Maika 2:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Kamaghɨn amizɨ, ia Ikiavɨra Itir Godɨn gumazamiziba, ia gɨn ua izɨ uari akuvagh, nguazim abigh uari danɨngɨsɨ, a bagh satu gikarangamin dughiam, ia gumazir arazir kurabagh amiba, ian ovavir boriba nguazir otevir katam inighan kogham.

Maika 2:5 ပူးပေါင်းရင်းမြစ်များ

Josua 18:4

Ia 7plan anabar nguaziba puvatɨzibar gumaziba vaghvagh men aven, 3plan gumazibav sefegh. Eghtɨ kɨ me amadaghtɨ me nguazim bar a daruva, an gan nguazir me ifongeziba uari bagh ada inisɨ, da osirigh, gɨn uamategh na bagh izɨ, osirizir eghaghanir kam na danɨngigh.

Godɨn Araziba 32:8

Godɨn Bar Pɨn Itim, a nguazir oteviba isa da tuiragha, bar vaghvagha kantribar gumazamizibagh anɨngi. A gumazamiziba dapiamin nguaziba, a bar dar mɨtaghniaba me bagha da abigha gɨfa. A Israelian dɨbobonimɨn gɨn ghua, nguazir mɨtaghniaba arɨsi, eghtɨ me dar ikiam.

Josua 18:10

Ezɨ Josua Silon ikia fofoghasa, Ikiavɨra Itir Godɨn damazimɨn satu gikararai, eghtɨ, a manmaghɨra nguaziba abigh vaghvagh men 7plan anababar anɨngam. Egha a gɨn nguazir kaba abigha Israelian anababa vaghvagha me ganɨdi.

Hosea 9:3

Egh ia Efraimia, ia uam Ikiavɨra Itir Godɨn nguazimɨn ikian kogham. Eghtɨ ian tarazi uamategh mangɨ Isipɨn kalabuziabar mɨn ikiam. Eghtɨ ian tarazi uaghan Asirian kantrin mangɨ kalabuziabar mɨn ikiam. Ia kantrin kamningɨn ikɨ dagher God anogoroghezibar amam.

Onger Akaba 16:6

Kɨ bizir aghuiba nɨn dafarimɨn da ini. Bar guizbangɨra, bizir kaba da bar guizbangɨra dera.

Nehemia 7:61

Ezɨ Delaian ikɨzim, ko Tobian ikɨzim, ko Nekodan ikɨzim, men gumazibar dɨbobonim, 642. Men nguibabar kara: Telmela, ko Telharsa, Kerup, Adon ko Imer. Gumazir kaba uari uan inazir afeziabar ziabagh fozir puvatɨ. Kamaghɨn amizɨ, me deravɨra gumazir dapanibar uari akaghan kogh suam, me guizbangɨra Israelian adarasi, o puvatɨ.

Godɨn Araziba 23:8

Eghtɨ men gɨn otivamin azɨziba, merara Ikiavɨra Itir Godɨn gumazamizibar tongɨn ikiamin tuavim iti.”

Godɨn Araziba 23:2

“Eghtɨ gumazitam, amizim ko uaningɨn itir puvatɨgha, a koma akua borim a ganɨngi, eghtɨ amizim oteghamin borir kam, a Ikiavɨra Itir Godɨn gumazamizibar tongɨn ikian kogham. Eghtɨ an ovavir borir gɨn otivamiba me uaghan zurara Ikiavɨra Itir Godɨn gumazamizibar tongɨn ikian kogham.

Dɨboboniba 34:13

Ezɨ Moses kamaghɨn Israelia mɨgei, “Ikiavɨra Itir God, Akar Gavgavir kam ia ganɨdi. Ia, 9plan Israelian anababa ko Manasen anabamɨn akuar me tuirazimningɨn mam bagh, satu gikararangɨva uari bagh nguazir kaba tuiragh ada inigh.

Dɨboboniba 34:16

Ezɨ Ikiavɨra Itir God kamaghɨn Moses mɨgei,

2 Atriviba 17:23

Ezɨ gɨn Ikiavɨra Itir God bar men aghua, egha me batoghezɨ me uan kantrin saghon ghue. Ikiavɨra Itir Godɨn arazir kamɨn mɨngarim kamakɨn, God dughiar avɨriba ikiangsɨzir akaba isa Israelia bagha uan akam inigha izir gumazibagh anɨngi. Kar an ingangarir gumaziba, ezɨ me arua Israelia mɨgɨavɨra iti, ezɨ me me baraghan aghua. Kamaghɨn amizɨ, Asiriaba iza Israelia mɨsogha me abɨragha, me inigha uan kantrin ghue, ezɨ me kantrin kamɨn ikiavɨra iti.

1 Eghaghaniba 16:18

Ikiavɨra Itir God kamaghɨn mɨgɨa ghaze, “Kɨ Kenanɨn nguazim nɨ danɨngam, eghtɨ nguazir kam nɨn ovavir boribar nguazimɨn ikiam.”