Maika 2:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ia gumazir dɨmagaribar akui puvatɨgha, arazir kurabar amuasa nɨghnɨgha itiba, amɨnim tirazɨ arazir kurar kam damuamin tuavim otozɨ, ia zuamɨrama a gami. Ia kamaghɨn amir gumazamiziba iavzika! Ia bar ikuvigham.

Maika 2:1 ပူးပေါင်းရင်းမြစ်များ

Onger Akaba 36:4

Me uan mɨsiabagh irav ikia arazir kurabara damuasa nɨghnɨsi. Me zurara tuavir kuramɨn nɨghnɨzibar gɨn mangasavɨra nɨghnɨsi. Egha tong akɨrim ragha arazir kuratam gasarazir puvatɨ.

Aisaia 32:7

Ezɨ ifavarir gumazamiziba, nɨghnɨzir kurar bar avɨriba men dapanibagh izɨfa. Me gumazamizir biziba puvatɨziba, dɨkabɨnasa men kotiaba adafi. Me, onganarazibagh amir gumazir arazir kurabagh amir puvatɨziba, me kotɨn aven ifavarir arazir igharazibar mɨgɨrɨgɨabar me gami.

Nahum 1:11

Ia Niniven adarasi, ian mav nɨghnɨzir kuram iti, egha a pazɨ Ikiavɨra Itir God damuasa akam akɨri.

Akɨnafarir Pol Romɨn Nguibar Ekiamɨn Itir Sios Bagha Osirizim 1:30

Egha mɨgɨrɨgɨar ifavarir gumazamizir igharazibar ziabagh asɨghasɨzibagh ami. Egha Godɨn apanim gamua, egha tiraghtirazir arazim gamua, egha uan navir averiabar aven ghaze erara e bar dera, egha me uari uan ziaba fe. Egha me uari arazir kurar igiar mabagh ami da otifi. Egha me uan afeziaba ko amebabar akaba batosi.

Jeremaia 18:18

Gumazamiziba kamaghɨn mɨgɨa ghaze, “Jeremaia guizbangɨra akatamɨn mɨgeir puvatɨ. Kamaghɨn, e Jeremaia mɨsoghsɨ tuaviba buriam. E ghaze, Ofa gamir gumaziba suren akam akurir ingangarim ataghɨraghan kogham. Eghtɨ gumazir nɨghnɨzir aghuim ko fofozir aghuiba itiba, me uan nɨghnɨzim ko fofozir aghuim ateghan kogham. Eghtɨ akam inigha izir gumaziba Godɨn akam e mɨkɨmvɨra ikiam. Kamaghɨn amizɨ, e Jeremaia baraghan kogham. E a isɨ kotiam darɨgham.”

Aisaia 59:3

Egha ian dafariba gumaziba mɨsozi me ariaghɨrima, men ghuziba ian dafaribar pueghavɨra iti. Ian dafariba arazir kurabagh ami. Ian akaba, akar ifavarir guar avɨribagh ami. Akar kurabar ian mɨzebar otivaghiri.

Aghuzir Akaba 4:16

Gumazir kuraba arazir kuratam damusɨ nɨghnɨgh egh dakuighan kogham. Me arazir kuratam gumazir igharazitam damighvɨrama, egh me deraghvɨra dakuam.

Aghuzir Akaba 3:27

Eghtɨ gumazitam bizitam puvatɨgh egh uabɨ danɨngɨsɨ nɨn azangsɨghtɨ, nɨ kamaghɨn mɨkɨman markɨ, “Puvatɨ.” Nɨ a damuamin tuavim ikɨtɨ, nɨ a danɨngigh.

Jenesis 31:29

Kɨ arazir kuratam nɨ damuamin gavgavim iti, ezɨ nɨn afeziamɨn God dɨmangan nan anogorogha ghaze, ‘Nɨ Jekop mɨgɨrɨgɨar kuratam o aghuitamɨn a damuan bar markɨ.’

Aposel 23:12

Egha amɨmzaraghan Judan gumaziba uari akuvagha Pol mɨsueghtɨ an aremeghasa God ko akam akɨri. Me kamaghɨn akam akɨra ghaze, “E daghetam o dɨpatam rameghan kogh, mangɨtɨ dughiar Pol aremeghamim otogham.”

Jon Osirizir Akar Aghuim 19:11

Ezɨ Iesus kamaghɨn an akam ikaragha ghaze, “Godɨn pɨn itim, a gavgavim nɨ ganɨngizir puvatɨzɨ, nɨ na dɨkabɨnamin gavgaviba puvatɨghai. Ezɨ gumazir na isa nɨn agharim gatɨzim, an arazir kuramɨn osɨmtɨzim, a nɨn arazir kuramɨn osɨmtɨzim, bar a gafira.”

Godɨn Araziba 28:32

Ia pura gantɨ, ikɨzir igharazibar gumaziba izɨ ian otariba ko guiviba inigh mangam. Eghtɨ ia zurara dughiabar me uamateghsɨ me bagh tuavir akabar gan mangɨ ian damaziba puvɨra ia damuam. Egh ia ua boriba inigh izɨsɨ bizitam damuva avegham.

Aposel 23:15

Ezɨ datɨrɨghɨn ia ko Judan kotɨn aven itir gumaziba, ia mɨdorozir gumazibar gumazir dapanim kamaghɨn a bagh ifar akam amadagh, “E Polɨn mɨgɨrɨgɨar otevitam deravɨra a gɨfoghasa. Eghtɨ e a bagh pɨragham. A tɨghar izɨ ia bativtɨ, e a mɨsueghtɨ an aremegham.”

Aghuzir Akaba 12:2

Gumazamiziba arazir aghuimɨn gɨn zui, Ikiavɨra Itir God bar me gifuegha an navim bar men dera. Egha gumazir arazir kurabar igharaz darazir amuasa nɨghnɨziba, Ikiavɨra Itir God ghaze, a me gasɨghasɨgham.

Luk Osirizir Akar Aghuim 20:19

Ezɨ Judan Arazibagh fozir gumaziba, ko ofa gamir gumazir ekiaba, me bar kaghɨra Iesusɨn suighasa tuaviba buri. Me fo, an akar isɨn zuir kam me gasara, ezɨ me an suighan gumazamizibar atiati.

Mak Osirizir Akar Aghuim 15:1

Egha bar mɨzaraghara, ofa gamir gumazir ekiaba, ko Judabar gumazir aruaba, ko Judan Arazibagh fozir gumaziba, ko Judan kotɨn aven itir gumazir igharaziba sara, me nɨghnɨzir mam bato. Egha me Iesusɨn dafariba ikegha an akua ghua Pailat ganɨngi.

Esekiel 11:2

Ezɨ God kamaghɨn na mɨgɨa ghaze, “O nguazir kamɨn gumazim, gumazir kaba nɨghnɨzir kuraba ikia, arazir kuram damuamin tuavim buri. Egha uan nɨghnɨzir kurar kaba Jerusalemɨn gumazamiziba me ganɨdi.

Esta 9:25

Ezɨ Esta atrivim bagha ghuzɨ atrivim akɨnafarir gavgavim osiri. Egha ghaze, “Fomɨra Haman Judaba bar me gasɨghasɨghasa akam atɨ, ezɨ datɨrɨghɨn osɨmtɨzir kamra uamategh izɨ a bativam.” Ezɨ me temer an asarazimram aneguragha, uaghan an otariba gui.

Esta 5:14

Ezɨ Hamanɨn amuim Seres ko, an namakaba nɨghnɨzir mam batogha ghaze, “Nɨ nɨghnɨgh osɨman markɨ. Nɨ gumazibav kemeghtɨ, me temer ruaritam asaragh, eghtɨ an ruarim 20 mitan tugh. Eghtɨ nɨ gurum bar mɨzaraghara mangɨ atrivim mɨkemegh egh Mordekai inigh an fɨrim dafagh an eguraghtɨ an aremegh. Nɨ kamaghɨn damigh, navir amɨrizim inigh mangɨ damam.” Haman mɨgɨrɨgɨar kam gifuegha gumazibav kemezɨ, me Mordekai guasa temer mam asara.

Esta 3:8

Egha Haman ghua kamaghɨn atrivim mɨgei, “Gumazamizir igharazibar marazi nɨn kantrin nguibaba tintinibar dar aven iti. Egha kagh iti darazi amir araziba me ko dagh amir puvatɨ. Me bar ighara, egha atrivimɨn arazibar gɨn zuir puvatɨ. Kamaghɨn nɨ me ateghtɨ me ikɨvɨra ikɨtɨ, bizir kam nɨn akuraghan koghtɨ, nɨn kantri deragh mangan kogham.

Jopɨn Akɨnafarim 24:14

Bar mɨzaraghara, amɨnim tɨghar tiam, gumazir kuraba dɨkavigh mangɨ biziba puvatɨzir gumazamizibav soghtɨ me arɨmɨghirasa zui. Egha dɨmagaribar me biziba okɨmasava arui.

Aghuzir Akaba 14:22

Gumazamizir arazir kurabar amuasa nɨghnɨziba, men nɨghnɨziba bar pazɨvɨra mangam. Ezɨ gumazir arazir aghuim damuasa nɨghnɨzim, gumazir igharaziba a gifuegha navim an iti.

Aisaia 29:20

Eghtɨ gumazir ekiar kuraba, men gavgaviba gɨvagham. Eghtɨ gumazir Godɨn akam batogha a dɨpoviba, me puvarigham. Eghtɨ gumazir arazir kurabar amuasa bar ifongeziba, me bar moghɨra bar ikuvigham.

Esekiel 33:26

Ia zurara mɨdorozibagh ami da otifi. Egha ia arazir kurar kɨ aghuazibagh ami. Ia bar moghɨra poroghamiba uari bakeir arazibagh ami. Egha manmaghsua ia ghaze nguazir kam a iananam? Bar puvatɨ, ia a inighan kogham.

Esekiel 38:10

“Kɨ Ikiavɨra Itir Godɨn Ekiam, kɨ kamaghɨn Gok mɨgei: Dughiar kam otoghtɨ, nɨghnɨzir taba nɨ bativtɨ nɨ arazir kuratabar amusɨ nɨghnɨgh, dar amuamin tuaviba buriam.

Esekiel 46:18

“Eghtɨ atrivim gumazamizibar nguazitam me dama a inian kogham. A nguazir manam isɨ uan otaritam danɨngɨsɨ, a uan nguazimra isɨ a danɨngam. Eghtɨ nguazir kam an otarimɨn bizimra. A gumazamiziba abɨnɨva men nguaziba me dama da inian kogham. Kamaghɨn amizɨ, nan gumazamiziba uan nguazibar ikɨ deraghvɨra dapiagham. Me aghamsɨgh tintinibar nguazir igharazibar mangan kogham.”

Maika 6:12

Ezɨ nguibar ekiamɨn itir gumazir dagɨar avɨriba itiba, me onganarazibagh amir gumazamizibagh ifara men biziba pura dagh ekua, egha paza me gami. Nguibar ekiar kamɨn gumazamiziba, me bar ifavarir gumazamizibara.

Sekaraia 7:10

Ia pazɨvɨra amizir paba ariaghirezibar amuan markɨ. Egh borir afeziba ariaghireziba ko, gumazamizir saghuiamɨn iza ia ko itiba ko, gumazamizir biziba puvatɨziba, ia pazɨ me damuan markɨ. Egh ia uaghan uan adarazi gasɨghasɨghan markɨ.

1 Atriviba 21:7

Ezɨ Jesebel a mɨgɨa ghaze, “Tinara kantri Israelɨn atrivim? Nɨ, o igharaz tav? Nɨ osɨman markɨ! Nɨ dɨkavigh daghetam amɨ. Kɨ Nabotɨn wainɨn azenim isɨ nɨ danɨngam.”

Jopɨn Akɨnafarim 15:35

Ifavaribagh amir arazir guar avɨribar nɨghnɨzim, men navir averiabar otifi, mati borim amebamɨn navir averiamɨn otifi. Arazir kuram damuamin nɨghnɨzim men naviba ko nɨghnɨzibagh izɨfa, ezɨ me ifavarir avɨrim gami.”

Onger Akaba 36:5

O Ikiavɨra Itir God, nɨn apangkuvim bar ekevegha uanaga overiamɨn suira. Ezɨ nɨ zurara guizɨn arazimɨn gɨn ghua uan nɨghnɨzim gɨghavkɨrir puvatɨ, ezɨ nɨn arazir kam uaghan bar ekevegha uanaga, overiamɨn itir ghuariabar suira.

Onger Akaba 58:3

Gumazir arazir kurabagh amiba, me mangamin tuavim ataki. Men amebaba me batezir dughiamɨn ikegha iza datɨrɨkɨn, me ifaravɨra iti.

Aisaia 3:14

Egha Ikiavɨra Itir God uan gumazamizibar gumazir dapaniba ko gumazir aruaba ko kotiam gamua kamaghɨn me mɨgei, “Nan gumazamiziba mati, nan wainɨn azenim, ezɨ iarara azenir kam gasɨghasigha, an itir biziba bar da okeme. Ia gumazamizir biziba otevezibar apangkuvir puvatɨ. Bar puvatɨ. Men bizir muziariba, ia me da da isava uan dɨpenibar da pozibav kɨri.

Aisaia 5:8

Iavzika, ia dɨpenir avɨriba ko nguazibagh iveza egha uari baghavɨra dar poziba mɨkɨri darasi, ia bar ikuvigham. Kɨran oveghangɨn ia nguaziba ko biziba bar da inightɨ, igharaz darazi dapiamin danganibagh asagham. Eghtɨ ia uarira nguazir kamɨn ikiam.