Maika 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ia Safirɨn nguibamɨn gumazamiziba, ia bibiabara ikɨva aghumsɨgh, kalabuziar gumazamizibar mɨn kantrin igharazimɨn mangɨ. Ia Sananɨn nguibamɨn gumazamizibar atiatigh, nguibam ategh azenan izan kogham. Ia oraghtɨ, Beteselɨn nguibamɨn adarazi arangtɨ ia fogh, mongamin danganitam kagh itir puvatɨ.

Maika 1:11 ပူးပေါင်းရင်းမြစ်များ

Aisaia 20:4

Eghtɨ Asirian atrivim mangɨ, kantri Isip ko kantri Itiopia mɨsogham. Egh a kantrin kamningɨn gumazamizir igiaba ko, gumazamizir ghuriba inigh mangɨ kantrin igharazir tamɨn me kalabuziam darɨgham. Egh me mangamin dughiamɨn, me korotiaba ko dagarir asuataba aghuighan kogham, me pura daruam. Me pura bibiabara ikɨ, bar aghumsigham.

Nahum 3:5

Ezɨ Ikiavɨra Itir Godɨn Gavgaviba Bar Itim kamaghɨn mɨgei, “O Ninive, kɨ nɨ gasɨghasigham. Nɨ tuavimɨn amizimɨn mɨn itima, kɨ datɨrɨghɨn nɨn korotiaba sueghtɨ nɨ bibiamra ikiam. Nɨ korotiaba puvatɨghtɨ, Kantrin Igharazibar Gumazamiziba nɨn gantɨ, nɨ bar aghumsigham.

Maika 1:8

Ezɨ Maika kamaghɨn mɨgei: “Bizir kaba otivam, eghtɨ nan navim bightɨ kɨ aziam. Kɨ uan osɨmtɨzir kam akakaghsɨ dagarir asuabar aghuan kogham, kɨ pura inir kurar bɨbɨziba ikiam. Egh kɨ afiar atiabar mɨn arongam. Egh kɨ ponemɨn mɨn arangam.

Esekiel 23:29

Gumazir kaba, bar nɨn aghua, kamaghɨn amizɨ, me nɨn bizir nɨ ingara iniziba bar da inighɨva, nɨ ateghtɨ, nɨ bibiamra ikiam. Mati nɨ fomɨra arazir mɨzɨrɨzibagh amua tuavimɨn amizimɨn mɨn bibiamra ike.

Esekiel 16:37

Nɨn arazir kaba bangɨn, nɨ gifongezir gumaziba, kɨ bar me akuvagham. Gumazir nɨ ifongeziba, ko nɨ aghuaziba sara, kɨ men aku izɨtɨ, me bar nɨ okarigh tuivightɨ, kɨ nɨn korotiaba sueghtɨ, me bar nɨn gantɨ, nɨ bibiabara ikiam.

Jeremaia 48:9

“Moap, kɨ amangsɨzim nɨn nguazim datɨgham. Eghtɨ nɨn nguibaba bar ikuvigh pura ikiam. Eghtɨ gumazitaba dar ikeghan kogham.”

Jeremaia 48:6

Me kamaghɨn mɨgei: Ia zuamɨram aregh. Puvatɨghtɨ ia ikuvigham. Ia asɨzir atiabar mɨn mangɨ gumazamiziba puvatɨzir danganimɨn mongegh.

Jeremaia 13:22

Egh nɨ ti uan navir averiamɨn aven uabɨ uabɨn azangsɨgham, manmaghɨn amizɨ, bizir kurar kaba na batifi? Nɨ kamaghɨn fogh, Nɨn arazir kuram bar ekefe. Kamaghɨn amizɨ, gumaziba nɨn korotiaba suegha arazir kurabar nɨ gami.

Aisaia 16:2

Egh me kamaghɨn Judan gumazamizibav mɨkɨm, Apaniba en nguibabar en agɨrazɨ, e ara ghua Arnonɨn Fanemɨn mɨriamɨn ikia, deragha itir puvatɨ. E mati kuarazir nguziba uan mɨkonimɨn suaghiregha pura tintinibar ruarimɨn aven arui moghɨn, e ara pura tintinibar arui.

Josua 15:37

Ezɨ distrighɨn igharazimɨn itir nguibar ekiabar kara: Senan, Hadasa, Mikdalgat,

Sekaraia 14:5

Danganir zarir kam, a bar mangɨ, Asalɨn nguibamɨn otogham. Eghtɨ ia arɨ danganir zarir kamɨn mangɨ vongɨn otogham. Fomɨra Usia Judan atrivimɨn itima, mɨkɨmkɨzir ekiam otozɨ ian ovaviba arezɨ moghɨn, ia zuamɨram aregham. Eghtɨ dughiar kamɨn, Ikiavɨra Itir God, nan God, uan enselba bar ada inigh ia bagh izam.