Maika 1:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Ikiavɨra Itir God Jerusalem gasɨghasɨghamin dughiam bar roghɨra ize, kamaghɨn amizɨ, Marotɨn nguibamɨn adarazir naviba bar osemegha, uarir akurvaghasa gumazamiziba bagha pura mɨzua iti.

Maika 1:12 ပူးပေါင်းရင်းမြစ်များ

Jeremaia 14:19

Ezɨ kɨ kamaghɨn Ikiavɨra Itir Godɨn azangsɨsi, “O Ikiavɨra Itir God, nɨ bar akɨrim ragha Judan kantri gasara, o? Nɨ Saionɨn nguibar ekiamɨn gumazamiziba bar me gifongezir puvatɨ, a? Egha nɨ manmaghsua, bar e gasɨghasɨghizɨ, e ua deraghan kogham? E ghaze, e ti deraghvɨra dapiam. Ezɨ puvatɨ, e deragha apiazir puvatɨ. E ghaze, e ti osɨmtɨziba ategh, avughsɨ deravɨra ikiam. Ezɨ puvatɨ, apaniba iza e gamima e bar atiatingi.

Maika 1:9

Eghtɨ Samarian gumazamizibar osɨmtɨzim, mati mɨdir puvatɨzir duaba. Eghtɨ Judaba, uaghan kamaghɨra mɨzazim iniam. Jerusalem, kar nan gumazamizibar nguibam, a mɨzazim iniamin dughiam uaghan bar roghɨra izi.”

Amos 3:6

Eghtɨ mɨdorozim nguibatamɨn aven otivsɨ, gumazamiziba fofoghsɨ me sɨgham giviam. Ezɨ ia manmaghɨn nɨghnɨsi, gumazamiziba atiatingam, o? Ezɨ kamaghɨra, nguibar ekiatam asɨghasɨzim a batogham. Ezɨ ia manmaghɨn nɨghnɨsi, Ikiavɨra Itir God ti asɨghasɨzir kam amadaz, o?

Jeremaia 8:15

E ghaze, e deravɨra dapiam, egha e deragha apiazir puvatɨ. Egha e ghaze, ua deraghamin dughiam iti, ezɨ apaniba iza e gamima, e bar atiatingi.

Aisaia 45:7

Kɨrara, kɨ mɨkemezɨ, angazangarim ko mɨtarmem oto. Egha kɨrara gumazamizibagh amima, me deravɨra iti. Kɨ me gamima, me osɨmtɨzir ekiaba batifi. Kɨ Ikiavɨra Itir God, kɨrara bizir kabagh amima da otivaghiri.

Jopɨn Akɨnafarim 30:26

Kɨ kamaghɨn nɨghnɨki, nan dabirabir aghuim zurara ikiam, ezɨ puvatɨ, dughiar bar kuram na bato. Kɨ ghaze kɨ angazangarimɨn aven ikiam. Ezɨ puvatɨ, mɨtarmem bar na avara.

1 Samuel 4:13

Ezɨ Eli Silon nguibamɨn tuavimɨn mɨriamɨn uan dabirabim gaperaghav iti. A pamtemɨn Ikiavɨra Itir Godɨn Boksiam gɨnɨghnɨgha gara iti. Ezɨ mɨdorozir gumazir kam, mɨdorozir otozimɨn arazimɨn gun gumazamizibagh eghanasa, Silo nguibamɨn aven izi. Ezɨ gumazamiziba oregha bar osemegha, pamtemɨn diava arai.

Rutɨn Eghaghanim 1:20

Ezɨ Naomi ghaze, “Ia ‘Naomi,’ na darɨghan markɨ. Ziar kam kamakɨn, amizir navir aghuim itim. Puvatɨ. Godɨn Gavgaviba Bar Itim navir osɨmtɨzim na ganɨngi. Ezɨ ia ‘Mara,’ na darɨgh, ziar kam kamakɨn, amizir navir kuram itim, mati dagher mɨsozim pamten an akam mɨsosi.