Maika 1:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ia Judaba, ia Moreset Getɨn nguibamɨn apangkufigh. Ia gantɨ, igharaz darazi a inightɨ, a ua ian nguibam gavaghan kogham. Eghtɨ Aksipɨn nguibamɨn adarasi, Israelian atrivibar akuraghan kogham.

Maika 1:14 ပူးပေါင်းရင်းမြစ်များ

Josua 15:44

Keila, Aksip, ko Maresa. Distrighɨn kam 9plan nguibar ekiaba an iti, ezɨ nguibar dozir maba dar boroghɨn iti.

2 Atriviba 16:8

Egha Ahas Ikiavɨra Itir Godɨn Dɨpenimɨn itir gol ko silvan dagɨaba, ko atrivimɨn dɨpenimɨn itir dagɨaba sara inigha Asirian atrivim givezeghtɨ, a Judabar akurvaghasa da amada.

Jeremaia 15:18

Manmagh amizɨ mɨzazir kam nan ikiavɨra iti? Egha manmagh amizɨ, me osɨmtɨzim na ganɨgavɨra iti, mati duaba nan mɨkarzimɨn ikiavɨra ikia mɨdir puvatɨ? Kɨ garima, nɨ nan akurazir puvatɨ, mati gumazim mozir pam bagha ghua garima, a dakezɨ a tam amezir puvatɨ.”

Aisaia 30:6

Ekiam, a Negevɨn danganimɨn, sautɨn amadaghan itir gumazamiziba puvatɨzir danganimɨn itir asɨzir atiaba, akar kam me ganɨngi. A kamaghɨn mɨgei: “Judan gumazir aruaba sautɨn amadaghan itir gumazamiziba puvatɨzir danganir kam garui. Kar gumazamiziba osɨmtɨziba bativamin danganir kurar mam. Laionɨn amebaba ko apuriba ko, kuruzir gumazamizibagh iviba ko, kuruzir kurar mɨghegha zuiba ko, asɨzir atiar kuraba danganir kamɨn iti. Ezɨ gumazir aruar kaba ingangarir dafam gamua, bizir bar aghuir ivezim bar pɨn koziba isa, donkiba ko kamelbagh isɨn arigha ghua, kantrin men akurvaghan koghamiba bagha da atera zui.

Onger Akaba 62:9

Gumazir kɨniba mati, amɨnim pura akamɨn otiva zui. Gumazir ziaba itiba, me uaghan pura biziba. E men osɨmtɨziba tuisɨgh fogham, me guizbangɨrama osemes ti. Men osɨmtɨziba akamɨn otivir amɨnim ko magh ghue.

2 Samuel 8:2

Egha gɨn, Devit ua uan mɨdorozir gumaziba ko ghua Moapia mɨsogha me abɨni. A men mɨdorozir gumaziba gaghora me mɨgeima, me 3plan bɨzir ruaribar nguazim gireghav iti. Egha a gumazir bɨzir faragha itiba ko bɨzir namba 2ɨn itibav gɨa ghaze, me aremegham. Egha namba 3ɨn gumazir bɨzim mɨgɨa ghaze, me aremeghan kogham. Ezɨ Moapia Devitɨn apengan ikia dagɨaba isa a ganɨdi.