Maika 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia gumazir arazir kurabagh amua nan damazimɨn zuezir puvatɨziba, ia kagh deravɨra ikiamin danganir aghuiba puvatɨgham. Kɨ bar pazavɨra ia gasɨghasigham. Kamaghɨn amizɨ, ia dɨkavigh mangɨ.

Maika 2:10 ပူးပေါင်းရင်းမြစ်များ

Godɨn Araziba 12:9

Ia Ikiavɨra Itir God, ian God, ia ganɨngizir nguazir kam, ia an aven ghuezir puvatɨ. Ia gɨn an aven mangeghtɨ a dabirabir aghuim ia danightɨ, ia navir amɨrizimɨn ikɨva avughsam.

Onger Akaba 106:38

Me uari uan otariba ko guivibav sozi me ariaghiri. Men boriba osɨmtɨzitaba puvatɨ, ezɨ me me isa pura me mɨsozi me ariaghiri, ezɨ me me isa Kenanian aseba bagha ofa gami. Men arazir kamɨn, men boribar ghuziba ira egha men nguazim gamizɨ, a Godɨn damazim mɨze.

Jeremaia 10:18

Ikiavɨra Itir God, kamaghɨn ia mɨgɨa ghaze, “Dughiar kamɨn kɨ nguazir kamɨn itir gumazamiziba batueghtɨ me mangegham. Kɨ osɨmtɨzir ekiam me danightɨ, me mɨzazir ekiam baragham.”

Jeremaia 9:19

Guizbangɨra, Saionɨn nguibar ekiamɨn aven, gumazamiziba kamaghɨn ara egha azirakar ighiabagh amua ghaze, ‘Aio! E bar ikufi! Apaniba en dɨpenibagh asɨghasigha gɨfa. Ezɨ e uan nguazim ategham. Kamaghɨn e bar aghumsɨki.’ ”

Onger Akaba 95:11

Kamaghɨn amizɨ, kɨ anɨngaghegha kamaghɨn me mɨgɨa ghaze, ‘Me nan aghuvsazir danganimɨn aven mangɨghan kogham. Bar puvatɨ!’ ”

2 Eghaghaniba 7:20

kɨ nguazir Israelia ia ganɨngizimɨn bar ia batuegham. Eghtɨ ikɨzir igharazibar gumazamiziba dɨbovir akabar ia mɨkɨm ia gasɨghasɨgham. Eghtɨ kɨ uaghan, akɨrim ragh Dɨpenir kɨ uan ziam bagha inabazim gasaragham, egh uam a gɨnɨghnɨghan kogham.

2 Atriviba 17:6

Ezɨ namba 9ɨn azenimɨn Hosia Israelian atrivimɨn itima, Asirian atrivim Samariaba dɨkabɨragha, men nguibar ekiam ini. Egha a Israelia inigha Asirian kantrin ghu. Egha marazi isa Halan nguibar ekiam gatɨ, egha marazi isa Gosanɨn Distrighɨn aven itir, Haborɨn Fanemɨn boroghɨra me arɨki. Ezɨ marazi Midian kantrin nguibabar iti.

2 Atriviba 15:29

Peka Israelian atrivimɨn itir dughiamɨn, Asirian Atrivim, Tiklat Pileser iza, Israelia mɨsogha, Ijonɨn nguibar ekiam, ko Abel Betmakan nguibar ekiam, Janoan nguibar ekiam, Kedesɨn nguibar ekiam, Hasorɨn nguibar ekiam, Gileatɨn Distrik, Galilin Distrik, ko Naptalin anabamɨn nguaziba bar ada ini. Egha a danganir kabar gumazamiziba inigha, Asirian kantrin ghua me isa kalabuziabar mɨn ingangarir gumazamizir kɨnibar me arɨki.

1 Atriviba 9:7

kɨ nguazir Israelia ia ganɨngizimɨn bar ia batuegham. Eghtɨ ikɨzir igharazibar gumazamiziba dɨbovir akabar ia mɨkɨm ian ziam gasɨghasɨgham. Kɨ uaghan, akɨrim ragh Dɨpenir kɨ ua bagha inabazim gasaragham, egh uam a gɨnɨghnɨghan kogham.

Godɨn Araziba 30:18

kɨ guizbangɨra ia mɨgei, ian apaniba bar ia gasɨghasigh bar ia agɨvagham. Eghtɨ ia Jordanɨn Fanemɨn vongɨn iniamin nguazim dughiar ruarimɨn an ikeghan kogham.

Godɨn Araziba 4:26

Ia oragh, kɨ datɨrɨghɨn overiam ko nguazimɨn diazɨ, aning orazi kɨ akar gavgavir kamɨn ia mɨgei. Ia Godɨn akam batogh egh deravɨra uari bagh gan. God bar zuamɨra nguazir kamɨn ia batuegham. Ia Jordanɨn Fanemɨn vongɨn nguazir ia datɨrɨghɨn iniamin kam, ia dughiar ruarimɨn an ikeghan kogham. Puvatɨgham. Ia bar moghɨrama arɨmɨghiregham.

Jeremaia 3:2

Ia kogh mɨghsɨabar ganɨva deraghvɨra nɨghnɨgh. Ia mɨghsɨar kabanangɨn, ti dar tam gisɨn gumaziba ko amiziba uari isava akuir arazim gamizɨ moghɨn, asebar ziaba fez, o? Puvatɨ, ia mɨghsɨabar vaghvagha arazir kam gami. Ia aseba baghavɨra iti, mati tuavimɨn amizim, tuavir mɨriabar apiav ikia gumaziba bagha gari. Egha uaghan mati Arebiabar mɨn gumazamiziba puvatɨzir danganibar mogav ikia gumazibar biziba okɨmasa me mɨzua iti. Ia mati amizim gumaziba isa me koma akuir arazir kuram gami moghɨn, uan nguazim gamizɨ, a nan damazimɨn bar mɨze.

Esekiel 36:17

“Nguazir kamɨn gumazim, Israelɨn ikɨzim uan nguazimɨn itir dughiamɨn, me arazir bar mɨzɨrɨzibagh amua, nguazir kam gasɨghasɨki. Me mati, amizim uan iakɨnir arɨmariabagh amua nan damazimɨn mɨze.

Esekiel 36:19

Kɨ men arazir kurar me amizir kaba tuisigha da ikarvagha me batoghezɨ, me tintinibar kantrin igharazibar ghue.