Maika 2:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ia bativamin bizir kaba otivtɨ, gumazamiziba ia geghan akam ia gasɨ ia mɨkɨmam. Egh me kamaghɨn azirakar ighiar amɨrizibar amuam: ‘E bar moghɨra bar ikufi. Ikiavɨra Itir God, en nguazim inigha en apanir igharazibagh anɨngi. Gumazir kaba e inigha ghua nguazir igharazimɨn e isa kalabus gatɨ. Maia! A datɨrɨghɨn manmaghɨn en nguazir, e da inizim ikarvagh e damuam?’ ”

Maika 2:4 ပူးပေါင်းရင်းမြစ်များ

Habakuk 2:6

Eghtɨ gumazamizir men apengan itiba, me dɨbovir akabar men garir gumazibav kɨmam. Me kamaghɨn me mɨkɨm suam, “Iavzika! Ia gumazir igharaz darazir biziba okeiba, ia bar ikuvigham. Ia manadɨzoghɨn arazir gumaziba pura ian biziba inizɨ, ia men avɨghtɨ me zuamɨra uam ada ikarvaghamin arazir kam ataghɨragham?”

Maika 1:15

Ezɨ ia Maresan nguibamɨn adarasi, Ikiavɨra Itir God, ia isɨ ian apanibar dafarim datɨghtɨ, me ian nguibam inigham. Eghtɨ Israelian gumazir dapaniba arɨ mangɨ, Adulamɨn dagɨar toribar aven muegham.

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Aisaia 24:3

Nguazim bar moghɨra ikuvigh pura ikiam. Bizir kaba otivasa Ikiavɨra Itir God mɨkemegha gɨfa.

Aisaia 6:11

Egha kɨ kamaghɨn an azara, “O Ekiam, kɨ ingangarir kam damu mangɨ man dughiamɨn tugham?” Ezɨ a kamaghɨn nan akam ikaragha ghaze: “Nɨ ingangarir kam damu, mamaghɨra ikɨ mangɨtɨ nguibar ekiaba bar ikuvigham, eghtɨ nguazim ikuvightɨ, dɨpeniba pura mɨsevir kɨnibar ikiam, eghtɨ gumazamizitaba uam a dar ikian kogham.

Godɨn Araziba 28:29

Egh ia aruer arɨzimɨn gumazir damazir okavizimɨn mɨn punpunigh daru pura suighsuigh tuavim buri egh tam batoghan kogham. Eghtɨ bizir ia amiba tamɨn daghetam deragh otoghan kogham, mati gumazim mɨtarmemɨn aven arui mokɨn. Eghtɨ gumaziba zurara ia abɨnɨva ian biziba okɨmam, eghtɨ gumazir ian akurvaghamiba puvatɨgham.

Dɨboboniba 23:7

Ezɨ Balam maghɨra God a mɨkemezir akabar gun me mɨgei: “Moapian Atrivim Balak, Aramɨn kantrin aven aruem anadi naghɨn mɨghsɨabar na inigha kagh ize. Egha ghaze, ‘Nɨ izɨ na bagh mɨkɨm. Me ikuvighsɨ nɨ akavsiatam Israelian gumazamizibar atɨghtɨ, nɨn aseba me damutɨ, me ikuvigham.’

Mak Osirizir Akar Aghuim 12:12

Ezɨ me fo an akar isɨn zuim me gasara, ezɨ kamaghɨn me an suiragh a iniasa tuaviba buri. Egha me an suighasa gumazamizibar atiatigha, anetegha ghue.

Sefanaia 1:2

Ikiavɨra Itir God kamaghɨn Sefanaia mɨgei: “Kɨ nguazir kamɨn itir biziba bar ada avigha da makunizɨ moghɨn, dagh asɨghasigham,

Maika 2:10

Ia gumazir arazir kurabagh amua nan damazimɨn zuezir puvatɨziba, ia kagh deravɨra ikiamin danganir aghuiba puvatɨgham. Kɨ bar pazavɨra ia gasɨghasigham. Kamaghɨn amizɨ, ia dɨkavigh mangɨ.

Amos 5:1

O Israelia, ia oragh! Ia mati gumazim aremezɨ moghɨn iti. Kamaghɨn amizɨ, kɨ azirakar ighiar mam ia bagh a bangɨtɨ, ia a baragham.

Joel 1:13

E uan Godɨn Dɨpenimɨn ofa damuamin dagheba ko wainba puvatɨ. Kamaghɨn amizɨ, ia ofa gamir gumazir ofa gamir dakozimɨn ingangarim gamiba, ia azirakar korotiar pɨziba aghuigh egh azi. Ia dɨmagarimɨn azirakar korotiar pɨziba aghuigh, Godɨn Dɨpenimɨn aven mangegh ikɨ mangɨtɨ amɨnim tiragh.

Joel 1:8

Ia gumazamiziba, ia azi, mati guivir igiam gumazir igiamɨn ikiasa a ginabazɨ an areme, ezɨ a uan pam bagha puv azia, azirakar korotiar pɨziba aghui.

Esekiel 16:44

Ikiavɨra Itir God ua kamaghɨn mɨgɨa ghaze, “O Jerusalem, gɨn gumazamiziba nɨn gan aghuzir akar otevir kamɨn nɨ mɨkɨmam, ‘Guivim uan amebamɨn araziba bar ada ini.’

Esekiel 2:10

Ezɨ God akɨnafarir rɨghizir kam nan damazimɨn an onezɨ, kɨ garima, tuater arareba ko, azirakar ighiaba ko, gumazamiziba osɨmtɨziba itir akaba, me da osirizɨ, da vong ko vong sara iti.

Jeremaia 14:18

Kɨ nguibar ekiamɨn azenan ghua gari, mɨdorozimɨn ariaghirezir gumazibar kuaba irav iti. Egha nguibar ekiamɨn tuavibar aven arua gumazir dagheba otevezibar gari, me arɨava men mɨkarziba ikuvigha aghariba guni. Kɨ arua garima, akam inigha izir gumaziba ko ofa gamir gumaziba purama arua bizitam gɨfozir puvatɨ.’ ”

Jeremaia 4:13

Ezɨ kɨ Jeremaia, kɨ Ikiavɨra Itir Godɨn akamɨn, kamaghɨn gumazamizibav gei, “Ia gan! Apaniba ghuariar pɨzimɨn mɨn pɨghatome, men mɨdorozir gumazibar karisba, mati amɨnir bizibagh asɨghasɨzim pamten iza tɨngagha nɨdi, ezɨ men hoziaba mati kuarazir bagabar mɨn akɨzɨrɨgha bar puvɨra izi. Evzika! E datɨrɨghɨn bar ikuvigha gɨfa.

Aisaia 14:4

Eghtɨ Ikiavɨra Itir God kamaghɨn damightɨ, ia Babilonɨn atrivim gɨnɨghnɨgh ighiar dɨbovir akar kam damuam. Ighiar kam kamakɨn: “Maia! Ia ganigh, atrivir gavgavim irɨgha gɨfa. Manmaghɨn amizɨ, atrivir puvɨra atara uan ziam fer kaba irɨ? Ikiavɨra Itir Godra, paza gumazibagh amir gumazir kurar kabar gavgavim agɨfa.

Jopɨn Akɨnafarim 27:1

Jop ua kamaghɨn mɨgei:

2 Eghaghaniba 35:25

Ezɨ akam inigha izir gumazim Jeremaia, Atrivim Josaia bagha azirakar ighiar mam osiri. Ezɨ dughiar kamɨn iza datɨrɨghɨn, gumaziba ko amizir azir akabagh amiba, me Atrivim Josaia gɨnɨghnɨgha azirakar ighiar kam gamuavɨra iti. Ezɨ osɨmtɨzibar dughiabar, Israelia zurara arazir kamɨn gɨn ghua azirakar kam gami. Azirakar ighiar kam, Azir Akabar Akɨnafarimɨn iti.

2 Samuel 1:17

Egha Devit bar osemegha, Sol uan otarim Jonatan ko aning gɨnɨghnɨgha aghuimazir ighiam bange.

Dɨboboniba 24:15

Egha akar kam kamaghɨn a mɨgei: “Kɨ Beorɨn otarim Balam, ia nan mɨgɨrɨgɨaba baragh. Kɨ deraghavɨra bizibar gara dav geir gumazim.

Dɨboboniba 24:3

a kamaghɨn mɨgei: “Kɨ Beorɨn otarim Balam, ia nan mɨgɨrɨgɨaba baragh. Kɨ deraghavɨra bizibar gara dav geir gumazim.

Dɨboboniba 23:18

Ezɨ Balam kamaghɨn a mɨgei: “O Siporɨn otarim Balak, nɨ dɨkavigh izɨva akar kɨ mɨkɨmamiba baragh.

Jeremaia 6:12

Kɨ Ikiavɨra Itir God, kɨ kantrin kamɨn itir gumazamiziba uan gavgavir ekiamɨn bar me gasɨghasigham. Egh igharaz darazir amamangatɨghtɨ, me izɨ men dɨpeniba ko nguaziba ko men amuiba iniam.

Jeremaia 8:10

“Men gumazir ziaba itiba ko ziaba puvatɨziba sara arazir kurar kam gami. Ezɨ men ofa gamir gumaziba ko akam inigha izir gumaziba uaghan gumazamizibagh ifari. Kamaghɨn, kɨ men azeniba ko amuiba isɨ azenan itir gumazir igharazibar anigam.

Maika 1:8

Ezɨ Maika kamaghɨn mɨgei: “Bizir kaba otivam, eghtɨ nan navim bightɨ kɨ aziam. Kɨ uan osɨmtɨzir kam akakaghsɨ dagarir asuabar aghuan kogham, kɨ pura inir kurar bɨbɨziba ikiam. Egh kɨ afiar atiabar mɨn arongam. Egh kɨ ponemɨn mɨn arangam.

Jeremaia 9:16

Kɨ me batuegh me amadaghtɨ, me mangɨ tintinibar kantrin fomɨra men inazir afeziaba ko me fozir puvatɨzibar tongɨn me ko ikiam. Eghtɨ kɨ apanibar amamangatɨghtɨ, me men gɨntɨgh mangɨ dughiar kɨ me gasɨghasɨghamim otogham.”