Maika 3:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Kɨ ghaze: “Ia oragh, ia Jekopɨn ovavir boribar gumazir dapaniba, ia Israelian gumazir aruaba, ia arazir aghuibagh nɨghnɨgh da bagh ingar.

Maika 3:1 ပူးပေါင်းရင်းမြစ်များ

Hosea 5:1

“O ofa gamir gumaziba, ia akar kam baragh. Ia Israelia, deravɨra kuaribar arigh nan akam baragh. Ia atrivimɨn adarasi, ia oragh. Ia kotɨn aven tughtɨ, kɨ deravɨra ian osɨmtɨziba tuisɨgham. Kɨ fo, ia ofa gamir gumaziba azuazimɨn mɨn gumazamizibagh ifarava me gekua, Mispan nguibam ko Taborɨn Mɨghsɨamɨn asebar ziaba fe. Kamaghɨn amizɨ, ia gumazamizir avɨribar nɨghnɨzibar suirazɨ, me okam nɨghnɨsi. Ia mati asɨzir atiabar suizir mozibar mɨn iti. Kamaghɨn amizɨ, kɨ ivezir kuram isɨ bar ia danɨngam.

Aisaia 1:10

Ia Jerusalemɨn gumazir dapaniba ko, gumazamiziba, ia mati fomɨra Sodom ko Gomoran ikezir gumazir kurabar mɨn iti. Egh ia datɨrɨghɨn bar deravɨra kuariba arigh Ikiavɨra Itir Godɨn akam baragh, a en God. A, ian sure damuamin akam, ia deravɨram a baragh.

1 Korin 6:5

Ia aghumsɨghasa, kɨ kamaghɨn mɨgei. Kɨ ghaze, ian tongɨn, gumazir fofozim ititam ti mar ikia, egha Kraisɨn adarazir tongɨn osɨmtɨziba tuisɨghamin fofozim ikiama.

Amos 4:1

Ia Samarian amiziba, ia akar kam baragh: Ia mati bulmakaun aghuibar mɨn grazir avɨrim apava ian mɨkarziba bar dera. Gumazamizir gavgaviba puvatɨziba, ia bar pazavɨra me gami. Egha ia osɨmtɨziba isa onganarazibagh amir gumazamizibagh anɨga, tong men apangkuvir puvatɨ. Egha ia uaghan uan pabar dia uari bagh wainɨn dɨpaba inigh izasa me mɨgɨa ghaze, “Ia wainɨn dɨpar avɨriba inigh izɨtɨ, e dar amɨ onganam.”

Onger Akaba 14:4

Ikiavɨra Itir God kamaghɨn mɨgɨa ghaze, “Gumazamizir arazir kuram gamiba, nɨghnɨzir aghuitam men itir puvatɨ. Me bret apa anegevi moghɨn, me nan gumazamiziba agefi. Egha me tong na ko mɨgeir puvatɨ.”

Godɨn Araziba 16:18

Egha Moses ua kamaghɨn mɨgɨa ghaze, “Ian anababa vaghvagh, nguibar Ikiavɨra Itir God, ian God ia ganɨdir kabar aven, jasba ko ingangarir gumazir igharazitaba amɨsefegh. Eghtɨ gumazir kaba guizɨn arazibar gɨn mangɨ, deraghvɨra gumazamizibar mɨgɨrɨgɨaba tuisɨgh.

Esekiel 9:9

Ezɨ a na ikaragha ghaze, “Israelɨn ikɨzim ko Judan ikɨzim arazir kurar bar avɨrim gami, ezɨ osɨmtɨzir bar ekiam iti. Nguazir kamɨn, arazir gumaziba uariv soghava ariaghirim bar ekefe. Ezɨ nguibar ekiar kamɨn gumazamiziba uarir ikɨzɨrɨzir arazim bar izɨfa. Me ghaze, Ikiavɨra Itir God ti nguazir kam akɨrim ragha a gasara. Egha en garir puvatɨ.

Esekiel 34:2

“O nguazir kamɨn gumazim, nɨ Israelian gumazir dapanibar atar ikuvighsɨ me mɨkɨm suam: Kɨ Ikiavɨra Itir Godɨn Ekiam, kɨ kamaghɨn ia mɨgei: Iavzika! Ia ivezir kuram iniam. Israelia mati sipsipɨn bɨzim, ezɨ ia mati sipsipbagh eghuvir gumaziba. Ia uarira uarir akuaghapi. Egha ia uan sipsipbar akuaghapir puvatɨ.

Maika 2:13

Ikiavɨra Itir God uan gumazamiziba kalabusɨn me fɨrigh, me inigh azenimɨn izam. Eghtɨ me kalabuziar dɨvazibar tiar akaba akar azenan izɨtɨ, men Atrivim a Ikiavɨra Itir God, a uabɨ men faragh mangam.

Nehemia 13:17

Ezɨ kɨ Judabar gumazir aruabar atara ghaze, “Ia orakigh! Ia bar arazir kuram gami. Ia Sabatɨn dughiam gamizɨ, a dughiar kɨnimɨn oto.

Esekiel 22:6

“Ia oragh! Ian tongɨn itir Israelian gumazir dapaniba bar uari uan gavgaviba fava igharaz daraziv suagharɨsi.

Esekiel 34:3

Ia sipsipɨn aghuir mɨkarziba sara itibav sogha da apava, dar arɨzibar ingarizir korotiabar uarir kurti. Egha ia dar akuaghapir puvatɨ.

Amos 6:1

Egha God ghaze: Iavzika, ia Saionɨn nguibamɨn gumazamizir deravɨra itiba, ko ia Samarian nguibamɨn itir gumazamiziba, Iavzika, ia kamaghɨn nɨghnɨgha ghaze, bizitam e gasɨghasighan kogham. Iavzika! Ia Israelɨn kantrin faragha zuir gumazir dapaniba, ia ghaze, e ziar ekiaba ikia, egha kantrin igharaziba bar me gafira. Ezɨ gumazamiziba akurvazim bagha ia bagha izi. Iavzika, ia bar moghɨra ikuvigham!