Maika 1:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ Maika kamaghɨn mɨgei: “Bizir kaba otivam, eghtɨ nan navim bightɨ kɨ aziam. Kɨ uan osɨmtɨzir kam akakaghsɨ dagarir asuabar aghuan kogham, kɨ pura inir kurar bɨbɨziba ikiam. Egh kɨ afiar atiabar mɨn arongam. Egh kɨ ponemɨn mɨn arangam.

Maika 1:8 ပူးပေါင်းရင်းမြစ်များ

Aisaia 22:4

Kamaghɨn kɨ ia mɨgei, Ia nan navim damutɨ, a nɨmɨra ikɨsɨ damuan markɨ. Nan navim bar ikuvizɨ kɨ azia iti, kamaghɨn amizɨ, ia na ateghtɨ kɨ uabɨra ikiam. Nan gumazamiziba bar ikufi, ezɨ kɨ me ginɨghnɨghav arai.

Jeremaia 9:19

Guizbangɨra, Saionɨn nguibar ekiamɨn aven, gumazamiziba kamaghɨn ara egha azirakar ighiabagh amua ghaze, ‘Aio! E bar ikufi! Apaniba en dɨpenibagh asɨghasigha gɨfa. Ezɨ e uan nguazim ategham. Kamaghɨn e bar aghumsɨki.’ ”

Jeremaia 9:10

Kɨ Jeremaia, kɨ garima, Mɨghsɨaba ko tuziba itir danganiba, me bar adagh apongegha dagh asɨghasɨghizɨ gumazamiziba ua dagh aruir puvatɨ. Ezɨ bulmakaubar arareba puvatɨzɨ, kuarazibar arareba ua dar otivir puvatɨ. Kamaghɨn kɨ dagh nɨghnɨgha puvɨrama azi. Kɨ da bagha osemegha azir akam bange.

Jeremaia 9:1

Kɨ ghaze, Kamaghɨn deragham, nan dapanim dɨpamɨn mɨn ikɨtɨ, nan damazimning mozir dɨpar zurara anaga ivemarimɨn mɨn ikɨ. Eghtɨ kɨ arueba ko dɨmagaribar nan gumazamizir kɨ bar ifongeziba, apaniba mɨsoghezɨ ariaghireziba, me bagh aziva arangvɨra ikiam.

Jeremaia 4:19

Jeremaia kamaghɨn mɨgei: “Kɨ tizim bagha mɨzazir dafar kurar kam isi? Kɨ mɨzazir kurar kam isima, nan navir averiam bar na basemezɨ, nan dɨghorim bar pamten na ginivima, kɨ bar mɨkɨrɨghasava ami. Mɨzazir kam bar na abɨrazɨ nan nɨghnɨzim uaghan bar nan ikufi. Kɨ mɨdorozir gumaziba barazi, me mɨdorozim bagha pamtemɨn sɨghabagh ivi. Kamaghɨn amizɨ, kɨ uan akam dukuagh, nɨmɨra ikian kogham.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 16:9

“Kɨ Jaserɨn nguibar ekiam ko, Sipman wainɨn azeniba bagha azi. Ezɨ nan damazir temeriba uaghan Hesbon ko, Elealen nguibar ekiamning gisɨn iri. Kɨ fo, ia bar ikuvigha gɨfa, kamaghɨn amizɨ, ian gumazamiziba wainɨn azenibar mangɨ, wainɨn ovɨzir andɨziba kuarsɨ bar akuegh dɨm ivemar mangɨgh izegh damuan kogham.

Aisaia 13:21

Nguibar kam pura danganir kɨnim gavaghtɨ, asɨzir atiaba izɨva an ikiam. Eghtɨ dɨmagarimɨn, kuaraziba dɨpenibar ikiam. Eghtɨ poneba uaghan ikɨtɨ, memen atiaba uari akun nguibar ekiamɨn mangɨ izegh damuam.

Onger Akaba 102:6

Kɨ kuarazir bagabar mɨn gumazamiziba puvatɨzir danganimɨn uabɨra iti. Egha kuarazir mɨghɨamɨn mɨn danganir kurar gumaziba ikian aghuazibar iti.

Jopɨn Akɨnafarim 30:29

Kɨ mɨzazir ekiam isa pazavɨra iti, egha nan ararem mati afiar atiamɨn ararem ko ponemɨn araremɨn mɨn iti.

1 Samuel 19:24

A gumazir igharazibar mɨn uan korotiaba suegha, Samuelɨn damazimɨn, Godɨn akam inigha izir gumazibar mɨn ami. Egha dɨmagarir kam ko aruer kamɨn, a bibiamra irɨghav iti. (Bizir Sol batozir kam, an akar gumaziba mɨgeir mamɨn mɨngarim. Akar kam kamakɨn, “Manmaghɨn ami, Sol ti uaghan Godɨn akam inigha izir gumazim, o?”)

Aisaia 13:22

Eghtɨ, atrivibar dɨpeniba ko gumazir ekiabar dɨpeniba, afiar atiaba izɨ dar ikɨ, pura dapur ikiam. Bar guizbangɨra, Babilon ikuvighamin dughiam, a roghɨra izegha gɨfa.

Aisaia 32:11

Datɨrɨghɨn ian dabirabim derazɨ ia ghaze, ia deravɨra ikiam. Egh ia atiating nɨghɨva akong uan korotiar aghuiba suva, azirakar korotiabar aghuam.

Esekiel 32:18

“O nguazir kamɨn gumazim, nɨ Isipɨn gumazamizir avɨrir kam bagh azi. Egh nɨ me amadaghtɨ, me mangɨ kantrin gavgavir igharazibar gumazamiziba ko, Gumazamizir Oveaghuezibar Nguibamɨn magɨrɨ.

Maika 2:4

Ia bativamin bizir kaba otivtɨ, gumazamiziba ia geghan akam ia gasɨ ia mɨkɨmam. Egh me kamaghɨn azirakar ighiar amɨrizibar amuam: ‘E bar moghɨra bar ikufi. Ikiavɨra Itir God, en nguazim inigha en apanir igharazibagh anɨngi. Gumazir kaba e inigha ghua nguazir igharazimɨn e isa kalabus gatɨ. Maia! A datɨrɨghɨn manmaghɨn en nguazir, e da inizim ikarvagh e damuam?’ ”

2 Atriviba 18:13

Hesekia 14plan azenibar atrivimɨn itima, ezɨ Asirian Atrivim Senakerip uan mɨdorozir gumaziba ko iza Judaba ko mɨsogha me abɨragha, men nguibar dɨvazir gavgaviba avɨniziba bar da ini. Egha me Jerusalem inizir puvatɨ.

Esta 4:1

Mordekai kamaghɨn oregha bar atiatingi. Kamaghɨn a uan korotiaba abigha bar oseme. Egha azirakar korotiar bɨbɨziba aghuigha averenim isa uan dapanir arɨzim gaghui, egha tuavir kamɨn men akaghasa, a bar oseme. Egha a nguibar ekiamɨn aven arua pamten azirakar ighiabagh ami.