Maika 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ia kantriba bar dar gumazamiziba, ia deraghvɨra akar kam baragh! Ia nguazimɨn itir gumazamiziba, ia deraghvɨra kuariba arigh Ikiavɨra Itir Godɨn akam baragh! Ikiavɨra Itir God, ian Ekiam, a ia isa kot gatɨgha gɨfa. Ezɨ ia deravɨram oragh. Ekiam uan Dɨpenimɨn ikia mɨgɨrɨgɨar kam gami.

Maika 1:2 ပူးပေါင်းရင်းမြစ်များ

1 Atriviba 22:28

Ezɨ Mikaia ghaze, “Ia gumazamiziba bar deravɨra nan akar kam baragh!” Egha kamaghɨn Ahap mɨgɨa ghaze, “Nɨ osɨmtɨzitam inighan kogh ua deraghvɨra nguibamɨn izegh, egh nɨ kamaghɨn fogh suam, Akar kɨ mɨgeir kam, a Ikiavɨra Itir Godɨn izezir puvatɨ.”

2 Eghaghaniba 18:27

Ezɨ Mikaia ua ghaze, “Ia gumazamiziba bar deravɨra nan akar kam baragh!” Egha Ahap mɨgɨa ghaze, “Nɨ osɨmtɨzitam inighan kogh ua deraghvɨra nguibamɨn izegh, egh nɨ kamaghɨn fogh suam, Akar kɨ mɨkemezir kam, a Ikiavɨra Itir Godɨn izezir puvatɨ.”

Onger Akaba 11:4

Ikiavɨra Itir God uan Dɨpenimɨn aven ikiavɨra iti. A uan Nguibamɨn atrivimɨn ikiavɨra iti, egha gumazamiziba amir biziba a bar moghɨra dar gara da tuisɨsi.

Onger Akaba 24:1

Nguazir kam ko an itir biziba bar, da bar Ikiavɨra Itir Godɨn bizibara. Ezɨ nguazimɨn itir gumazamiziba bar uaghan an bizibara.

Onger Akaba 28:2

Nɨ orakigh, kɨ uabɨn akurvaghsɨ uan dafarimning fegh nɨn Dɨpenimɨn akagh nɨn dɨmɨva arangtɨ, nɨ nan kuarkuvigh nan akuragh.

Onger Akaba 50:1

Godɨn Bar Gavgaviba Itim, a en Ikiavɨra Itir God. An aruem anadi naghɨn ikegha ghua aruem uaghiri naghɨn itir gumazamiziba bar men dei.

Onger Akaba 50:12

Mɨtiriam nan aghɨtɨ, kɨ dagheba bagh ian azaraghan kogham. Guizbangɨra, nguazim ko bizir an itiba, da bar nan biziba.

Onger Akaba 50:7

God ghaze, “Nan gumazamiziba, ia oraghtɨ kɨ mɨkɨmam. Ia Israelia, kɨ kotɨn aven tugh ia gasir akamɨn gun mɨkɨmam. Kɨ uabɨra God, kɨ guizbangɨra ian God.

Aghuzir Akaba 8:4

“Kɨ gumazamiziba bar ian dei.

Aisaia 1:2

Ikiavɨra Itir God kamaghɨn mɨgei: “O overiam, nɨ kuarim atɨgh, eghtɨ nguazim, nɨ uaghan oragh. Borir kɨ garima ekeveziba, me datɨrɨghɨn nan akaba batosi.

Aisaia 18:3

Ia gumazamizir nguazir kamɨn ruaghatevim bar an itiba, ia bar oragh. Ia gantɨ, me ababanitam mɨghsɨabar a kuazaghtɨ, ia deravɨram an gan. Egh ia oraghtɨ me sɨghatam givitɨ, ia kuariba arigh deragh a baragh.

Aisaia 50:7

Guizbangɨra, Ikiavɨra Itir God, nan Ekiam, nan gara nan akurvasi, kamaghɨn amizɨ, men akar kurar katam na abɨrazir puvatɨ. Kɨ fo, kɨ amir ingangarir kam bagh aghumsɨzim inian kogham, kamaghɨn amizɨ, kɨ gavgavim uabɨ ganɨga uan ingangarim gami.

Jeremaia 22:29

O Israelian nguazim, Israelian nguazim, Israelian nguazim, nɨ Ikiavɨra Itir Godɨn akam baragh!”

Jeremaia 29:23

Aning Israelian tongɨn bar arazir kuram gami, egha aning namakabar amuiba koma akuava, nan ziam gifara akam akuri. Kɨ akar kam me ganɨngizir puvatɨ. Kɨrara, kɨ aning gara aning gɨfogha gɨvagha aningɨn gun mɨgei. Kamaghɨn amizɨ, kɨ aning gasɨghasigham. Kɨ Ikiavɨra Itir God, kɨ kamaghɨn mɨkemegha gɨfa.”

Jeremaia 42:5

Ezɨ gumazamiziba kamaghɨn Jeremaia mɨgei, “Bar guizbangɨra, Ikiavɨra Itir God, nɨn God, e an akaba bar adar gɨn mangam. Ikiavɨra Itir God guizɨn araziba ko, voroghɨra zuir araziba zurara adagh ami. Eghtɨ e an akar, an e bagha nɨ ganɨngizibar gɨn mangan koghtɨ, a uan kotɨn aven e tuisɨgham.

Jeremaia 6:19

O nguazim, nɨ oragh! Nan gumazamiziba na gɨnamadagha, Arazir Kɨ Me Ganɨngizibar gɨn zuir puvatɨ. Kamaghɨn, kɨ men arazir kurar kaba ikarvagh, uan gumazamizir kabagh asɨghasɨgham.

Jona 2:7

Ekiam, kɨ ovengamin moghɨn uabɨ gɨnɨghnɨgha, egha nɨ gɨnɨghnɨsi. Kɨ nɨ ko mɨgeir mɨgɨrɨgɨar kam nɨn Dɨpenir ekiar zuezimɨn nɨ batozɨ, nɨ na baraki.

Jona 2:8

Gumazir maba gavgaviba puvatɨzir marvir guabar ziaba fe. Gumazir kaba arazir nɨn gɨn zuim ataki.

Habakuk 2:20

“Ezɨ Ikiavɨra Itir Godra, uan Dɨpenir Bar Zuezir uan Nguibamɨn itimɨn iti. Eghtɨ ia nguazir kamɨn itir gumazamiziba bar moghɨra izɨ, an damazimɨn tuivigh, uan akabar kumigh nɨmɨra ikiam.”

Malakai 2:14

Ezɨ ia kamaghɨn Godɨn azangsɨsi, “Manmagh amizɨ, nɨ en ofaba isir puvatɨ?” Bizir kamɨn mɨngarim kamakɨn, Ikiavɨra Itir God fo, nɨ fomɨra uan mugamra ikia, amuimɨn ikiasa Godɨn damazimɨn akar dɨkɨrɨzir gavgavim gamigha ghaze, nɨ amizir kam ateghan kogham. Amizim, kar nɨn roroam. Ezɨ puvatɨ, nɨ akar dɨkɨrɨzir kam abigha gɨfa.

Malakai 3:5

Egha Ikiavɨra Itir Godɨn Gavgaviba Bar Itim ghaze, “Kɨ izɨ ian araziba tuisɨgham. Kɨ bar zuamɨra kotɨn aven gumazamizir kabar arazir kurabar gun me mɨkɨmam. Gumazamizir kabar kara: imezibagh amir gumazamiziba ko, kukunir gumaziba ko, gumazamizir poroghamibagh asɨghasɨziba ko, gumazamizir kotɨn akabagh ifariba ko, gumazir dapanir deragha uan ingangarir gumaziba ivezir puvatɨziba ko, gumazir amizir odiaribagh ifara pura men biziba isiba ko, gumazamizir afeziaba ariaghirezir boribar biziba isiba ko, gumazamizir Kantrin Igharazibar Gumazamizir men tongɨn itibar akurvazir puvatɨziba. Gumazamizir arazir kaba bar dagh amiba me nan apengan itir puvatɨ.”

Godɨn Araziba 32:1

“O overiam ko nguazim, gua deragh uan kuarimning atɨgh nan akaba baraghtɨ, kɨ mɨkɨmam.

Akar Mogomem 2:11

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, ovever namba 2 me gasɨghasɨghan kogham. Bar puvatɨ.”

Akar Mogomem 2:17

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, kɨ vaghvagh manan dagher datɨrɨghɨn muegav ititaba me danɨngam. Egh kɨ dagɨar ghurghuritaba me danɨngam. Egh dagɨar kabar kɨ men ziar igiaba osirigham, eghtɨ gumazitam ziar kabagh foghan kogham. Gumazamizir dagɨar kaba iniziba, merara dagh fogham.”

Akar Mogomem 2:29

“Tina kuarimning iti, an akar Godɨn Duam siosbav geiba baragh.”

Akar Mogomem 2:7

“Tina kuarimning iti, an akar Godɨn Duam siosbav geiba baragh. Gumazamizir mɨdorozim gamua apaniba abɨriba, kɨ men amamangatɨghtɨ, me ikɨrɨmɨrir aghuim anɨdir tememɨn daghebar amam. Temer kam, Godɨn Nguibar Aghuarimɨn itir azenimɨn iti.”

Akar Mogomem 3:13

Tina kuarimning iti, an akar Godɨn Duam siosbav geiba baragh.”

Akar Mogomem 3:22

Tina kuarimning iti, an akar Godɨn Duam siosbav geiba baragh.”

Akar Mogomem 3:6

Tina kuarimning iti, an akar Godɨn Duam siosbav geiba baragh.”

Gumazir Dapaniba 11:10

Ezɨ gumazir aruaba kamaghɨn mɨgei, “Guizbangɨra, e Ikiavɨra Itir Godɨn damazimɨn nɨ mɨgei, e nɨ mɨkemezɨ moghɨra e damuam.”