Maika 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ia Jekopɨn ovavir boriba, ia ghaze, Ikiavɨra Itir Godɨn apangkuvim ia ko ikɨvɨra ikiam, a? Egh bizir kuratamɨn ia damighan kogham, a? Puvatɨ. Ikiavɨra Itir God ghaze, gumazir nan damazimɨn arazir aghuibagh amiba, kɨ nɨmɨra me mɨgei.

Maika 2:7 ပူးပေါင်းရင်းမြစ်များ

Onger Akaba 84:11

Ikiavɨra Itir Godɨn Gavgavim, an aruemɨn mɨn tuavim en akakagha, oramɨn mɨn e modi. A en apangkuva egha ziar ekiam e ganɨdi. A gumazir an damazimɨn deraziba, a uan bizir aghuiba men anogorozir puvatɨ.

Jeremaia 15:16

O Ikiavɨra Itir Godɨn Bar Gavgaviba Itim, nɨ uan ziam na garɨzima, kɨ nɨ nan anavɨra. Ezɨ nɨn akam na batogha, mati nan daghemra mɨn iti, mati dagher mam, gumazim, a isa anepava gavgavim namnam ko duam ganɨdi. Ezɨ nɨn akam na gamima, kɨ uan navir averiamɨn aven bar akongegha nan navim dera.

Onger Akaba 15:2

Gumazim, God ifongezɨ moghɨn biziba bar dar gɨn ghua, arazir aghuiba zurara dagh amua, egha zurara uan navir averiamɨn aven guizɨn akam gɨnɨghnɨgha guizbangɨra mɨgei, a nɨn Dɨpenimɨn aven ikiam.

Sekaraia 4:6

Ezɨ ensel Ikiavɨra Itir Godɨn akam, gavmanɨn gumazir dapanim Serubabel danɨngasa, kamaghɨn na mɨgei, “Kar, Ikiavɨra Itir Godɨn Gavgaviba Bar Itimɨn akam: Nɨ ingangarim damusɨ, nɨ uan mɨdorozir gumazibar gavgavim ko, nɨ uan gavgavimɨn amodoghɨn bizibar amuam markɨ. Bar markɨ. Nan Duamɨn gavgavim nɨ ko ikɨtɨ, nɨ gavgavir kamɨn amodoghɨn ingangaribar amuam.

Hosea 14:9

Gumazir nɨghnɨzir aghuarim itiba, me akɨnafarir kamɨn aven tir mɨgɨrɨgɨaba, me dar fofozir aghuim iniam. Ezɨ kɨ kamaghsua, me akar kam gɨnɨghnɨgh, egh an gɨn mangam. Ikiavɨra Itir Godɨn Araziba bar dera, ezɨ gumazamizir aghuariba dar gɨn zui. Ezɨ gumazamizir arazir kurabagh amiba, me dar gɨn zuir puvatɨ. Kamaghɨn amizɨ, me asaghpora iri.

Aisaia 50:2

“Egha kɨ iza ia bagha rui gari, ezɨ manmaghɨn amizɨ gumazitam itir puvatɨ? Egha kɨ ian deir dughiamɨn, ia tizim bagha nan dɨmdiam ikarvaghan aghua? Ia ti ghaze, kɨ ua ia inian gavgaviba puvatɨ. Ia ghaze, kɨ ian akurvaghamin gavgaviba puvatɨ. Kɨ mɨkɨmtɨ, ongarim bar dakegham. Kɨ mɨkɨmtɨma, faner ekiaba bar dakegh gigir kɨnibar otivigham. Eghtɨ dar osiriba arɨmɨghiregh kuram.

Aghuzir Akaba 28:18

Gumazim arazir aghuimɨn gɨn zui, a deragh ikiam. Ezɨ gumazir arazir kuram gamim, a zuamɨra ikuvigham.

Aghuzir Akaba 10:29

Ikiavɨra Itir God bar deraghavɨra gumazamizir aghuibar gari. Egha a gumazamizir arazir kurabagh amiba gasɨghasɨsi.

Aghuzir Akaba 10:9

Gumazir aghuiba deraghvɨra ikiam. Ezɨ gumazir arazir kurabagh amim, a uan arazir kuraba mongɨva avegham, God adagh fogham.

2 Timoti 3:5

Egh me pura ifar mɨkɨm suam, me Godɨn gɨn zui. Me guizbangɨra akɨrim ragha Godɨn gavgavim gasara. Nɨ gumazir kamaghɨn amibar saghon ikɨ.

2 Korin 6:12

E uan navibar kuazɨ pu. Puvatɨ. E ia bagha bar ifonge. Ezɨ ia uari uan navibar kumi. Ezɨ navir vamɨran itir arazir kam, en tongɨn itir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 7:13

Ezɨ manmakɨn? Bizir aghuir kam ti na gamizɨ kɨ ovenge? Bar puvatɨ. Arazir kuram uabɨ na gamizɨ kɨ ovenge. God kamaghɨn ifonge, arazir kuram azenim girɨghtɨma e bar fogh suam, arazir kuram a bar bizir kuram. Kamaghɨn amizɨ God arazir kuramɨn amamangatɨzɨ, arazir kuram bizir aghuir kamɨn aven otogha na gamizɨ kɨ ovenge. Kamaghɨn amizɨ Moses Osirizir Arazibar tuavimɨn, God guizbangɨra kamaghɨn en aka, arazir kuram bar kurigha mughasi.

Jon Osirizir Akar Aghuim 8:39

Ezɨ Judaba Iesusɨn akam baregha a ikaragha ghaze, “Abraham, en afeziam.” Ezɨ Iesus kamaghɨn me mɨgɨa ghaze, “Ia guizɨn Abrahamɨn boriba kamaghɨn, ia an mɨrara arazir an amizibar amuam.

Matyu 3:8

Ia navim gɨrazir arazibar amu.

Maika 3:9

Ia Jekopɨn ovavir boribar gumazir dapaniba deragh na baragh, ia guizɨn arazibar aghua. Ia Israelian gumazir aruaba, ia arazir aghuibagh irazɨ, da ghua arazir kurabar mɨn otifi.

Jeremaia 2:4

Ia Jekopɨn ovavir boriba, ia bar Israelian ikɨziba, ia bar Ikiavɨra Itir Godɨn akam baragh.

Aisaia 58:1

Ikiavɨra Itir God kamaghɨn Aisaia mɨgei, “Nɨ bar pamtemɨn dɨm! Egh aghumra dɨman markɨ! Nɨ tiarir arozim akar, mati sɨgham arang kamaghɨn nan gumazamiziba mɨkɨm, me nan Akar Gavgavibar gɨntɨzir puvatɨ. Nɨ Jekopɨn ovavir boribar arazir kurabar gun me mɨkɨm.

Aghuzir Akaba 14:2

Gumazir arazir aghuimɨn gɨn zuim, a Ikiavɨra Itir Godɨn atiatia an apengan iti. Ezɨ gumazir arazir ifavarimɨn gɨn zuim, “A ghaze, Ikiavɨra Itir God pura bizim.”

Aghuzir Akaba 2:7

Egha a gumazamizir arazir aghuibar gɨn zuiba, nɨghnɨzir aghuiba me ganɨdi. Gumazamizir deraghavɨram aruiba, a bar deraghavɨra men garima me osɨmtɨziba puvatɨ.

Onger Akaba 119:65

O, Ikiavɨra Itir God, kɨ nɨn ingangarir gumazim, nɨ uan akamɨn mɨkemezɨ moghɨn arazir aghuimɨn na gami.

Dɨboboniba 11:23

Ezɨ Ikiavɨra Itir God Moses ikaragha ghaze, “Kɨ ti gavgaviba puvatɨghama? Nɨ kɨran oveghangɨn ganigh fogham, nan mɨgɨrɨgɨam ti daghem otogham, o puvatɨgham.”

Onger Akaba 119:68

Nɨ bar deragha nɨn apangkuvim bar ekefe. Kamaghɨn, nɨ uan arazir ifongezibar nan sure damu.

Onger Akaba 18:26

Gumazir nɨn damazimɨn zuezir arazibagh amim, nɨ uaghan uan arazir zuezibar an akakasi. Eghtɨ gumazir arazir kuramɨn gɨn zuim, nɨ uaghan arazir kuramɨn a ikarvasi.