha dagh asegha, men tuziba aghoraghsua da api. Ia mati, me mɨnem daghuasa asɨzir tuzir agharibar itiba aghoraghsuegha da mɨnem gaghui.

Maika 3:3 ပူးပေါင်းရင်းမြစ်များ

Onger Akaba 14:4

Ikiavɨra Itir God kamaghɨn mɨgɨa ghaze, “Gumazamizir arazir kuram gamiba, nɨghnɨzir aghuitam men itir puvatɨ. Me bret apa anegevi moghɨn, me nan gumazamiziba agefi. Egha me tong na ko mɨgeir puvatɨ.”

Esekiel 11:3

Me ghaze, ‘E datɨrɨghɨn dɨpenibar ingaramin dughiam puvatɨ. E dera. En nguibar ekiam mati isaghapir mɨnem, ezɨ e asɨzir tuzibar mɨn an aven iti.’

Sefanaia 3:3

Men gumazir dapaniba mati laionba, mɨtiriam men azima me pamten arava aroi. Ezɨ men gumazir kotiaba tuisɨziba, mati afiar atiaba mɨtiriam puv men azi, ezɨ me asɨziba apava, gurumzaraghan bagha agharitam atɨzir puvatɨ.

Onger Akaba 27:2

Mati afiam asɨzimɨn tuzibar amasava ami moghɨn, nan apaniba na gasɨghasɨghsɨ izɨva, bizibagh asaghpor iregham.

Aisaia 3:14

Egha Ikiavɨra Itir God uan gumazamizibar gumazir dapaniba ko gumazir aruaba ko kotiam gamua kamaghɨn me mɨgei, “Nan gumazamiziba mati, nan wainɨn azenim, ezɨ iarara azenir kam gasɨghasigha, an itir biziba bar da okeme. Ia gumazamizir biziba otevezibar apangkuvir puvatɨ. Bar puvatɨ. Men bizir muziariba, ia me da da isava uan dɨpenibar da pozibav kɨri.

Esekiel 24:4

Egh sipsipbar tongɨn, sipsipɨn bar aghuir mɨkarzim sara ititam inigh a mɨsuegh aneghoregh, an gurir tuzir bar aghuim ko an sueba, ko an agharir aghuiba inigh mɨnem daghuigh. Egh agharir igharaziba isɨ asɨzibar apengan da amangigh, egh asɨzir aghariba ko tuziba avikigh.

Maika 2:8

Ikiavɨra Itir God kamaghɨn gumazir kabav gɨa ghaze, nan gumazamiziba, ia apanibar mɨn me gami. Men marazi mɨdorozim gamigha uamategha uan dɨpenibar izegha ghaze, e deragha uamategha izegha avughsi. Ezɨ puvatɨ, ia ghua me azenan azuir korotiaba men akɨragharibar da adangi.

Aghuzir Akaba 30:14

Ezɨ gumazamizir maba bar pazavɨra onganarazibagh amir gumazamizibagh ami. Men atariba mati sababa ko afuaba men akabagh izɨvazɨma, me onganarazibagh amir gumazamizibagh amua bar me agɨvasa.

Aisaia 3:15

Tina ia mɨkemezɨma, ia nan gumazamizibagh asɨghasɨsi, a? Ia gumazir biziba puvatɨziba paza me gami, mati me gumazim isa, nguazim mɨkɨnigha an dapanim dɨkaragha nguazim gisɨn a rɨghɨrɨsi. Kɨ Ekiam, kɨ Ikiavɨra Itir Godɨn Gavgaviba Bar Itim, kɨ guizbangɨra ia mɨgei, ia bar arazir kuram gami.”

Amos 8:4

Ezɨ Ikiavɨra Itir God ghaze, Israelia, Ia oragh. Ia Israelia, ia gumazamizir biziba oteveziba dɨkabɨra, egha gumazamizir onganarazir ian kantrin itiba ia me gasɨghasɨsi.